Емайл: bobomatovu@rferl.org
Ўзбекистондан сабаблари кўрсатилмасдан депортация қилинган журналист Виктория Ивлева Москвадаги Ўзбекистон элчихонаси олдида 2 апрел куни норозилик пикети ўтказади.
23 март куни Карелиянинг Кондопога шаҳрида асли ўшлик 14 ёшли Мафтуна Раимжонова бир гуруҳ вояга етмаган шахслар томонидан калтакланди. Тажовуз маҳаллий миллатчилар томонидан уюштирилган бўлиши мумкинлиги айтилмоқда.
Москвадаги 29-шифохонани таъмирлаётган фарғоналик меҳнат муҳожирларига норасмий бригадирлик қилган ўзбекистонлик шахс ишчиларнинг бир неча ойлик маошини олиб қочиб кетган.
Москванинг Шарқий округида "байналминал" мижозларга жинсий хизмат кўрсатиш билан шуғулланган исловатхона фоҳишалари орасида Ўзбекистон фуқаролари ҳам бор.
МДҲ Иқтисодий кенгаши Ўзбекистоннинг ҳамкорлик доирасидаги Эркин савдо ҳудудига қўшилишини маъқуллади.
Пятигорск шаҳрига ишлаш учун кетаëтган андижонлик тўрт йигит ўтирган Нексия машинасининг ҳайдовчи ухлаб қолгани боис автобус тагига кириб кетгани тахмин қилинмоқда.
Нижний Новгород шаҳрининг Приокский туманида ис газидан заҳарланиш оқибатида тўрт киши ҳалок бўлди, яна икки киши шифохонага олиб кетилди. Нобуд бўлганлардан уч нафари Ўзбекистон фуқароларидир.
Иркутскда коттеж ҳовлиларидан бирини қўриқлаётган Ўзбекистон фуқароси отиб кетилди. Терговчилар бу қотилликни коттеж эгасининг тадбиркорлик фаолияти билан боғлашмоқда.
13 ва 14 март кунлари Санкт-Петербургнинг Петроград ва Колпино туманларида чиққан муштлашув оқибатида бир неча Ўзбекистон фуқароси оғир жароҳатлар билан шифохонага олиб кетилди, бир киши муштлашув жойида ҳалок бўлди.
Калининград области Божхона хизматининг билдиришича, жорий ҳафта шаҳардаги “Храброво” аэропортида жами 70 килограмм нос олиб киришга уринган 6 нафар Ўзбекистон фуқароси ушланган.
Москвада таниқли озар ёзувчиси Юнус Ўғузнинг “Темурланг. Юксалиш йўли” тарихий романининг тақдимот маросими бўлиб ўтди. Россиялик мутахассислар эътиборини ўзига қаратган бу асар Амир Темур ҳақида рус тилида яратилган туркум асарларнинг биринчисидир.
Калининград вилоят Тергов қўмитаси 11 март куни шаҳарнинг Автомобилная кўчасида қўрилаётган 7 қаватли бинодан 24 ёшли Ўзбекистон фуқароси йиқилиб ҳалок бўлгани юзасидан тергов ўтказмоқда.
Украина Маданият вазирлиги кинорежиссер Жаҳонгир Файзиевнинг “Август. Саккизинчи” филмини намойиш этишга рухсат бермади. Бу филмда 2008 йилда Грузия ва Россия ўртасида Жанубий Осетия айирмачи минтақаси устида чиққан урушга доир экани айтилаётган воқеалар тасвирланган.
Россия Наркотикларни назорат қилиш федерал хизмати раҳбари Виктор Иванов Марказий Осиё мамлакатлари билан паспорт режимини кучайтиришни таклиф этди. Шунингдек, ФСКН раҳбари Россияга бу мамлакатлардан олиб кирилаётган қишлоқ хўжалиги маҳсулотлари назоратини ҳам ошириш кераклигини таъкидлади.
Москва шаҳар Тергов қўмитаси томонидан Ўзбекистон элчихонасига қарашли автомобил ҳайдовчисининг 16 ёшли ўғлига нисбатан фирибгарлик моддаси бўйича жиноий иш қўзғатилди.
Воронеж вилоятида иккита корхона ишчиларининг дизентерия билан касалланганлигида ўзбек муҳожирлари айбланмоқда. Бироқ, эпидемиология назоратини олиб борувчи Роспотребнадзор идорасининг бу иддаолари маҳаллий прокуратура ўтказган текширув натижасида ўз исботини топмади.
Москвадаги Сахаров музейида “Биз сайлаяпмиз” деб номланган халқаро карикатура рассомлари танловида ғолиб деб топилган асарлар кўргазмаси очилди. Сўнгги йилларда Россия расмий матбуотида бу каби профессионал ҳажвий асарлар чоп этилмаётир.
Москвада Pussy Riot деб номланувчи панк-гуруҳининг тўрт иштирокчиси ҳибсга олинди. Мусиқий гуруҳ аъзолари шу йилнинг 21 февралида Исо Масиҳ ибодатхонасида қилган безорилиги учун жавобгарликка тортилиши айтилмоқда.
Твер вилоятининг Николское қишлоғида полиция формасидаги шахслар ўзбек ва тожик миллатига мансуб ҳайдовчиларни калтаклади. Видеокамерага олинган бу ҳодиса борасида маҳаллий полиция изоҳ беришдан бош тормоқда.
Россиянинг Кемерово вилоятида Ўзбекистон фуқароси 2 ёшга тўлмаган қизчани ўлдирганликда айбланмоқда.
Давомини ўқинг
