Емайл: bobomatovu@rferl.org
Москва шаҳар мэрияси Ўзбекистоннинг Россиядаги элчихонаси олдида йўл таъмирлаш ишлари олиб борилаётгани важи билан Сергей Наумов ҳимоясига 2 октябр куни уюштирилган норозилик акциясини “Полянка” метро бекати ёнидаги кичик майдонга кўчирди. Наумовнинг касбдошлари ва яқинлари “Сергей Наумовга озодлик! Сергей Наумовга озодлик!”, дея ҳайқириб, у билан боғлиқ муаммога москваликлар эътиборини қаратди.
КХШТнинг навбатдаги йиғилишида Суриядаги фуқаролар уруши Марказий Осиё мамлакатларига таҳдид солиши мумкинлигидан огоҳлантирган Россия раҳбари Владимир Путин Афғонистон-Тожикистон чегарасида ҳимоя халқасини тузишни таклиф этди. Вазиятни кузатиб бораётган мутахассислар 2014 йилдан кейин бу минтақада вазият кескинлaшиши мумкин, демоқда.
Москванинг Қозон, Ленинград ва Ярослав вокзаллари метро бекатларида 21 сентябр куни соат 13:00 дан 18:00 гача полиция ФМС билан ҳамкорликда ўтказган амалиёт пайти ушланган қирққа яқин муҳожир тақдири номаълумлигича қолмоқда.Озодлик манбалари полиция уларнинг қаерда эканини айтишдан бош тортаётганини билдирди.
Москвада ўтаётган замонавий санъат биенналесида илк бор ўзбекистонлик таниқли фотограф Умида Аҳмедова ва рассом Вячеслав Ахунов асарлари намойиш қилинмоқда. Тадбирда жаҳоннинг 40 мамлакатидан келган 72 санъат усталари иштирок этаяпти.
Россия Федерал миграция хизмати мамлакатда истиқомат қилаётган хориж фуқаролари сонига оид статистика маълумотларини очиқлади. Расмий ҳужжатда бу давлатдаги ўзбекистонликлар сони 2 миллион 734 минг 484 нафар, деб келтирилган. Аммо расмий рақамлар маҳаллий оммавий ахборот воситалари ва айрим сиёсатчилар овоза қилаётган маълумотлардан кескин фарқ қилади.
Ханти-Мансийскда одам савдосида айбланиб, ҳибсга олинган 28 ёшли ўзбекистонлик аёл Ўзбекистон Бош прокуратураси сўровига кўра, экстрадиция қилинади. Прокуратура маълумотларига қараганда, мазкур аёл 2009 йилда Бирлашган Араб амирликларига ўз ватандошини жинсий қулликка сотиб юборган.
Москва вилоятининг Володарский қўрғонида полиция ва ФМС олиб борган режали текшириш пайтида 200 нафар хорижлик, жумладан Ўзбекистон фуқаролари ушланди. Мигрантлар эски тикиш фабрикасида ноқонуний тарзда қандолатчилик маҳсулотлари ишлаб чиқарганликда айбланмоқда.
17 сентябр куни Нижний Новгород темир йўл вокзалида полиция ходимларини пичоқлаганликда айбланаётган 31 ёшли ўзбек муҳожири ҳибс этилди. Полиция расмийларига кўра¸ муҳожир ҳужжат текшириш пайтида қаршилик кўрсатган..
2013 йилнинг 8 ноябридан хорижлик ҳайдовчилар маҳаллий ҳайдовчилик гувоҳномасисиз Россияда транспорт воситаларини бошқариш ҳуқуқидан маҳрум этилади. Россияда жамоатчилик транспортини бошқараётган муҳожирлар гувоҳномаларини қандай алмаштиришлари керак?
Якшанба куни Москвада ўтказилган XIV Қуръон ҳофизлари халқаро танловида биринчи ўринни суриялик қори Ясин ал-Ҳумви эгаллади. Мусобақанинг танлов босқичида 31 нафар иштирокчи орасида ўзбекистонлик Жасурбек Қулбоев ҳам иштирок этди.
Ўтган шанба ва якшанба кунлари Россиянинг Санкт Петербург шаҳридан 100га яқин меҳнат муҳожири депортация қилинди. Санкт Петербург “зачистка”лар натижасида ушланган мигрантларни бадарға қилиш бўйича илғорлик қилмоқда.
5 сентябр куни Москвадаги Россия замонавий тарихи давлат марказий музейида “Совет Шарқи плакати. 1918-1940” номли кўргазма очилди. Кўргазмада шўролар ҳукуматининг сиёсий ташвиқот ва тарғибот тарихига оид плакатлар намойиш этилмоқда.
Ўзбекистоннинг халқаро алоқа трафигини бошқарувчи давлат монополисти “Ўзтелеком” Россия операторлари учун нархларни оширди. Мутахассислар бунинг ортидан Россиядан Ўзбекистонга уяли телефонлардан қўнғироқлар нархи ошиши мумкинлигини айтмоқда.
Москва шаҳар ҳокимияти ишга рухсатнома олаётган муҳожирларни тиббий кўрикдан ўтишга мажбурламоқчи. Шаҳар мэрияси шу тариқа Россияга “турли оғир касалликларни олиб келаётган” мигрантларни аниқлаб, уларни ортга қайтариб юбориш ниятида.
3 сентябр куни Россия Федерал миграция хизмати Тамбов вилоятида муҳожирларга мўлжалланган илк ижтимоий адаптация марказини ишга туширди. Лойиҳада иштирок этаётган меҳнат мигрантларига ишга киришда ва рухсатнома олишда имтиёзлар берилиши айтилмоқда.
Россия Федерал Миграция хизмати 3 йилдирки Кемерово махсус приёмнигида сақланаётган ва самарқандлик экани айтилаётган Улуғбек Ўктамовни депортация қила олмаяпти.
Санкт-Петербургда меҳнат муҳожирларини ҳибсга олиш амалиётлари давом этаётган бир пайтда, инсон ҳақлари топталишига бефарқ бўлмаган шаҳарликлар томонидан кўнгилли гуруҳ тузилди. Гуруҳ аъзолари ноинсоний шароитда сақланаётган мигрантларни озиқ-овқат билан таъминлашдан тортиб, уларга ҳуқуқий ёрдам беришга уринмоқдалар.
28 август куни Тюмень шаҳрида ўтказилган навбатдаги рейд давомида¸ маҳаллий полициянинг билдиришича¸ юздан ошиқ муҳожир ҳисбга олинган. 47 нафари депортацияга топширилган бу муҳожирлар орасида “Туркистон Ислом партияси” ва “Таблиғи Жамоат” экстремистик ташкилоти аъзоларининг ҳам борлиги айтилмоқда.
2013 йилнинг 8 сентябрига белгиланган Москва ҳокими лавозимига сайловларга тайёргарлик жараёнида ўзбекистонлик мардикорлар фаоллик кўрсатаётгани кузатилмоқда. Деярли барча номзодлар мигрантларга қарши эканини яширмаётган бўлса-да, ҳам мухолифатчи Алексей Навальний, ҳам Москва шаҳар ҳокими вазифасини бажарувчи Сергей Собянин сиёсий курашда ўзбек муҳожирлари меҳнатидан фойдаланаётгани қайд этилди.
Санкт-Петербургнинг Пулково-3 аэропорти терминали қурилишига жалб қилинган 350дан зиёд ишчи овқатдан заҳарланди. Шифохонага олиб келинганларнинг асосий қисми ўзбекистонлик меҳнат муҳожирлари экани айтилмоқда.
Давомини ўқинг
