тел: +420 2 2112 3387 mobile:+420 605 562 270 (шошилинч хабарлар) twitter: khurmatb skype: khurmatskype facebook:Khurmat Babadjanov
Фаластиннинг "Хамас" ташкилоти ўз етакчиси Абдул Азиз Рантисий ўлдирилганига жавобан Исроилдан қасос олишини маълум қилди. Шанба куни Ғазо минтақасида Исроил ҳарбий вертолёти "Хамас" етакчиси минган автомашинани ракетадан аниқ нишонга олди. Оқибатда автомашина ичида бўлган Рантиси оғир яраланди ва сўнгра касалхонада жон берди. 22 март куни "Хамас"нинг аввалги раҳбари Шайҳ Аҳмад Яссин тақдири ҳам шундай якун топган эди.
АҚШ ҳарбий қўмондонлиги радикал шиа гуруҳлари рахнамоси бўлган Мўктадо ас-Садрни қўлга олиш ёки уни йўқ қилишга буйруқ берган. Сешанба куни АҚШ рахбари Жорж Буш агар амалиётлар учун Ироққа қўшимча қўшин юбориш керак бўлса, юборамиз, деб айтди.
Ироқнинг Фаллужа шаҳрида урушаётган томонлар орасида ўт очмаслик тўғрисидаги келишувга қарамай, ўтган тунда шаҳарнинг айрим нуқталарида бомба портлашлар, ўқ овозлари эшитилган. Ўтган бир ҳафта давомида Ироқдаги коалиция кучлари ва қуролли исёнчилар ўртасидаги жангларда жами 600 га яқин ироқлик нобуд бўлди, Америка томони эса 70 нафар аскарини йўқотди. Айни пайтда, Пекин ҳукумати Ироқда етти нафар Хитой фуқароасининг номаълум гуруҳлар тарафидан гаровга олинганини тасдиқлади.
Тарихда биринчи марта Оқ уй махфий разведка маълумотларини жамоатчиликка ошкор этди. АҚШдаги 2001 йил 11 сентябр террор ҳужумларидан бир ой олдин "Ал Қайда" тахдиди ҳақида Марказий Разфедка Бошқармасининг Президент Жорж Бушга тақдим этган ҳисоботи очиқланди.
АҚШ етакчилигидаги коалиция кучлари пойтахт Бағдод атрофидаги "Сунний учбурчаги" деб номланган ҳудудларда шиа ва сунний исëнчиларга қарши амалиëтларни чоршанба куни ҳам давом эттирдилар. Бағдод ғарбидаги Рамади ва Фаллужа шаҳарларида маҳаллий исёнчиларга қарши кенг миқёсли амалиёт олиб бордилар. Кеча мазкур худудларда 12 нафар АҚШ ҳарбий денгиз пиёдачиси ва ўнлаб ироқлик ҳалок бўлган эди. Сўнгги маълумотларга кўра, якшанбадан бери давом этаётган Ироқдаги тўқнашувларда 31 нафар коалиция ҳарбийси ва 160дан ортиқ ироқлик нобуд бўлган.
Ироқнинг турли нуқталарида аҳолининг норозилик чиқишлари якшанба куни ҳам давом этди. Нажаф шаҳрида эса халқаро коалиция кучлари норозилик намойишига тўпланган оламонга қарата ўт очишга мажбур бўлди. Хабарларга кўра, бир неча одам нобуд бўлган ва яраланган.
Ўзбекистонда уч кун давом этган ва 23 киши ўлимига сабаб бўлган бомба ҳужумлари дунё ҳамжамияти эътиборини яна бир бор Марказий Осиёнинг ушбу собиқ совет давлатига қаратди. Ғарб матбуотида Тошкент воқеаларига оид кўплаб мақолалар эълон қилинди.
АҚШдаги 2001 йил 11 сентябр кунги террор ҳужумлари олдини олиш мумкин эдими? Агар мумкин бўлса нега унинг олди олинмади? АҚШнинг қайси маъмурияти бу ерда хатога йўл қўйган - ҳозирги Буш маъмуриятими ёки олдинги, Клинтон ҳукуматими? Кўплаб мубохасаларга сабаб бўлаётган мана шу саволларга аниқлик киритиш учун бир неча ой аввал АҚШда махсус мустақил комиссия тузилган эди. Сешанба куни эса айни комиссия дастлабки эшитувларни ўтказди. Унда АҚШнинг ҳам ҳозирги ҳам аввалги маъмуриятида ташқи сиёсат, хавфсизлик ва мудофаа масалаларига масъул бўлган расмийлар кўрсатма бердилар.
