Емайл: bobomatovu@rferl.org
Ўзбекистонлик меҳнат муҳожирлари Россиядан пул жўнатиш бўйича собиқ иттифоқнинг бошқа мамлакатларидан келган мардикорлардан анча ўзиб кетгани боис пул жўнатиш тизимларини Ўзбекистонга алоҳида эътибор қаратмоқда.
Ўзбекистон Хитой билан газ экспорти борасида музокара олиб бормоқда. Буни мутахассислар Марказий Осиёда Хитой ва Россия ўртасида энергия заҳиралари учун рақобат кучайганидан дарак, дея баҳоламоқдалар.
Грузия Президенти Михаил Саакашвили “Эхо Москвы” радиоси эфирида Россия Бош вазири Владимир Путин 2012 йилги президентлик сайловига ўз номзодини қўйиш ва унда ғалаба қилиш мақсадида, сайловдан олдин “грузин масаласини ҳал этиш”га уриниб кўриши мумкинлигини башорат қилди.
Россия муфтийлар Кенгашининг қарорига кўра, жорий йилнинг 24 октябрида Москвада XI Халқаро Қуръон хофизлари танлови бўлиб ўтади. Ташкилотчилар 2 йилдан буён мусобақада иштирок этмаётган ўзбекистонлик Қуръон қироатчилари бу йил ҳам ташриф буюрмаслигидан афсусда эканини билдирмоқда.
Ўтган ҳафта Твер вилоятининг Калязин туманида ўзбек ва тожик мардикорлари билан маҳаллийлар ўртасида чиққан жанжал Россия матбуоти диққат марказида бўлди. Муҳожирлар маҳаллий аёллардан бирини зўрлагани ва унинг ҳимоясига чиққан калязинликлар “гастарбайтерларни” шаҳардан қувиб чиқаргани ҳақидаги хабарлар тасдиқланмади.
Москванинг Лужники стадионида машҳур “U2” рок гуруҳи концерт берди. Ўзининг жамоатчилик ва инсонпарварлик фаолияти билан танилган гуруҳ етакчиси Боно концерт пайтида инсон ҳуқуқлари, қашшоқ мамлакатлардаги муаммоларга тўхталди. Саҳнада Россияда диссидент қўшиқчи ҳисобланган Юрий Шевчук ҳам Бонога жўр бўлди.
Виктор Бутнинг Таиланддан АҚШга экстрадиция қилиниши қолдирилди. Таинланд суди ноқонуний қурол савдосида айбланаётган Бутни АҚШ ҳукуматига топшириш ҳақида ўтган ҳафта қарор чиқарган эди. "Уруш Худоси" фильмининг бош қаҳрамони прототипи бўлган Бутга янги айбловларнинг қўйилгани унинг Америкага жўнатилишини кечиктирди.
Қатағон йилларида ўзбек сиёсий тутқунлари Сибирга юбориларди. Мустақил Ўзбекистонда эса, диний айбловлар билан таъқиб қилинаётган ўзбеклар ўзини-ўзи Сибирга бадарға қилиб ҳам Ўзбекистон махфий хизматларидан қутула олмаяпти. Новосибирскда ҳибсга олинган Бобур Тўхтамуродов ана шундайларнинг навбатдагиси бўлди.
Москвада Химки ўрмони ҳимоясига бағишланган концерт норозилик намойишига айланиб кетди. Россиялик таниқли санъат ва жамоат арбоблари иштирокидаги сиёсий тус олаётган бу тадбир Ўзбекистонда жамият эътирозисиз бўлсада, икки юз йиллик чинорларнинг кесилгани эслашга яна бир баҳона бўлди.
Ереванда Россия ва Арманистон президентлари ҳарбий ҳамкорлик борасида шартнома имзоладилар. Янги шартномага биноан Москва 2035 йилга қадар Гюмридаги ҳарбий базада ўз қўшинларини сақлаб қолади.
20 август куни Арманистонда Коллектив хавфсизлик Шартномаси ташкилоти аъзо давлатлар раҳбарларининг учрашуви бошланди. Қирғизистондаги вазият муҳокама этилажак асосий масала бўлиши кутилаётган КХШТ саммити яна президент Ислом Каримовсиз ўтадиган бўлди.
Москва ва Минск ўртасида информацион уруш давом этмоқда. Россиянинг НТВ канали Беларус етакчиси Александр Лукашенк “Крестный батька” - “Чўқинтирган батька” хужжатли филмининг 3 қисмини намойиш этди. Бу филмлар туркумининг намойиш этилиши Россия-Белорус муносабатлари совуқлашган пайтга тўғри келди.
Чеченистон Президенти Рамзан Қодиров илгари сурган Президентлик лавозимдан воз кечиш ташаббуси Кремлга маъқул келган кўринади. Биргина Чеченистонда "президент"ни "бошлиқ"қа ўзгартириш 10 миллион рублга тушиши айтилаётган бўлсада, иқтидордаги “Единая Россия” бу ғояни қўш-қўллаб олқишламоқда.
Қирғизистон ўтиш даври президенти Роза Ўтунбаева 12 август куни мамлакатнинг собиқ биринчи президенти Асқар Ақаевнинг дахлсизлик мақомини бекор қилиш ҳақидаги ҳужжатга имзо чекди. Асқар Ақаев ўз ўрнида Ўтунбаева имзолаган декретни ноқонуний эканини айтди.
12 август куни Москвада қатор муҳолиф партия ва ҳаракатлари томонидан уюштирилган “Ғазаб куни” норозилик намойиши милиция томонидан куч билан тарқатиб юборилди. Москва ҳукумати томонидан рухсат этилмаган норозилик акциясининг ўнлаб иштирокчилари ҳибсга олинди.
Москва ҳукумати пойтахтда мусулмонларнинг 2010 йилда ўтказиладиган барча байрам тадбирларига кўмаклашиш тўғрисида қарор қабул қилган бўлсада, Россия муфтияти пойтахт расмийлари кўраётган чора-тадбирларда Москвадаги мусулмонларнинг асл сонини инобатга олмаган, демоқда.
“Олтин минбар” Қозон мусулмонлар халқаро кинофестивали ўртасидаги келишмовчиликлар тадбирнинг иккига бўлиниб кетишига сабаб бўлди. Мусулмонлар кино ижодиётига бағишланган танловлар 2010 йилдан бошлаб Москва ва Қозонда бўлиб ўтади.
Москвада ўйинчоқларни ўғирлаш билан шуғулланган жиноий гуруҳ қўлга олинди. Маълум бўлишича, жиноий гуруҳ Ўзбекистон фуқароси ўғрибошилик қилган. Бундан ташқари бу жиноий тўдага бир қатор бошқа мамлакат фуқаролари ҳам кирган.
Россияда 14 октябрдан 25 октябрга қадар аҳолини рўйхатга олиш Умумроссия тадбири бўлиб ўтади. Аҳолини рўйхатга олишда Россияда яшаётган барча шахслар, жумладан, вақтинча истиқомат қилаётган меҳнат муҳожирлари ҳам ҳисобга олинади.
6 август куни Россия президенти Дмитрий Медведев милицияни полиция деб номлаш таклифини илгари сурди. Мамлакатда эса “Полиция тўғрисидаги” қонун лойиҳасининг сентябр ўрталаригача давом этадиган умумхалқ муҳокамаси бошланди.
Давомини ўқинг
