"Калаванинг учи"
Суд иштирокчиларига Ўзбекистонда ишланган "Калаванинг учи" ҳужжатли фильми намойиш этилмоқда.
Ўзбекистон давлат телевидениси томонидан ишланган ва 2010 йил май ойида эфирга узатилган фильмда 2009 йил Тошкентда ҳукуматпараст уламо ва ички ишлар мулозимига қарши содир этилган қотилликлар Обид қори Назаров "фатвоси" билан амалга оширилгани даъво қилинади.
2010 йил Обид қори Назаров Озодлик билан суҳбатда "Калаванинг учи" фильмига қуйидагича муносабат берганди:
"Бу фильмни МХХнинг қасоси ëки қутуриши деб номлаш мумкин. Бу филмни мен билан Ўзбекистон МХХ ўртасида бўлган можароларга¸ тортишувларга¸ баҳс ва мунозараларга жавоб, деса бўлади. Демак¸ МХХ қасос олишда давом этаяпти. Ўзи қасослари¸ ўчлари кўп бўлган. Бу ҳам шунинг яан бир силсиласи¸ халқаси, деса бўлади."
Танаффус
Судда танаффус эълон қилинди.
Жараённи тўғридан-тўғри суд залидан ёритаётган Озодлик мухбирига кўра,
"Полициячилар, кечагидан фарқли, айбланувчи Юрий Жуковскийни суд залидан кишанлаб олиб чиқишди".
Жабрланувчи талаби
Танаффус эълон қилинишидан олдин сўз олган жабрланувчи Обид Назаров адвокати унга етказилган жисмоний ва маънавий зарарни қоплаш учун товон пули талаб қилди.
Назаров адвокати, жабрланувчилар хавфсизлиги нуқтаи назаридан, бошқа талабларни ёпиқ эшиклар ортида айтишни афзал билди.
Суд бу борадаги қарорини танаффусдан сўнг эълон қилишини айтди.
Товон масаласида суд қарори
"Суд товон масаласида қарор қилди. У ёпиқ эшиклар ортида бўлар экан. Шу учун тарафлар бошқа залга кириб кетишди. Жавобини кейинроқ асосий залда айтишса керак," деб ёзади суд жараёнини кузатаётган ўзбекистонлик мухолифат фаоли Ҳазратқул Худойберди ўзининг Фейсбукдаги саҳифасида.