тел: +420 2 2112 2397 Skype: assadrskype
Email: sadriddin61@gmail.com Facebook: Sadriddin Ashurov
Инсон ҳуқуқлари халқаро ташкилоти вице-президенти Марат Зоҳидов ташкилотнинг вилоят бўлимларини номақбул шахслардан тозалашга киришилганини эълон қилди.
18 июль куни Тошкент шаҳри Яккасарой тумани жиноят ишлари судида “Интерньюс нетворк” халқаро ташкилотининг Ўзбекистондаги ваколатхонаси собиқ ижрочи директори Холида Анорбоева ва ҳисобчи Ольга Нормуродова устидан суд жараёни бошланди.
Американинг йирик хусусий банкларидан бири - Bank of New York Ўзбекистон ташқи иқтисодий алоқалар миллий банкига бундан бир неча йил аввал очган кредит линиясини ёпганини эълон қилди.
13 июль куни Тошкент шаҳри жиноят ишлари судида пойтахтдаги олий ўқув юртида таълим олаётган тўрт йигит устидан суд жараёни бошланди. Улар ваҳҳобийлик диний оқимига аъзоликда айбланмоқда.
21 кун давомида ҳибсда ушлаб турилгандан кейин бегуноҳ экани айтилган, ота-онаси бунинг учун телевидение орқали президентга миннатдорлик билдиргач, озодликка чиқарилган Аъзамжон Исмоилов яна қамоққа олинди.
Ўтган ҳафтада Тошкент шаҳри жиноят ишлари судида 20 нафар ёш йигит устидан, адвокатлар ва айбланувчиларнинг яқинлари фикрича, адолатсиз ва жуда қаттиқ ҳукм чиқарилди.
7 июль куни Тошкент шаҳри жиноят ишлари суди ваҳҳобийлик диний оқимига алоқадорликда айбланган 20 кишини 5 йилдан 17,5 йилгача муддатга озодликдан маҳрум этиш ҳақида ҳукм чиқарди.
Сўнгги икки кун ичида Тошкент шаҳрида бўлиб ўтган икки суд жараёнида ноқонуний диний ташкилотларга аъзолик ва конституциявий тузумга тажовуз қилишда айбланган 14 киши турли муддатларга озодликдан маҳрум этилди.
“Эзгулик” инсон ҳуқуқлари жамиятининг Жиззах вилояти Зомин тумани бўлими раҳбари Улуғбек Каттабоев беш кундан буён дом-дараксиз. Унинг оила аъзолари ва инсон ҳуқуқлари ҳимоячилари бундан ташвиш билдирмоқда.
1 июнь куни “Озодлик” радиосининг Сирдарё вилояти бўйича мухбири Лобар Қайнарова Гулистондаги ўз уйи олдида шафқатсиз калтакланди. Айни пайтда у шифохонага ётқизилган.
Яқинда андижонлик қочқинларни Ўзбекистонга қайтариш учун маҳаллий ҳокимият вакиллари ҳамроҳлигида қочқинларнинг икки юзга яқин қариндоши Қирғизистонда бўлиб қайтди.
28 июндан 29 июнга ўтар кечаси Ўзбекистон инсон ҳуқуқлари жамияти Жиззах вилояти бўлими раҳбари Бахтиёр Ҳамроевнинг уйи номаълум кишилар томонидан тошбўрон қилинди.
БМТ экспертлари Ўзбекисондаги инсон ҳуқуқлари вазиятига доир махсус маъруза тайёрлади. Унда Ўзбекистонда қийноқлар ҳамон кенг қўламда қўлланилаётгани таъкидланилади.
24 июнь куни Тошкентда Ўзбекистон Миллий хавфсизлик хизмати томонидан умумий ҳажми 596 килограмм бўлган наркотик моддалар ёқиб юборилди. Мамлакатда 1994 йилдан буён ёқиб юборилган гиёҳвандлик моддалари миқдори 37 тоннадан ошди.
“Эзгулик” инсон ҳуқуқлари жамиятининг Жиззах вилояти Зомин тумани бўлими раҳбари Улуғбек Каттабеков устидан Жиноят кодексининг 168-моддаси (фирибгарлик) бўйича жиноят иши қўзғатилди.
21 июнь куни сиёсатшунослар, инсон ҳуқуқлари ҳимоячилари ва оддий фуқаролардан бир гуруҳи Тошкентдаги “Матонат” монументи қошига тўпланиб, Андижон фожеалари қурбонларини хотирлади.
27 май куни Ўзбекистон Бош прокуратурасида Андижон воқеаларига бағишланган брифинг ўтказилди.
Ўзбекистон Олий Мажлиси Қонунчилик палатасининг 23 май куни бўлиб ўтган йиғилиши Ғарб давлатлари ва хорижий оммавий ахборот воситаларига қарши жиддий айбловларга бой бўлди.
Андижон воқеаларидан сўнг Ўзбекистоннинг барча вилоятларида, шунингдек Тошкент шаҳрида инсон ҳуқуқлари ҳимоячилари қаттиқ назорат ва таъқибга олиняпти, ҳатто баъзиларга уйларидан чиқиш маън қилинган.
Андижон воқеаларига муносабат билдириш учун Жиззах вилояти ҳокимлиги биносини пикет қилишни режалаштирган маҳаллий инсон ҳуқуқлари ҳимоячилари тазйиққа олинмоқда.
Давомини ўқинг
