Емайл: bobomatovu@rferl.org
1 октябр куни Ленинград вилояти Тосно туманида ўзбекистонлик 14 яшар қиз ўзини осиб ўлдиргани тўғрисидаги хабарни Тергов қўмитаси расмийлари тасдиқлади. Терговчиларга кўра¸ ўсмир қиз Россияга келганидан сўнг чуқур тушкунликка тушиш оқибатида жонига қасд қилган.
Владимирдаги Клязма дарёси кўприги остидан чавақлаб кетилган 29 яшар Ўзбекистон фуқароси Ҳиссатулло Масҳадов мурдаси топилди. Ўтган ҳафта амалга оширилгани тахмин этилаëтган бу қотилликни очишда ëрдам сўраб¸ Россия терговчилари Озодлик муштарийларига мурожаат қилди.
Меҳнат муҳожирларининг ижтимоий ҳимояланмаганини таъкидлаган Роспотребнадзор раҳбари Геннадий Онишченко уларни “сиёсий мурдалар”, деб атади.
Инсон ҳуқуқлари бўйича Европа суди Россия ҳукуматини ўзбек қочқинини ўғирлашда айбдор деб топди ва қарийб 38 минг евро миқдорида жарима солди. Адвокатлар андижонлик Муроджон Абдулҳақов Тожикистон махфий хизмат ходимлари томонидан ФСБ ёрдамида мамлакатдан олиб чиқилганини айтмоқда.
Санкт Петербургда “Россия - имкониятлар мамлакати?” деб номланган ўйин ишлаб чиқилди. Ўйин иштирокчилари бюрократик, ижтимоий, маданий қийинчилик ва тўсиқлардан ўтиб, Россияда жойлашиб олган оддий меҳнат муҳожирининг “йўли”ни юриб ўтишлари зарур.
29 сентябр куни Россиянинг Ханти-Манси автоном округи(ХМАО) даги нефтни қайта ишлаш заводларидан бирида содир бўлган ёнғин оқибатида 8 нафар ишчи нобуд бўлди. Халок бўлганлардан 1 нафари Ўзбекистон, 5 нафари Тожикистон ва 2 таси Бошқирдистон фуқаролари бўлгани аниқланди.
Москванинг Черемушкинский туман судидан қочишга уринган Ўзбекистон фуқароси оёғини синдириб олди. Ўз юртига жўнатилмаслик учун у "ҳар нарсага тайёр" эканини билдирган.
30 сентябр куни Россиянинг турли шаҳарларида рус миллатчиларининг митинглари ва юришлари бўлиб ўтиши кутилмоқда. Кейинги икки-уч йилдан бери миллатчилар этник жиноятчилик қурбонлари хотираси кунини нишонлашни одат қилиб олган.
Россия Давлат Думаси диний обидалар ва диний ибодат жойларини таҳқирлаганлик учун жиноий жавобгарлик жорий қилишни режалаштирмоқда. Бундай ҳатти-ҳаракатларни содир этган фуқароларга нисбатан қамоқ жазоси ва катта миқдорда жарималар жорий қилиниши мумкин.
28 сентябр куни Ялтада Мустақил давлатлар ҳамдўстлиги (МДҲ) ҳукумат раҳбарлари йиғилишида Ўзбекистоннинг Эркин савдо ҳудуди (ЭСҲ) шартномасига қўшилиши истиқболларига оид масаланинг муҳокама этилиши кутилмоқда.
Россия Тергов қўмитаси бир йил аввал Иваново шаҳрида ўз уйи олдида отиб кетилган ўзбек мухолифати етакчиси Фуад Рустамхўжаев қотиллиги бўйича тергов боши берк кўчага кириб қолганини айтмоқда.
Ўзбекистонлик қочқиннинг жиноий айбини топа олмаган Россия Бош прокуратураси уни миграция қонунчилиги асосида мамлакатдан чиқариб юбориш ҳақида қарор чиқарди.
14 сентябр кунги Дурова кўчасидаги полиция ва шаҳарнинг Жоме масжиди ёнида жойлашган савдогарлар орасидаги муштлашувидан кейин Москва полицияси ён-атрофда назоратни кучайтирди.
19 сетябр куни Москванинг Митино тумани аҳолиси бу ҳудудда масжид қурилишига қарши оммавий норозилик намойишига чиқди. Россия муфтияти эса Москванинг ҳар бир туманида биттадан масжид қуришни режалаштирганини гапирмоқда.
Инсон ҳуқуқлари бўйича Европа суди Тошкент сўровига биноан қўлга олинган Садирбек Умировнинг Россиядан Ўзбекистонга экстрадиция қилинишини тақиқлади. Европа Кенгаши аъзоси сифатида Россия бу қарорни ҳурмат қилишга бурчлидир.
Москвада мусулмон муҳожирларга қарши маҳаллий полиция идоралари томонидан “облава” ва “тозалаш” амалиётлари олиб борилмоқда. Кузатувчилар буни 14 сентябр куни Тинчлик Проспектида полиция ходимларининг мигрантлар томонидан калтакланишига жавоб дея баҳоламоқда.
Москванинг Тинчлик Проспектидаги жоме масжиди яқинида ўтган жума, 14 сентябр куни бир гуруҳ мигрантлар полиция ходимларини тошбўрон қилиб, калтаклади.
13 сентябр куни Қозонда Қирғизистон Бош прокуратураси томонидан Ўш воқеаларига алоқадорликда айбланиб, экстрадицияси сўралган Мамир Неъматов қамоқдан озод этилди. Инсон ҳуқуқлари бўйича Европа Суди Неъматов фойдасига ҳукм чиқариши ортидан Татаристон Бош прокуратураси қочқинни экстрадиция қилиш тўғрисидаги ўз қарорини бекор қилди.
Москва вилояти шимолидаги Солнечногорск туманида ўзбек муҳожири юртидан келтирилган экинларни етиштириш устида амалиётларни давом эттирмоқда. Бу йилда Расулжон Исоқов пахта етиштирганини хабар қилди.
Инсон ҳақлари ҳимояси билан шуғулланадиган “Фуқаровий кўмак” қўмитаси раҳбари Светлана Ганнушкина ва қўмита адвокатлари Ўзбекистон элчихонасини ўз фуқаролари тақдири билан мутлақо қизиқмасликда айблади.
Давомини ўқинг