Душанба куни эрталаб Исроил ҳарбий кучларининг Ғазо минтақасида амалга оширган ҳаво ҳужумлари натижасида Фаластиннинг "Хамас" қуролли гуруҳи етакчиси Шайх Аҳмад Яссин ҳалок бўлди. Хабарларга кўра, Яссин эрталабки намоздан қайтаётганида у ўтирган автомашина Исроил ҳарбий вертолётидан нишонга олинган. Исроил Армияси вакилларига кўра, Яссин ва у рахбарлигидаги "Хамас" ташкилоти Исроилда тинч аҳолига қарши содир этилган қатор худкуш портлашларга жавобгарликни зиммасига олган ва шу боис Исроил ҳукумати "Хамас" етакчисига ракета ҳужуми орқали жавоб қилишга қарор қилган.
Американинг террорчиликка қарши уруши ортида Вашингтоннинг Яқин Шарқ нефти устидан назорат ўрнатиш ва дунёга ҳукмронлик қилиш иддаоси ётибдими? АҚШ Президенти Жорж Буш ва Британия Бош вазири Тони Блэр Ироқ таҳдиди ҳақида ёлғон гапирганларми? Ал-Қайда етакчиси Усама бин Ладин қаҳрамонми? Яқинда Американинг "Pew" мустақил тадқиқот маркази Ғарбий Европа ва Яқин Шарқ минтақасининг тўққиз давлати аҳолисининг бу борадаги фикрларини ўрганиш мақсадида сўров ўтказди. Сўров натижаларига кўра, респондентларнинг кўпчилиги мазкур саволларга "Ҳа" жавобини беришган.
Испанияда парламент сайловлари бошланишидан сал олдин мамлакат Ички ишлар вазири Анхел Асебес Мадрид портлашларида "Ал-Қаида"нинг қўли бўлиши мумкинлигини баён қилди.
Пайшанба куни эрталаб Мадриднинг қоқ марказидаги Аточа темир йўл вокзали ва бошқа вокзалларда қатор портлашлар рўй берган эди. 13 март кунги маълумотларда шаҳарлараро қатнайдиган поездларда ўрнатилган бомбалар портлагани оқибатида 200 одам нобуд бўлгани ва бир минг тўрт юз одам жароҳат олгани билдирилди.
Ироқда ўтиш даври конституциясининг имзоланиши олқишланди ва айни пайтда мазкур ҳужжат танқидларга ҳам сабаб бўлди. АҚШ Президенти Жорж Буш Ироқ Бошқарув Кенгашининг муваққат конституция борасидаги қарорини демократия сари "тарихий қадам" сифатида баҳолаган бўлса, Ироқда катта таъсирга эга шиалар етакчиси Оятулло ал-Систоний конституцияга қарши чиқиб, ҳужжат Ироқда янги конституция қабул қилинишига тўсиқ яратиши мумкинлигидан хавотир билдирди.
Шу кунларда Америка Қўшма Штатларида болаларни ҳар хил порнографик сайтлардан ҳимоялаш масаласи ҳар қачонгидан долзарб бўлиб турибди. Илгари бу борадаги қонун лойиҳаси АҚШда сўз эркинлигига хилоф, деб топилиб, мамлакатнинг қуйи суд тизимларида юристлар қаршилигига учраган эди. Эндиликда дунё Интернет тармоғида порнографик саҳифалар ҳажми мисли кўрилмаган даражага етар ва балоғатга етмаган ёшларнинг Интернетга қизиқиши ортар экан, масала қайта кун тартибига кўтарилган кўринади.
Давомли халқ қўзғолонлари халқаро ҳамжамият босимларидан сўнг якшанба куни Ҳаити Президенти Жан Бертранд Аристид мамлакатни тарк этди.<i/>
Душанба куни БМТ Бош Котиби Кофи Аннан Ироқда сайловларни фақат шу йил оҳирларига бориб ўтказиш мумкинлигини баён қилди. Аммо, унгача Ироқда хавфсизлик ўрнатилиши ва маъмурий ҳамда ташкилий масалалар ҳал қилиниши керак, деди Аннан. Бу фикрлар БМТ Бош Котибининг душанба куни Хавфсизлик Кенгашига тақдим этган ҳисоботидан ўрин олган. БМТнинг Ироқда сайлов ўтказиш масаласига оид қарашларини ўрганган ҳамкасбим Ҳурмат Бобожон ҳозир студияда.
Ўтган шанба Москвадаги гавжум "Трансвааль" аквапарки гумбази қулаши оқибатида 25 киши ҳалок бўлди, юзлаб киши жарохатланди. Москва мэри Юрий Лужков мазкур фалокат юзасидан тергов бошланганини ва ходисанинг техник жихатларини ўрганиш учун шаҳар маъмурияти махсус комиссия тузганини маълум қилди.
Давомини ўқинг
