Емайл: bobomatovu@rferl.org
Петербургда маҳаллий миллатчилар ўзбекистонлик муҳожир йигитни икки қария аёлга ҳужум қилганликда айблашмоқда. Айни пайтда, Санкт-Петербургда январнинг иккинчи ярмида ўзбек муҳожирларига бир нечта ҳужум қилингани маълум.
.Федерал миграция хизмати Россияга меҳнат қилгани келаётган муҳожирлар учун махсус call-марказни ишга туширади. Бу хизмат ёрдамида виза талаб қилинмайдиган давлат фуқаролари Россияда яна қанча вақт туриши мумкинлигини аниқлаб олишлари мумкин. Бундан ташқари яқин вақт ичида Россия Федерал миграция хизмати мамлакатга меҳнат қилгани келган хориж фуқаролари учун янги "Интернет хизмати"ни ишга туширади.
Ўзбекистон ва Тожикистоннинг минглаб фуқаролари январь совуқларида Россияга киритилмаётгани сабабли Украина чегарасида қолиб кетмоқда. Россия Федерал миграция хизмати расмий хабарномасига биноан, январь ўрталарига келиб Россияга кириш тақиқланган хорижликлар сони аллақачон 500 минг кишидан ошди
Россия пойтахтида “Москва шаҳар Ўзбеклар миллий-маданий автономияси” жамоатчилик ташкилоти тузилди. Ўзбеклар жамияти аъзолари миграция масалалари ечимини топишда Россия ҳукумати расмий идоралари билан ҳамкорлик қилишини билдирмоқда.
Москва полицияси шаҳар метрополитенида Қуръони Карим китобини ёқиб юборганини видеотасвирга тушириб, Интернетга чиқарган рус миллатчиларини ҳибсга олди. “Безорилик” моддаси бўйича жиноий жавобгарликка тортилган тверлик Александр Соколов 7 йилгача қамоқ жазосига маҳкум этилиши мумкин.
Россия суди давлат ҳисобидан ўз мамлакатига депортация қилиниши ҳақида қарор чиқарганига қарамай¸ юзлаб ўзбекистонлик меҳнат муҳожири ватанига кета олмай¸ ойлаб депортация лагерларида сарсон қолмоқда.
Россия Давлат Думаси депутатлари ихтиëрига тақдим этилган бу лойиҳаларда махсус хизматларга янада кўпроқ ваколат бериш¸ шунингдек Интернет орқали қилинадиган молиявий тўловлар ҳажмини камайтириш кўзда тутилади.
Москва мэрияси анчадан буён йўқ қилиб, ўрнида бошқа савдо маркази очишни режалаëтган "Садовод" бозори бу ерда ўтказилаëтган кетма-кет рейдларга қарамай ҳозирча ишламоқда. Аммо Марказий Осиë¸ хусусан¸ Ўзбекистондан келган минглаб муҳожир ишлаëтган бу бозорни ҳам "Черкизово" тақдири кутаëтгани тахмин қилинмоқда.
Яқин кунларда Санкт-Петербургда илк “Православ казаклар таксиси” ишга тушади. Питер казаклари атаманлари шу тариқа улар шаҳарда кўпайиб кетган осиёлик ноқонуний таксичилар билан курашмоқчи. Мутахассислар ва Петербургда киракашлик қилиб юрган муҳожирлар бундай усуллар билан ноқонуний таксичиликни йўқотишнинг иложи йўқ, демоқда.
Петербургда маст ҳолатда бўлган эрини пичоқлаб ўлдирганликда айбланаётган ўзбекистонлик аёлга нисбатан жиноий иш очилди. Терговчилар аёл ўзини-ўзи ҳимоялаганини айтишмоқда.
Петербург шаҳар полицияси ўзбекистонлик аёлнинг ўғирланиши юзасидан жиноий иш очди. Гаровгирлар 31 ёшли аёлнинг яқинларидан 100 минг рубл сўраган. Шаҳар полицияси Петербургда муҳожирлар орасида товламачилик ҳолатлари кўпайиб бораётганидан ташвиш билдирмоқда.
