Емайл: bobomatovu@rferl.org
Rossiyaning Sankt-Peterburg shahri va Leningrad viloyatida yashab mehnat qilayotgan muhojirlar Sberbank orqali to‘lovlarni amalga oshirishga qiynalmoqda. Peterburgdagi muhojirlarning bunday vaziyatidan ustamonlik bilan foydalanuvchi firibgarlar paydo bo‘layotgani aytilmoqda.
Россиянинг Санкт-Петербург шаҳри ва Ленинград вилоятида яшаб меҳнат қилаётган муҳожирлар Сбербанк орқали тўловларни амалга оширишга қийналмоқда. Петербургдаги муҳожирларнинг бундай вазиятидан устамонлик билан фойдаланувчи фирибгарлар пайдо бўлаётгани айтилмоқда.
Moskva va Sankt Peterburgda terrorchilik hurujlarini rejalashtirganlik va IShIDga aloqadorlikda gumonlangan guruh Yekateringburgda hibsga olindi. Rossiya FSBsi tarqatgan ma’lumotga ko‘ra, ushlangan 7 nafar shaxs orasida Rossiya va Markaziy Osiyo respublikalari fuqarolari borligi aytilmoqda.
Москва ва Санкт Петербургда террорчилик ҳуружларини режалаштирганлик ва ИШИДга алоқадорликда гумонланган гуруҳ Екатерингбургда ҳибсга олинди. Россия ФСБси тарқатган маълумотга кўра, ушланган 7 нафар шахс орасида Россия ва Марказий Осиё республикалари фуқаролари борлиги айтилмоқда.
5 yil oldin Uzoq Sharq Federal Universitetiga (DVFU) kafedra mudirligiga taklif etilgan o‘zbekistonlik professor Yo‘lbarsxon Mansurov o‘ziga nisbatan bosim davom etayotganidan shikoyat qilayapti. O‘z haq-huquqlari uchun kurashishni davom ettirayotgani uchun universitet rahbariyati tomonidan yotoq joyidan mahrum etilgan domla Mansurov “Men ish sharoitlarim yaxshilanishidan ortiq narsa talab qilayotganim yo‘q”, demoqda. Domlaning so‘zlarini inkor etayotgan universitetning yangi rahbariyati Rossiya Sharqidagi eng yirik o‘quv dargohida o‘zbekistonlik olimga “barcha sharoitlar yaratilganini” ta’kidladi.
5 йил олдин Узоқ Шарқ Федерал Университетига (ДВФУ) кафедра мудирлигига таклиф этилган ўзбекистонлик профессор Йўлбарсхон Мансуров ўзига нисбатан босим давом этаётганидан шикоят қилаяпти. Ўз ҳақ-ҳуқуқлари учун курашишни давом эттираётгани учун университет раҳбарияти томонидан ётоқ жойидан маҳрум этилган домла Мансуров “Мен иш шароитларим яхшиланишидан ортиқ нарса талаб қилаётганим йўқ”, демоқда. Домланинг сўзларини инкор этаётган университетнинг янги раҳбарияти Россия Шарқидаги энг йирик ўқув даргоҳида ўзбекистонлик олимга “барча шароитлар яратилганини” таъкидлади.
Moskva prokuraturasi mashhur kinoaktyor Yevgeniy Leonovga o‘rnatilgan “Dotsent” haykalini o‘g‘irlab, metallolomga sotgan yetti nafar O‘zbekiston fuqarosiga nisbatan ayblov xulosasini tasdiqladi. Prokuratura hozirda hibsda ushlab turilgan yetti o‘zbek muhojiriga sud tomonidan 10 yilgacha qamoq jazosi tayinlanishi va 1 million rubllik jarima solinishi mumkinligini ta’kidladi.
Москва прокуратураси машҳур киноактёр Евгений Леоновга ўрнатилган “Доцент” ҳайкалини ўғирлаб, металлоломга сотган етти нафар Ўзбекистон фуқаросига нисбатан айблов хулосасини тасдиқлади. Прокуратура ҳозирда ҳибсда ушлаб турилган етти ўзбек муҳожирига суд томонидан 10 йилгача қамоқ жазоси тайинланиши ва 1 миллион рубллик жарима солиниши мумкинлигини таъкидлади.
Февралнинг биринчи кунида Доғистоннинг Хасавюрт шаҳрида ҳуқуқ-тартибот идоралари томонидан бир қанча масжидларнинг ёпилишига қарши оммавий норозилик намойиши бўлиб ўтди. Тақрибан 5 минг кишининг шаҳар маъмурияти олдига оммавий юриши натижасида масжид ўз фаолиятини давом эттириши айтилди.
Москванинг Строминка кўчасидаги ёнғин кимнингдир қасди бўлиши мумкин. Оловда ёниб кетган 12 нафар меҳнат муҳожири ўлдирилгани тўғрисидаги тахминлар ўт ўчирувчилар ва терговчилар томонидан илгари сурилди. Москва ҳокимияти мазкур ҳодиса ортидан Россия пойтахтида махсус рейдлар ўтказишга чақирди.
