тел: +420 2 2112 2397 Skype: assadrskype
Email: sadriddin61@gmail.com Facebook: Sadriddin Ashurov
Andijon shahar hokimi Dilmurod Rahmatullaevning taxminan bir oy avval kollej va akademik litsey direktorlarini tahqirlab, haqorat qilgani yozib olingan audiofaylni Ozodlik qo‘lga kiritdi. Auidoyozuvda Andijondan Toshkent viloyatiga poezdda paxta terimiga kam odam jo‘natgan kollejlar va litseylarning erkaku ayol direktorlarini hokim “hayvon”, “shakal”, “eshak”, “padaringga la’nat” kabi tahqirlovchi so‘zlar bilan haqorat qiladi.
Андижон шаҳар ҳокими Дилмурод Раҳматуллаевнинг тахминан бир ой аввал коллеж ва академик лицей директорларини таҳқирлаб, ҳақорат қилгани ёзиб олинган аудиофайлни Озодлик қўлга киритди. Ауидоёзувда Андижондан Тошкент вилоятига поездда пахта теримига кам одам жўнатган коллежлар ва лицейларнинг эркаку аёл директорларини ҳоким “ҳайвон”, “шакал”, “эшак”, “падарингга лаънат” каби таҳқирловчи сўзлар билан ҳақорат қилади.
Toshkent shahrining Olmazor tumanida yashaydigan ota-onaning 7,6,4 yashar qizlari zaharlanishdan vafot qildi. Qizchalar yaqinlarining aytishlaricha, qiyma kabob yeganidan so‘ng qorni og‘rigan bolalarga otasi aptekadan dori olib bergan va qizchalar shu doridan zaharlangan. Kabob pishiradigan kabobxona va ularga dori sotib olingan apteka muhrlangan va tekshiruv ishlari olib borilyapti. Shahar prokuraturasi bu voqea yuzasidan jinoyat ishi ochgan.
Тошкент шаҳрининг Олмазор туманида яшайдиган ота-онанинг 7,6,4 яшар қизлари заҳарланишдан вафот қилди. Қизчалар яқинларининг айтишларича, қийма кабоб еганидан сўнг қорни оғриган болаларга отаси аптекадан дори олиб берган ва қизчалар шу доридан заҳарланган. Кабоб пиширадиган кабобхона ва уларга дори сотиб олинган аптека муҳрланган ва текширув ишлари олиб бориляпти. Шаҳар прокуратураси бу воқеа юзасидан жиноят иши очган.
Surxondaryo viloyat, Qiziriq tuman hokimi markazdagi ikki qavatli uylar tomini shifer bilan yopish harajatini mahalliy tadbirkorlar zimmasiga yukladi. Bu haqda Ozodlikka arz qilgan tadbirkorlarning aytishicha, hokimning bu topshirig‘ini tuman soliq inspeksiyasi boshlig‘i majlisda ularga e’lon qilgan. Ishlab chiqarish yoki savdo aylanmasi ko‘lamiga qarab, ularga 500 ming so‘mdan 5 million so‘mgacha “o‘lpon” solingani aytilmoqda.
Сурхондарё вилоят, Қизириқ туман ҳокими марказдаги икки қаватли уйлар томини шифер билан ёпиш ҳаражатини маҳаллий тадбиркорлар зиммасига юклади. Бу ҳақда Озодликка арз қилган тадбиркорларнинг айтишича, ҳокимнинг бу топшириғини туман солиқ инспекцияси бошлиғи мажлисда уларга эълон қилган. Ишлаб чиқариш ёки савдо айланмаси кўламига қараб, уларга 500 минг сўмдан 5 миллион сўмгача “ўлпон” солингани айтилмоқда.
Parkent tumani hokimi Ne’matulla Abdullaev paxta masalasida 1 noyabr kuni o‘tkazgan yig‘ilishda terimga kam odam chiqargan rahbarlarni haqorat qilgani yozilgan 45 minutlik audiofayl Ozodlik tahririyatiga kelib tushdi. Hokim tashkilot va korxonalar rahbarlari, mahalla oqsoqollarini ayamay so‘kar ekan, 45 minut davomida 126 marta uyatli so‘z qo‘llagan. Ne’matulla Abdullaev Ozodlikka shunday yig‘ilish o‘tkazganini tasdiqlar ekan, mahalliy rahbarlarni so‘kmagani, faqat koyiganini aytdi.
