Бугун Тошкентда Ўзбекистон терма жамоаси қатарликлар билан беллашди. Ўйин 5:1 ҳисобида ўзбек футболчилари фойдасига ҳал бўлгани билан Жанубий Кореянинг Эронга 0:1 ҳисобида ютқазгани эвазига Ўзбекистон жамоаси Жаҳон чемпионатига чиқиш имконидан маҳрум бўлди. Энди жамоа плей офф ўйинларида қатнашади.
"Бунёдкор" стадионидан олинган маълумотга кўра, 10 мингта чиптагина эркин сотувга чиқарилади. Чипталар нархи балкон учун 25 минг сўм, пастки секторларга 20 минг сўм, иккинчи қават учун эса 15 минг сўм қилиб белгиланган.
Тошкентдаги футбол ишқибозларидан олинган маълумотга кўра, 17 июн куни ўйинга чипталар нархи "қўл"да 120-175 минг сўмгача чиққан.
"Бунёдкор" стадиони чиптахонаси Ўзбекистон-Қатар жамоалари ўйинидан бир кун олдин ҳам ёпиқлигича қолди. Сурат 17 июн куни олинган.
Жорий йилнинг 26 март куни ўтказилган Ўзбекистон-Ливан ўйинига чиқарилган чипталар савдоси билан боғлиқ можаролар ҳали футбол ишқибозлари ëдида.
18 март куни Бунёдкор стадионининг чиптахонаси олдида Ўзбекистон-Ливан ўйинига чипта сотилаётган пайт минглаб футбол ишқибози орасида юзага келган тиқилинчни тартибга солиш вақти махсус хизмат кучлари ишга солинган эди. Натижада футбол ишқибозларига нисбатан “дубинкалар” қўлланилгани ва бир неча киши ҳибсга олиниб, кейин қўйиб юборилган эди.
Ўзбекистон-Ливан ўйинига ҳам чипталар дастлаб 15 март куни сотувга чиқарилиши айтилди. Кейинчалик бу сана 18 март кунига ўзгартирилди.
Сўнгра чипта сотиш уч кунга тўхтатилиб, фақат ўйинга икки кун қолганида чипта сотила бошланди. Ўша пайтда чипталарнинг жуда чекланган миқдорда сотилгани айтилди.
