тел: +420 2 2112 2397 Skype: assadrskype
Email: sadriddin61@gmail.com Facebook: Sadriddin Ashurov
Farg‘ona viloyati hokimi do‘konlari buzilishiga qarshi chiqqan tadbirkorlarni “peshonangdan otaman” deb dag‘dag‘a qilgan. Bu haqda Ozodlikka shikoyat qilgan tadbirkorlarning aytishicha, Farg‘ona shahar bosh plani asosida dehqon bozori atrofida rekonstruktsiya qilingan yangi do‘konlarning buzilishiga qarshi chiqqan tadbirkorlarga bu gapni hokim umumiy yig‘ilishda aytgan.
Фарғона вилояти ҳокими дўконлари бузилишига қарши чиққан тадбиркорларни “пешонангдан отаман” деб дағдаға қилган. Бу ҳақда Озодликка шикоят қилган тадбиркорларнинг айтишича, Фарғона шаҳар бош плани асосида деҳқон бозори атрофида реконструкция қилинган янги дўконларнинг бузилишига қарши чиққан тадбиркорларга бу гапни ҳоким умумий йиғилишда айтган.
Xorazm viloyatining tumanlaridagi kasalxona, poliklinika va qishloq vrachlik punktlarining shifokoru hamshiralari paxta terimiga safarbar etildi. Kasalxonalarda sanoqli doktor qolayotgani sababli dardiga davo istab borgan bemorlar shifokorlarni ish joyidan topolmay uyiga qaytmoqda.
Хоразм вилоятининг туманларидаги касалхона, поликлиника ва қишлоқ врачлик пунктларининг шифокору ҳамширалари пахта теримига сафарбар этилди. Касалхоналарда саноқли докторлар қолаётгани сабабли дардига даво истаб борган беморлар шифокорларни иш жойидан тополмай уйига қайтмоқда.
Сурхондарё вилоятининг Узун тумани марказий касалхонасидаги Озодлик манбасига кўра¸ куйдирги аломатлари билан ўтган ҳафта касалхонага ëтқизилган беморлар ҳозирда интенсив муолажа қилинмоқда. Касалликнинг қорамол сўйишда иштирок этган шахсларга юққани айтилмоқда.
Озодликнинг 3 сентябрь, чоршанба куни Тошкент вақти билан соат 19.05да эфирга узатилган BahsOnline эшиттиришида Ўзбеклар пахта экмасдан ҳам яшай оладими ёки йўқ, деган савол устида баҳслашдик.
Qashqadaryo viloyatining Dehqonobod tumanidagi shoshilinch tibbiy yordam markazining bir guruh feldsherlari OzodMikrofonga murojaat qilib, narkotik va psixotropik dorilar g‘ayriqonuniy ravishda sotilayotgani va ishlatilgan ampulalar feldsherlar nomiga rasmiylashtirayotganini iddao qildi. Dehqonobod tuman tibbiyot birlashmasi boshlig‘i esa bu iddaolarni keskin rad qilmoqda.
Қашқадарё вилоятининг Деҳқонобод туманидаги шошилинч тиббий ёрдам марказининг бир гуруҳ фельдшерлари ОзодМикрофонга мурожаат қилиб, наркотик ва психотропик дорилар ғайриқонуний равишда сотилаётгани ва ишлатилган ампулалар фельдшерлар номига расмийлаштираётганини иддао қилди. Деҳқонобод туман тиббиёт бирлашмаси бошлиғи эса бу иддаоларни кескин рад қилмоқда.
Қашқадарёнинг Китоб тумани ИИБ биносида ўзига ўт қўйган ўқитувчи Мавжуда Турсунова воқеадан икки ҳафта ўтиб, касалхонада вафот этди. Озодлик манбаларига кўра, 35 ёшли Турсунова ўғлининг милиция ходимлари томонидан калтакланганига норозилик билдириб, 6 август куни ўз жонига қасд қилган эди.
