Тел: +996 550528 555
Facebook: @elmurod.zhusupaliev
Бишкекдаги 7-8 апрел воқеларида халққа қарши ўқ отганлар ва ўқ отишга буйруқ берганлар жазосиз қолмайди. Бу ҳақда Қирғизистон муваққат ҳукумати вакиллари расман билдирдилар.
Бишкекдаги “Ата Бейит” хотира мажмуаси ва Олатоғ бош майдонига 7 апрел воқеаларига 40 кун тўлиши муносабати билан ҳалок бўлганлар хотирасини ёдлаш учун минглаб одамлар йиғилди.
Қирғизистон муваққат ҳукумати Қозоғистон раҳбарияти билан музокаралар олиб боргани ва расмий Остона чегарани 11 май куни очишга розилик бергани эълон қилинган бўлса-да, қирғиз-қозоқ чегараси ҳамон ёпиқлигича қолмоқда. Айни пайтда Ўзбекистон ҳам Қирғизистон билан чегараларини очгани йўқ.
Ўзбекистон Қирғизистондан ижарага олган ерлари учун 10 миллион доллар қарз бўлиб қолган. Бу маълумот Қирғизистоннинг Боткен вилоят ҳокимлигида ўтказилган йиғилиш чоғида очиқланди.
1993 йилнинг 5 майида қабул қилинган қирғиз конституцияси шу кунгача 7 марта ўзгартирилди ва бу ўзгартишлар “демократия оролчаси” деб танилган Қирғизистонни авторитар давлатга айланаёзишига хизмат қилди.
АҚШ президентининг миллий хавфсизлик масалалари бўйича ёрдамчиси Майкл Макфол 4 май куни Бишкекка келди. Кузатувчилар апрел воқеаларидан сўнг Қирғизистонга иккинчи бор АҚШ расмийсининг ташриф буюришини Бишкекдаги ҳарбий транзит маркази масаласи билан боғламоқдалар.
Қирғизистон муваққат ҳукумати 30 апрел куни ўз декрети билан Марказий Осиёда ҳозирча ягона бўлган жамоатчилик телеканалига асос солди. Бундай ҳаракатнинг Қирғизистонда сўз эркинлиги ҳудудини кенгайтириши айтилмоқда.
Бишкекдаги 6-7 апрел воқеаларини ўрганган мустақил комиссия ўз хулосасини эълон қилди. Унда айтилишича, апрел воқеаларига Қирғизистон миллий хавфсизлик хизматининг махсус режалаштирган провокацияси сабаб бўлган.
Қирғизистоннинг жанубий пойтахти бўлмиш Ўш шаҳрида аҳолига айирмачилик кайфиятидаги варақалар ва видеотасвирлар тарқатилмоқда. Бу маълумотни Қирғизистон Миллий хавфсизлик хизмати ҳам тасдиклади.
Қирғизистондаги “Бизнинг ҳуқуқимиз” жамоатчилик жамғармаси собиқ президент Қурмонбек Бакиевга нисбатан Жиноят кодексининг “кўпхотинлилик” моддаси бўйича жиноий иш очиш илтимоси билан Бишкек шаҳар Биринчи май туман судига мурожаат қилди.
Вашингтон пост” газетасининг маълум қилишича, АҚШ Конгресси қўмиталаридан бирида чиқиш қилган экспертлар гуруҳи АҚШ Бишкекдаги ҳарбий базасини сақлаб қолиш мақсадида Қирғизистондаги инсон ҳуқуқлари муаммосига кўз юмганини билдирдилар.
Қирғизистонда Бакиевлар оиласи ва уларга яқин бўлган одамларга нисбатан кўплаб жиноят ишлари очилди. Биргина Қурмонбек Бакиевнинг ўғли Максимга нисбатан 23 та жиноят иши қўзғатилган.
Ҳюман Райтс Вотч хулосасига кўра, Қирғизистондаги апрел воқеалари чоғида вазиятнинг таранглашуви ва ўқ отилишига хавфсизлик кучлари ҳамда мухолифат тарафдорларининг хатти-ҳаракатлари сабаб бўлган.
Қурмонбек Бакиев Қирғизистон президенти лавозимидан истеъфо бермагани ҳақида баёнот тарқатди. Бу ҳақда у Минскда журналистлар билан бўлган учрашуви чоғида билдирди.
Қирғизистон муваққат ҳукумати мамлакат янги Конституциясини ҳозирлашга киришди. Муваққат ҳукумат расмийларига кўра, янги Конституцияга биноан Қирғизистон парламент бошқарувидаги республикага айлантирилади.
Бишкек яқинидаги Маëвка қишлоғида 19 апрелдан 20 апрелга ўтар кечаси содир этилган тартибсизликлар чоғида беш киши ҳалок бўлди ва 40 киши яраланди. Яраланганлардан 10 нафари милиция ходимидир.
Бишкекда 6-7-8 апрел воқеаларини ўрганиш мустақил жамоатчилик комиссияси иш бошлади. Ҳуқуқ ҳимоячилари, нодавлат ташкилоти вакилларидан иборат бўлган комиссия вакиллари 14 апрел куни Жалолободда бўлиб, президент Бакиев билан учрашдилар.
АҚШ давлат котиби ёрдамчиси Роберт Блейкнинг Қирғизистонга ташрифи муносабати билан матбуот анжумани ўтказган муваққат ҳукумат раисаси Роза Ўтунбаева дахлсизликдан мосуво қилинган президент Бакиев қўлга олинган тақдирда унинг маҳкамага тортилиши мумкинлигини билдирди.
14 апрел куни АҚШ давлат котибининг ёрдамчиси Роберт Блейк Бишкекка келди. У бу ерда Қирғизистон муваққат халқ ҳукумати раҳбарлари билан учрашиб, музокаралар ўтказмоқда. Айни пайтда 14 апрел куни Бишкекка Хитой делегациясининг ҳам келиши кутилмоқда.
13 апрел куни Қирғизистон муваққат ҳукумати шундай қарорга келди. Инқилобий ҳукумат аъзолари баёнотига кўра, Конституциявий суд фаолияти янги таҳрирдаги Бош қонун қабул қилингач, қайта тикланиши мумкин.
Давомини ўқинг