Ўзбекистондаги биринчи хусусий банк - "Рустамбанк" собиқ хўжайини, 1998 йилдан буён қамоқда қолаётган ва қамоқ жазосининг сўнгги 5 йилини “Жаслиқ” қамоқхонасида ўтказаётган Рустам Усмонов аҳволи ёмонлашгани айтилмоқда. Маҳбуснинг яқинларига кўра, ҳуқуқ-тартибот органлари ходимлари Рустам Усмоновни 30 миллион долларлик “товон” тўлашга мажбурлашмоқчи.
Россиянинг Тула шаҳрида икки нафар ҳамюртини уриб ўлдирганликда гумонланаётган 35 ёшли Ўзбекистон фуқаросига айблов эълон қилинди. Янги йил байрамини нишонлаб, маст ҳолатда бўлган ўзбек мардикорлари ўртасида жанжал келиб чиққани айтилмоқда.
Православ Рождествоси арафасида Москванинг Қизил майдонида жойлашган Қозон черкови томига чиқиб азон айтган гвинеялик 39 яшар Мамаду Ҳассимау Баррига врачлар шизофрения диагнози қўйишди. Руҳий хастага чиқарилган шахснинг бу қилиғи рус миллатчилари томонидан "мусулмонлар фитнаси" деб баҳоланмоқда.
Москвалик шифокорлар андижонлик 16 яшар Гулмирахонни мураккаб жарроҳлик амалиётидан ўтказказди ва у ота-онаси ҳамроҳлигида Ўзбекистонга жўнаб кетди. Жарроҳлар сколиоз касаллигининг оғир кўринишидан азият чеккан қизнинг дардига шифо топилгани, олдинда уни даволашнинг иккинчи босқичи кутаётганини айтмоқда. Оғир дардга чалинган қизнинг зарур амалиётдан ўтишида Озодлик муштарийларининг ҳам ҳиссаси бор.
30 декабрдан 3 январга қадар Волгоград вилоятида беш кунлик мотам эълон қилинди. Сочида ўтказилиши кутилаётган Қишки Олимпия ўйинларига олти ҳафта қолганда содир этилган иккита портлаш оқибатида 32 одам нобуд бўлди, шифохоналарга турли жароҳатлар билан 104 киши олиб келинди. Волгоград полицияси шаҳарда оммавий “зачистка” амалиётларини бошлади.
Ўзбек фоҳишаларини Дубайдан Владивостоккача, Патайядан Тбилисигача бўлган деярли ҳар бир ўлкада учратиш мумкин. Россиянинг Санкт-Петербург шаҳри бу қаторда алоҳида ўрин эгаллаб келмоқда.
25 декабр куни, қишки таътилга чиқиб кетишидан олдин, Федерация Кенгаши меҳнат муҳожирлари учун рус тили ва Россия тарихидан мажбурий имтиҳон жорий этиш тўғрисида Россия Давлат Думаси қабул қилган қонунни маъқулламади. 2015 йил, 1 январда кучга кириши керак бўлган бу ҳужжатда Россия парламентининг юқори палатаси аъзолари “қатор юридик хатолар” топди.
Петербург полицияси шаҳар кафеларидан бирида ўтаётган қирғиз тўйида отишма уюштирган шахсларни қидирувга берди. Жабрланганлар сўзига кўра, ўзбек экани айтилаётган бу шахслар кафега киритилмаганидан кейин муштлашув бошлаган. Ўзбек ва қирғиз диаспораси вакиллари бу жанжалга миллий тус беришнинг ҳожати йўқлигини гапирмоқда.
2014 йилнинг 26 январида Москва шаҳри марказида Россия мусулмонлари оммавий норозилик намойишини ўтказишга тайёргарлик қўрмоқда. Бир миллионга яқин одам иштирок этиши айтилаётган тадбирда Россияда мусулмонлари ўзларига қарши олиб борилаётган босим ва ноҳақликларга чек қўйиш талаби билан чиқади. Исломофобияга қарши митингда Россиядаги Марказий Осиё жамоатчилик ташкилотлари ҳам иштирок этиши кутилмоқда.
Давомини ўқинг
