Суднинг биринчи куни
Суднинг биринчи куни ниҳоясига етди. Сешанба куни дастлаб прокурор Кристер Петерссон ўз чиқишига якун ясайди.
Сўнгра асосий гувоҳлардан бири, Довудхон Назаров, кўрсатма беради.
Сўнгра айбланувчи Юрий Жуковский чиқиш қилиши кутилмоқда.
Телефонлар
Прокурор Юрий Жуковский ёнида олиб юрган телефон ёрдамида унинг Швециядаги ҳаракатлари аниқланганини билдирди.
Прокурорга кўра, Швецияда экан Юрий Жуковский камида тўрт хил телефон рақамларидан фойдаланган.
Стокгольмдан туриб Ўзбекистондаги турли номерларга кўп марта телефон қилган.
Прокурорнинг маълум қилишича, 2012 йил 21 февраль куни эрталаб Жуковский Хотинг минтақасига ҳаракат қилган ва яна Стромсундга қайтган. 22 феврал соат 11 да Москвага телефон қилган. Айни рақамга суиқасд амалидан бир неча минут аввал ва суиқасддан бир неча дақиқа кейин телефон қилган, сўнгра Остершундга йўл олган.
ДНК ва бармоқ излари
Прокурор суиқасдда айбланаётган Жуковскийга қарши ашёвий далилларни кўрсата бошлади.
Суиқасд юз берган саҳнда қайд этилган бармоқ ва ДНК излари айбланувчи бармоқ излари битлан муқоиса қилинди.
Прокурор Обид Назаров турган уй эшигидан олинган бармоқ излари, уй яқинида топилган рюкзак, унинг ичидаги пистолет ва мобиль телефонларидаги ДНК ва бармоқ излари, Жуковский кирага олган хонадондаги кўрпа ва болишлардан олинган ДНК ўрнаклари билан бир хил чиққанини билдирди.