O‘tgan yili mehnat muhojirlariga sotilgan ishga ruxsatnomalar Moskva shahar byudjetiga neft kompaniyalaridan tushayotgan daromadlardan ko‘proq foyda keltirdi. Moskva shahar hokimi Sergey Sobyanin bu haqda 29 yanvar kuni Yangi Moskva mintaqasida Ko‘ptarmoqli migratsiya markazining yangi binosi ochilishida so‘zladi.
Ўтган йили меҳнат муҳожирларига сотилган ишга рухсатномалар Москва шаҳар бюджетига нефт компанияларидан тушаётган даромадлардан кўпроқ фойда келтирди. Москва шаҳар ҳокими Сергей Собянин бу ҳақда 29 январ куни Янги Москва минтақасида Кўптармоқли миграция марказининг янги биноси очилишида сўзлади.
Polietilen paketga “Messi” deb yozib olib suratga tushgan bolakay Afg‘onistondan topildi. Joriy yilning yanvar oyida Internet tarmoqlarida keng tarqalib ketgan paketdan futbolka yasab olgan bu bolakayning fotosuratini ko‘rgan futbolchi Lionel Messining o‘zi yordam berish maqsadida bir oy davomida uni ijtimoiy tarmoq orqali qidirdi. Avvaliga Iroqda qidirilgan bu bola nihoyat Afg‘onistonning G‘azni viloyatidagi qishloqlardan birida yashayotgan Murtazo Ahmadi ismli yigitcha ekani ma’lum bo‘ldi.
Полиэтилен пакетга “Месси” деб ёзиб олиб суратга тушган болакай Афғонистондан топилди. Жорий йилнинг январ ойида Интернет тармоқларида кенг тарқалиб кетган пакетдан футболка ясаб олган бу болакайнинг фотосуратини кўрган футболчи Лионел Мессининг ўзи ёрдам бериш мақсадида бир ой давомида уни ижтимоий тармоқ орқали қидирди. Аввалига Ироқда қидирилган бу бола ниҳоят Афғонистоннинг Ғазни вилоятидаги қишлоқлардан бирида яшаётган Муртазо Аҳмади исмли йигитча экани маълум бўлди.
Moskvada Checheniston prezidenti Ramzan Qodirov iste’fosi talabi bilan prezident devoni oldida yakka piketga chiqqan “Yabloko” partiyasining uch namoyandasi politsiya tomonidan hibs etildi. Ushlangan Sergey Mitroxin va Anton Antonov-Ovseenko yakka piket Moskva shahar ma’muriyati tomonidan ommaviy mitingga ruxsat bermaganidan keyin yakka tartibda Vladimir Putin boshqarayotgan devonni piket qilishga chiqqani aytilmoqda.
Vladimir Putinning sobiq rafiqasi Lyudmila Putina familiyasini o‘zgartirdi. Jurnalistlar bu o‘zgarish uning erga tekkani bilan bog‘liq bo‘lishi mumkinligini gapirmoqda.
Владимир Путиннинг собиқ рафиқаси Людмила Путина фамилиясини ўзгартирди. Журналистлар бу ўзгариш унинг эрга теккани билан боғлиқ бўлиши мумкинлигини гапирмоқда.
Москвада Чеченистон президенти Рамзан Қодиров истеъфоси талаби билан президент девони олдида якка пикетга чиққан “Яблоко” партиясининг уч намояндаси полиция томонидан ҳибс этилди. Ушланган Сергей Митрохин ва Антон Антонов-Овсеенко якка пикет Москва шаҳар маъмурияти томонидан оммавий митингга рухсат бермаганидан кейин якка тартибда Владимир Путин бошқараётган девонни пикет қилишга чиққани айтилмоқда.
Moskvaning Markaziy prefekturasi O‘zbekiston elchixonasi oldida 26 yanvarga mo‘ljallangan norozilik aksiyasiga ruxsat bermadi. Piket tashabbuschisi “Yordam” tashkiloti rahbari Bahrom Hamroev norozilik namoyishi O‘zbekiston huquq-tartibot idoralari tomonidan ekstremizm va Rossiya foydasiga josuslikda ayblanib, ushlab turilgan kirovlik imom Temur Tursunov himoyasiga o‘tkazilishini aytmoqda. Huquq faoli ikkinchi marotaba politsiya xodimlaridan tahdid olayotganini gapirdi.
Москванинг Марказий префектураси Ўзбекистон элчихонаси олдида 26 январга мўлжалланган норозилик акциясига рухсат бермади. Норозилик намойиши Ўзбекистон ҳуқуқ-тартибот идоралари томонидан экстремизм ва Россия фойдасига жосусликда айбланиб, ушлаб турилган кировлик имом Темур Турсунов ҳимоясига ўтказилиши керак эди.
Давомини ўқинг