Паркент тумани ҳокими Неъматулла Абдуллаев пахта масаласида 1 ноябрь куни ўтказган йиғилишда теримга кам одам чиқарган раҳбарларни ҳақорат қилгани ёзилган 45 минутлик аудиофайл Озодлик таҳририятига келиб тушди. Ҳоким ташкилот ва корхоналар раҳбарлари, маҳалла оқсоқолларини аямай сўкар экан, 45 минут давомида 126 марта уятли сўз қўллаган. Неъматулла Абдуллаев Озодликка шундай йиғилиш ўтказганини тасдиқлар экан, маҳаллий раҳбарларни сўкмагани, фақат койиганини айтди.
Andijon viloyati Asaka tumanidagi ko‘mir omborida aholiga arzon narxda sotish uchun olib kelingan ko‘mirning g‘ayriqonuniy savdosi bilan shug‘ullangan shaxslar 4 oktabrda ushlandi. Andijon viloyati ichki ishlar boshqarmasi va MXX xodimlari o‘tkazgan tezkor tadbir davomida ombordan g‘ayriqonuniy olib chiqib ketilayotgan bir necha yuk mashinasi ushlangan. Oradan ikki kun o‘tib Axtachi ko‘mir omborida ham g‘ayriqonuniy ko‘mir ortilgan bir necha mashina qo‘lga olingan.
Сирдарё вилоятининг Бахт туманига пахта теришга 20 сентябрда олиб келинган Андижон вилояти Қишлоқ ва сув хўжалиги бошқармасининг исми сир қолишини сўраган ишчиси, қарийб икки ойдан буён оғир шароитларда пахта тераётгани, раҳбарлар эса уларни алмаштириш ёки уйига қайтариш ҳақида ўйламаётганидан OzodMikrofon га шикоят қилди.
Андижон вилояти Асака туманидаги кўмир омборида аҳолига арзон нархда сотиш учун олиб келинган кўмирнинг ғайриқонуний савдоси билан шуғулланган шахслар 4 октябрда ушланди. Андижон вилояти ички ишлар бошқармаси ва МХХ ходимлари ўтказган тезкор тадбир давомида омбордан ғайриқонуний олиб чиқиб кетилаётган бир неча юк машинаси ушланган. Орадан икки кун ўтиб Ахтачи кўмир омборида ҳам ғайриқонуний кўмир ортилган бир неча машина қўлга олинган.
Ozodlikning Andijon viloyatida quyi sinf o‘quvchilari ham paxtaga chiqarilayotgani xabari ortidan inson huquqlarini himoya qilish Alyans tashkiloti faoli Yelena Urlaeva viloyatda bo‘lib, u yerdagi vaziyat bilan tanishib qaytdi. Ulug‘nor va Baliqchi tumanlarida quyi sinf o‘quvchilarining paxta terayotganini suratga tushirgan huquq faolining aytishicha, bolalarni o‘qituvchilar dalaga olib chiqyapti. Ozodlik bir hafta avval Baliqchi tumani quyi sinf o‘quvchilari paxtaga chiqarilgani haqida xabar bergan edi.
Озодликнинг Андижон вилоятида қуйи синф ўқувчилари ҳам пахтага чиқарилаётгани хабари ортидан инсон ҳуқуқларини ҳимоя қилиш Альянс ташкилоти фаоли Елена Урлаева вилоятда бўлиб, у ердаги вазият билан танишиб қайтди. Улуғнор ва Балиқчи туманларида қуйи синф ўқувчиларининг пахта тераётганини суратга туширган ҳуқуқ фаолининг айтишича, болаларни ўқитувчилар далага олиб чиқяпти. Озодлик бир ҳафта аввал Балиқчи тумани қуйи синф ўқувчилари пахтага чиқарилгани ҳақида хабар берган эди.
