тел: +420 2 2112 2397 Skype: assadrskype
Email: sadriddin61@gmail.com Facebook: Sadriddin Ashurov
15 июнь куни Хитой Халқ Республикаси Раиси Ху Цзинтаонинг Ўзбекистонга давлат ташрифи бошланди. Шу куни у “Дўрмон” қароргоҳида Ўзбекистон Президенти Ислом Каримов билан аввал тор доирада, сўнг кенгайтирилган тартибда музокаралар олиб борди.
Жорий йилнинг 14 июнь куни Хитой Халқ Республикаси Раиси Ху Цзинтао давлат ташрифи билан Ўзбекистонга келади. У Ўзбекистон Президенти Ислом Каримов билан музокаралар ўтказади, шунингдек, 16 июнда Тошкентда бошланадиган Шанхай ҳамкорлик ташкилоти (ШҲТ) саммитида иштирок этади. ХХР раисининг ташрифи 18 июнь куни ниҳоясига етади.
9 июнь куни Тошкентда МДҲ ва Болтиқбўйи мамлакатлари темир йўллари раҳбарлари кенгашининг навбатдаги йиғилиши иш бошлади. Ушбу кенгаш ишида Финляндия ва Болгария темирйўлчилари кузатувчи сифатида иштирок этмоқда.
Маълумотларга қараганда, Россиянинг “Голден телеком” компанияси Ўзбекистондаги “Buzton” телефон компанияси акцияларининг назорат пакетини сотиб олган.
28 май куни “Freedom house” ташкилотининг Тошкентдаги ваколатхонасида илк бор ўзбекистонлик инсон ҳуқуқлари ҳимоячилари ва Ички ишлар вазирлиги Жазони ижро этиш бош бошқармаси ходимларининг биргаликдаги матбуот анжумани ўтказилди.
Фарғона вилоятининг Риштон туманида мактаб ўқувчилари мажбуран дала ишларига жалб этилиб, улар ғўза ниҳолларига заҳарли кимёвий моддалар сепишда иштирок этмоқда.
“Озодлик” радиосида Фарғона вилояти Ўзбекистон туманидаги Туэл қишлоғига оид лавҳа эълон қилингандан сўнг бу ерда анча ижобий ўзгаришлар кузатилмоқда. Маълумотларга қараганда, қишлоқда ширкат ишчиларига маош тарқатила бошлаган, ичимлик сув муаммосини ҳал қилиш учун янги қудуқ қазилмоқда.
Ўзбекистон ҳукумати Фарғона водийсида мавжуд сув тақчиллиги муаммосини ҳал қилиш учун Наманган вилояти ҳудудида “Резаксой” сув омборини қуриш ишларини бошлаб юборди.
22 май Биохилмахилликни сақлаш халқаро куни сифатида нишонланади. Олимлар ва табиат муҳофазаси билан шуғулланувчи ташкилотлар ўсимлик ҳамда ҳайвонот дунёси бугунги кунда шиддат билан ривожланиб бораётган техника асри қурбони бўлаётгани ҳақида бонг урмоқда.
Яқинда бутун дунё фашизм устидан қозонилган ғалаба кунини нишонлади. Ўзбекистонда ҳам бу сана Хотира ва қадрлаш куни сифатида байрам қилинди. Лекин баъзи марказий газеталарнинг байрам сонларидаги суратларда уруш фахрийлари кўкракларидаги орден ва медаллар ретушь (бўёқ ёки қалам билан расмнинг кам-кўстини тузатиш) қилинди.
Қозоғистон Адлия вазирлиги 4 май куни “Қозоғистон демократик танлови” Халқ партиясини рўйхатга олди. Бу -- шу пайтгача мамлакатда рўйхатга олинган иккинчи сиёсий мухолиф партиядир. Партия раиси Ғалимжон Жакиянов эса, ҳамон қамоқхонада жазо муддатини ўтаяпти. Хўш, бу партия Қозоғистон ижтимоий-сиёсий ҳаётида қандай ўрин тутади? Унинг йўналишлари қандай? Партия а’золари қанча? Бу партия ҳақиқатан ҳам ҳукуматга мухолиф бўла оладими? Ҳамкасбим Садриддин ана шу саволларга жавоб излашга ҳаракат қилди.
Қозоғистон жанубий вилоятлари аҳолиси Ўзбекистон газидан фойдаланади. Бу “зангори олов” Қозоғистонга Қирғизистон орқали айланиб боради. Мазкур газ қувурлари собиқ иттифоқ даврида ётқизилган бўлиб, бугун эса икки давлат ўртасида муаммо келтириб чиқармоқда. Қозоғистон ҳукумати энди катта маблағ сарфлаб алоҳида, Қирғизистон ҳудудидан ўтмайдиган газ қувурлари ётқизмоқчи. Нега? Ҳамкасбим Садриддин ана шу мавзуни ўрганишга ҳаракат қилди.
