Емайл: bobomatovu@rferl.org
"Москвада содир этилаётган жиноятларнинг 49 фоизи москвалик бўлмаганлар томонидан содир этилмоқда". 22 декабр кунги матбуот анжуманида шундай баëнот берган Москва Ички ишлар бошқармаси бошлиғи¸ муаммо ечими сифатида пойтахтда муҳожирларни қайдга олиш қоидаларини кескинлаштиришни тавсия қилди.
Россия Федерал миграция хизмати таркибида муҳожирларнинг Россия жамиятига интеграцияси ва мувофиқлашиши билан шуғулланувчи махсус бўлинма ташкил этилади. Россия йирик шаҳарларида миллий адоват асосида бошланган қатор тўқнашувлардан сўнг¸ ҳукумат шундай қарорга келди.
Янги Уренгойдаги «Нур Ислом» масжиди имоми этиб жорий йил октябр ойида отиб кетилган асли ўзбекистонлик имом Исомуддин Акбаровнинг тўнғич ўғли¸ 28 ёшли Муҳаммад Акбаров сайланди. Янги имом ўз отаси ишини давом эттириш ниятида эканини айтмоқда.
Россия Муфтийлар кенгаши раиси Равил Ғайнуддин Озодлик радиосига берган интервьюсида Россия ҳукуматини исломофобияда айблади. Унинг сўзларига кўра, Кремл Россия мусулмонларининг бирлашишга бўлган интилишларига қарши чиқмоқда.
16 дан 17 декабрга ўтар кечаси Москванинг Жанубий-Ғарбий округида 22 ёшли Ўзбекистон фуқароси пичоқлаб кетилди. Ҳуқуқ-тартибот идоралари бу жиноятни содир этган миллатчилардан бири қўлга олинганини айтмоқда.
Чоршанба куни Москвада кавказлик ёшлар ва рус миллатчилари ўртасида бўлиб ўтган қатор тўқнашувлар оқибатида милиция ходимлари томонидан 1300 дан ортиқ одам қўлга олинди. Миллатчилар кавказликларга қарши янада оммавийроқ чиқишлар уюштирилишини айтмоқдалар.
Волгоградда ўзбекистонлик меҳнат муҳожирлари касаба уюшмасини туздилар. Уюшма Волгоградда меҳнат қилаётган меҳнат муҳожирлари ҳақ-ҳуқуқларини химоя қилиш мақсадида, “Юртдош Ўзбеклар Иттифоқи” минтақавий жамоатчилик ташкилоти ташаббуси билан тузилди.
Россиянинг Твер вилоятидаги «Ржев» аграр коллежи маъмурияти Россия президенти, бош вазири, бош прокурори, Давлат думаси раиси ва Россия таълим ва фан вазирларига мурожаат қилди. Коллеж раҳбарияти 270 нафар қирғизистонлик ёшларни ўқитаётгани боис Ржев шаҳар маъмурияти тазйиқларига учраётганини айтмоқда.
Москвадаги Бакулев номидаги юрак-томир жарроҳлиги марказида ўзбекистонлик Улуғбек Рустамовнинг юраги муваффақиятли операция қилинди. Икки ёшдаги Улуғбекни қутқариш амалиётида турли миллат ва элат, дин ва эътиқод, ёш ва дунёқарашга эга инсонлар иштирок этди.
10 декабр куни Москвада Коллектив хавфсизлик шартномаси ташкилоти ҳамда МДҲ давлатлари раҳбарларининг саммитлари ўтказилди. Бу йиғинларда Ўзбекистон Президенти Ислом Каримов ҳам иштирок этди.
Москвада 7 декабр куни Россия Ички ишлар вазирлиги ва Федерал хавфсизлик хизмати ҳамкорликда ўтказган «аксил-террор амалиёти» пайтида Москвадаги сиёсий қочқинлар жамияти президенти Баҳром Ҳамроев махфий хизмат ходими томонидан калтакланди. Россиянинг турли минтақаларида мусулмонларга қарши қаратилган “аксил-террор операциялари” тез-тез ўтказилмоқда.
Human Rights Watch олиб борган кузатув натижаларига кўра, россиялик иш берувчиларнинг аксарияти меҳнат муҳожирларини меҳнат шартномасисиз ишлатаяпти. Бу ҳол эса мардикорни маҳаллий адлия ва ҳуқуқ-тартибот тизимлари олдида заиф кимсага айлантириб қўймоқда.
2 декабр куни Россия ҳукумати мамлакат савдо тармоқларида чет эл фуқаролари ишлашини чекловчи қарори муддатини яна бир йилга узайтирди. Янги фармонга кўра¸ меҳнат муҳожирлари алкогол, дори-дармон, бозор ва савдо палаткаларида озиқ-овқат савдоси билан шуғулланиш ҳуқуқидан яна маҳрум қолди.
Москва марказидаги Манежная майдонида беш ойдирки Кабардин-Болқор республикаси ҳукумати олиб бораётган сиёсатга қарши болқор оқсоқолларининг норозилик акцияси давом этмоқда. Қиш қаҳрига олганига қарамай¸ чолларнинг норозиликни тўхтатиш нияти йўқ.
Рус тилини яхши биладиган исталган хориж фуқароси Россия қуролли кучларида контракт асосида хизмат қилиш учун ҳужжат топшириш ҳуқуқига эга. Россия Қуролли кучлари расмий сайтида чоп этилган президент қарори лойиҳасига кўра, уч йиллик контракт муддатини ўтаган хорижий Россия фуқаролигини олиш ҳаққини қўлга киритади.
28 ноябр куни эрталаб Москвада шаҳарнинг Текстилшчики мавзесида масжид қурилишига қарши маҳаллий жамоатчилик гуруҳлари вакилларининг автомобилларда юриши ўтказилди. Ислом ва мусулмонларга қарши қаратилмагани айтилаëтган мазкур тадбирда элликка яқин автомобил иштирок этди.
Москванинг “Проспект мира” метро станциясида ишлаётган назорат ходимлари учун энг оғир кунлар мусулмонларнинг Рамазон ва Қурбон ҳайитлари экан. Станция ходимларининг Озодликка айтишича, кейинги йилларда муҳожир мусулмонлар гурас-гурас жамоат намозига келадиган жума кунлари ҳам айни шундай оғир кунлар қаторига қўшилган.
Айни кунларда Москвада 2 миллиондан ошиқ ноқонуний меҳнат муҳожири бор¸ дея баëнот берди Москва ҳукумати йиғилишида шаҳар мэри Сергей Собянин. Аммо Россия Федерал миграция хизмати мутассаддилари Москва мэри келтирган бу рақамлар ҳақиқатга тўғри келмаслигини айтмоқда.
Россия Федерация Жамоатчилик палатаси Москва яқинидаги Хотково шаҳарчасида рўй берган низо юзасида ўтказган текширувга оид очиқ мурожаатнома эълон қилди. Ўтган ойда маҳаллийлар ва меҳнат муҳожирлари ўртасида рўй берган муштлашув оқибатида хотковолик 25 яшар Петр Капралов ҳалок бўлган эди.
"Ўзбек киносининг ўзига хос янги давр маданиятини яратиш учун ўнлаб йиллар керак, маданиятни эса алоҳида шахслар эмас, балки бутун халқ яратади". Бу гаплар таниқли ўзбек кинорежиссери Али Ҳамроевга дохилдир.
Давомини ўқинг