Buxoro viloyatining G‘ijduvon tumanidan OzodMikrofon ga arz qilgan tadbirkor Ilhomjon Rahimovning aytishicha, barcha hujjatlari qonunan rasmiylashtirilgan, tadbirkorlik uchun unga ajratilgan yerda qurilish boshlashga tuman hokimi to‘sqinlik qilmoqda. Ilhomjon Rahimov bu yerning unga tegishli ekanligini qonuniy tasdiqlovchi hujjatlarni ham Ozodlikka taqdim etdi.
Andijon viloyat hokimi Shuhratbek Abdurahmonovning buyrug‘i bilan Toshkent, Sirdaryo viloyatlariga poezdda jo‘natilgan minglab hasharchilar, paxtani terib bo‘lgach, o‘z yonlaridan xarajat qilib uyga qaytishga majbur bo‘lyapti. Viloyat hokimligi mahalla raislariga o‘zlari jo‘natgan hasharchilarni o‘zlari pul topib qaytarib olib kelish topshirig‘ini bergan. Mahalla raislari esa, uyma-uy yurib, hasharchilarni olib kelish uchun “ko‘ngildan chiqarib” pul berishni so‘rayapti.
Бухоро вилоятининг Ғиждувон туманидан ОzodMikrofon га арз қилган тадбиркор Илҳомжон Раҳимовнинг айтишича, барча ҳужжатлари қонунан расмийлаштирилган, тадбиркорлик учун унга ажратилган ерда қурилиш бошлашга туман ҳокими тўсқинлик қилмоқда. Илҳомжон Раҳимов бу ернинг унга тегишли эканлигини қонуний тасдиқловчи ҳужжатларни ҳам Озодликка тақдим этди.
Андижон вилоят ҳокими Шуҳратбек Абдураҳмоновнинг буйруғи билан Тошкент, Сирдарё вилоятларига поездда жўнатилган минглаб ҳашарчилар, пахтани териб бўлгач, ўз ёнларидан харажат қилиб уйга қайтишга мажбур бўляпти. Вилоят ҳокимлиги маҳалла раисларига ўзлари жўнатган ҳашарчиларни ўзлари пул топиб қайтариб олиб келиш топшириғини берган. Маҳалла раислари эса, уйма-уй юриб, ҳашарчиларни олиб келиш учун “кўнгилдан чиқариб” пул беришни сўраяпти.
Samarqand viloyati Tayloq tumanining Mulkiayoz qishlog‘ida yashaydigan 35 yashar Zafar Abdurahimov garchi bir qo‘li tirsagidan yo‘q bo‘lsa ham, uning nogironlik pensiyasi bundan 8 yil muqaddam bekor qilingani va shu paytgacha pensiyasiz qiynalib qolib, Toshkentning Qo‘yliq dehqon bozorida bir qo‘li bilan aravakashlik qilayotganini OzodMikrofonga gapirib berdi.
Самарқанд вилояти Тайлоқ туманининг Мулкиаёз қишлоғида яшайдиган 35 яшар Зафар Абдураҳимов гарчи бир қўли тирсагидан йўқ бўлса ҳам, унинг ногиронлик пенсияси бундан 8 йил муқаддам бекор қилингани ва шу пайтгача пенсиясиз қийналиб қолиб, Тошкентнинг Қўйлиқ деҳқон бозорида бир қўли билан аравакашлик қилаётганини OzodMikrofonга гапириб берди.
Farg‘ona viloyatining Yozyovon tumani hokimiyati yaqinidagi chorrahada 30 oktabr kechqurun sodir bo‘lgan avtohalokatda bir ayol nobud bo‘ldi, to‘rt kishi jarohat oldi. Voqea guvohlarining aytishicha, chorrahada paxta tashiydigan ikki pritsepli traktorga Cobalt avtomashinasi qattiq urilgan. Oqibatda avtomobilda bo‘lgan bir ayolning boshi tanasidan uzilib ketgan, qolganlar turli xil jarohat bilan kasalxonaga yotqizilgan.
Давомини ўқинг