Эшиттиришимиз Қирғизистонга оид лавҳа билан давом этади. Кузатувчиларнинг айтишларича, Марказий Осиё давлатларида ўз салоҳиятини сақлаб қолиш учун АҚШ ҳам, Россия ҳам анча ҳаракат қилмоқда. Афғонистондаги терроризмга қарши уруш сабаби билан АҚШ нинг ҳарбий базалари Ўзбекистон, Тожикистон ва Қирғизистонда ташкил этилди. Лекин Тожикистон билан Қирғизистонда Россиянинг ҳам ҳарбий базалари бор. Куни кеча Россия ҳукумати Қирғизистонга катта маблағдаги қурол-аслаҳани беғараз ёрдам сифатида берди. Бу нима дегани? Қирғизистон, узоқдаги қуйруқдан яқиндаги ўпка яхши деганларидек, Россияга интиляптими? Ёки яхши бузоқ иккита сигирни эмади, деган мақолнинг ҳаётий исботими бу? Ҳамкасбим Садриддин тайёрлаган лавҳа ана шу ҳақда.
Куни-кеча Афғонистон ҳукумати мамлакатга чегарадош 6 давлат билан гиёҳванд моддалар ишлаб чиқаришга қарши биргаликда курашиш ҳақидаги шартномага имзо чекди. Бу келишувга Берлинда ўтказилган халқаро конференция пайтида эришилди. Улар орасида Туркманистон ҳам бор. Сўнгги пайтларда,айнан Туркманистон орқали гиёҳванд моддаларнинг Россияга ва ундан сўнг Европага олиб ўтилаётгани ҳақида хабарлар тарқалмоқда. Россия телевидениеси бу ҳақда ҳужжатли филм ҳам намойиш қилди. Хамкасбим Садриддин мустақил кузатувчилар билан суҳбат асосида Туркманистоннинг ўзида гиёҳванд моддалар истеъмоли ва унинг бошқа давлатларга ўтиш жараёнини ўрганишга ҳаракат қилди.
Бир неча йиллик танаффусдан сўнг Туркманистон НАТО билан ҳамкорлигини яна давом эттирмоқчи. Нега энди Туркманбоши Сапармурод Ниёзов бундай қарорга келиб қолди? Бу ҳамкорликка Туркманистоннинг мухолифатдаги вакиллари ва кузатувчилар қандай фикр билдиришмоқда? Ҳамкасбим Садриддин ана шу саволларга жавоб излашга ҳаракат қилди.
Дастуримиз дунё матбуотининг Ўзбекистондаги портлашларга нисбатан билдирган муносабатларига оид лавҳалар билан давом этади. Нигоҳимизни энди Россия матбуотига бурамиз. Хўш Россия матбуоти Ўзбекистондаги портлашларга оид қандай фикрлар билдирди? Мавзуни ҳамкасбим Садриддин давом эттиради.
Дастуримиз Ўзбекистондаги портлашларга оид лавҳалар билан давом этади. Бу портлашларни ким ташкил қилганлиги ҳақида Ўзбекистон ҳукумати ўз муносабатини билдирди. Хўш, Ўзбекистондаги инсон ҳуқуқлари ташкилотларининг бу портлашларга муносабатлари қандай? Ҳамкасбим Садриддин Ўзбекистон инсон ҳуқуқлари фаолларининг бу масалага муносабатларини ўрганишга ҳаракат қилди.
Бир замонлар Заҳириддин Муҳаммад Бобур соҳиби бўлган машҳур “Кўҳинур” олмоси бугун Англия қироличасининг манглайида ялтираб турибди. Ўзи мурғакккина бўлган бундай қимматбаҳо тошларга бир пайтлар бутун бир ўлкани беришган. Куни-кеча Москва шаҳрининг милиция ходимлари ана шу қимматбаҳо тошни пуллаётган ўзбекистонлик фуқарони қўлга олишди. Раббим Темиров ёнидан топилган зумрад тош оз эмас, кўп эмас 3 миллион АҚШ доллари қимматида деб баҳоланди. Бу ҳақдаги тўлиқ тафсилотларни ҳамкасбим Садриддин тайёрлаган лавҳадан билиб олишингиз мумкин.
Етти йилдан бери қидирувда бўлган Тожикистон собиқ Ички Ишлар вазири Ёқуб Салимов 24 феврал куни Москвадан Душанбега келтирилди. У 2003 йилнинг 21 июн куни Россия Федерал Хавфсизлик Хизмати ходимлари томонидан қўлга олинган эди. Хўш, Ёқуб Салимовни ватанида нима кутмоқда? Унга ўлим жазоси бериладими, ёки Тожикистон Президенти Имомали Раҳмонов собиқ қуролдошининг жонини асраб қоладими?
Бундан беш йил муқаддам – 1999 йилнинг 16 февраль куни Тошкент шаҳри марказида портлашлар содир этилган, унда расмий маълумотларга қараганда 13 киши, норасмий манбаларга кўра эса 20 дан ортиқ фуқаро ҳалок бўлганди.
Давомини ўқинг