O‘zbekiston viloyatlarida paxta terimi mavsumi boshlanishi oldidan hasharga safarbar etiladigan byudjet tashkilotlari xodimlari va mahallada yashovchi ishsizlarning pasport nusxalari olinib, hokimiyatga topshirilyapti.
Ўзбекистон вилоятларида пахта терими мавсуми бошланиши олдидан ҳашарга сафарбар этиладиган бюджет ташкилотлари ходимлари ва маҳаллада яшовчи ишсизларнинг паспорт нусхалари олиниб, ҳокимиятга топшириляпти.
Qoraqalpog‘istonning Amudaryo tumanida bolalar nafaqa puli 2 oydan buyon berilmayotganidan shikoyat bo‘ldi. Aytilishicha, paxta yig‘im-terimi arafasida naqd pul taqchillashgani bois, nafaqa kechikmoqda. "Xalq banki" mutasaddilari esa bunga texnik muammo sababligini aytib, naqd pul taqchilligini inkor qildi.
Қорақалпоғистоннинг Амударё туманида болалар нафақа пули 2 ойдан буён берилмаётганидан шикоят бўлди. Айтилишича, пахта йиғим-терими арафасида нақд пул тақчиллашгани боис, нафақа кечикмоқда. "Халқ банки" мутасаддилари эса бунга техник муаммо сабаблигини айтиб, нақд пул тақчиллигини инкор қилди.
Yakshanba kuni Samarqand viloyatidagi Nurobod tumanining Jom qishlog‘i mol bozorida sodir bo‘lgan ommaviy janjal oqibatida to‘rt kishi og‘ir jarohat olib kasalxonaga yotqizildi. Nurobodning mashhur polvonlari o‘rtasida kelib chiqqan janjalda ishtirok etgan yigirmaga yaqin odam hibsga olindi.
Якшанба куни Самарқанд вилоятидаги Нуробод туманининг Жом қишлоғи мол бозорида содир бўлган оммавий жанжал оқибатида тўрт киши оғир жароҳат олиб касалхонага ётқизилди. Нурободнинг машҳур полвонлари ўртасида келиб чиққан жанжалда иштирок этган йигирмага яқин одам ҳибсга олинди.
Andijon viloyatining Izboskan tumanidan xorijga chiqmoqchi bo‘lgan fuqarolarning pasportiga yumaloq muhr bosish uchun hokimning ruxsati talab qilinyapti. Bu haqda Ozodlikka xabar bergan manbalarga ko‘ra, mehnat muhojirlari xorijda rasmiy ishi borligi haqidagi hujjatlarni taqdim qilsa ham ularga mamlakatdan chiqishga ruxsat berilmayapti.
Андижон вилояти Избоскан туманида хорижга чиқмоқчи бўлган фуқаролар паспортига юмалоқ муҳр босиш учун ҳокимнинг рухсати талаб қилиняпти. Манбаларга кўра, меҳнат муҳожирлари хорижда расмий иши борлиги ҳақида ҳужжатларни тақдим қилса ҳам мамлакатдан чиқишига рухсат берилмаяпти.
Shahrisabzda obodonlashtirish dasturi bo‘yicha buzilayotgan 100ga yaqin uyning tovon pulidan norozi egalarini militsiya xodimlari rozilik berishga majburlayotganidan shikoyat bo‘ldi. Qish arafasida quruq yer berilgan oilalar tovon puliga uy qurib bo‘lmasligi, ortiqcha harajatga esa qurbi yetmasligidan nolimoqda.
Хоразм вилоятидаги Ҳазорасп тумани тиббиёт бирлашмасига қарашли касалхона, қишлоқ врачлик пунктларининг шифокору ҳамширалари намунавий уйларнинг қурилишида иштирок этишга мажбурланмоқда. Бу ҳақда Озодликка хабар берган ҳамшираларнинг айтишича, улар қурувчилар чала ташлаб кетган уйларнинг дераза ва полларини ювмоқда, ғишт ташимоқда.
Давомини ўқинг
