тел: +420 2 2112 2397 Skype: assadrskype
Email: sadriddin61@gmail.com Facebook: Sadriddin Ashurov
Andijon viloyati Baliqchi tumani pensiya jamg‘armasining xo‘jalik ishlari mudiri Osiyo Qo‘chqorovaning OzodMikrofonga arz qilishicha, unga nisbatan uyushtirilgan tuhmat o‘z tasdig‘ini topmaganidan so‘ng, u ma’naviy va moddiy zararni qoplashni so‘rab fuqarolik sudiga arz qilgan.
Jizzax viloyati G‘allaorol tumanidan OzodMikrofonga qo‘ng‘iroq qilgan pensioner Nabijon Jo‘raboevning aytishicha, tuman markazidagi Do‘stlik mahallasidagi o‘nlab uy egalariga, bir haftaning ichida uylarini buzib, materiallarini olib chiqib ketish buyurilgan.
Qashqadaryo viloyatining Yakkabog‘ tumanida yashaydigan tadbirkor ayol Zuhra Muqimovaning OzodMikrofonga arz qilishicha, uning barcha hujjatlari taxt bo‘lgan, davlat dasturiga kiritilgan avtomobillarga metan gazi quyish shoxobchasi loyihasini viloyat hokimi tasdiqlamayapti.
Андижон вилояти Балиқчи тумани пенсия жамғармасининг хўжалик ишлари мудири Осиё Қўчқорованинг OzodMikrofonга арз қилишича, унга нисбатан уюштирилган туҳмат ўз тасдиғини топмаганидан сўнг, у маънавий ва моддий зарарни қоплашни сўраб фуқаролик судига арз қилган.
Жиззах вилояти Ғаллаорол туманидан OzodMikrofonга қўнғироқ қилган пенсионер Набижон Жўрабоевнинг айтишича, туман марказидаги Дўстлик маҳалласидаги ўнлаб уй эгаларига, бир ҳафтанинг ичида уйларини бузиб, материалларини олиб чиқиб кетиш буюрилган.
Қашқадарё вилоятининг Яккабоғ туманида яшайдиган тадбиркор аёл Зуҳра Муқимованинг OzodMikrofonга арз қилишича, унинг барча ҳужжатлари тахт бўлган, давлат дастурига киритилган автомобилларга метан гази қуйиш шохобчаси лойиҳасини вилоят ҳокими тасдиқламаяпти.
Farg‘ona viloyat, Marg‘ilon shahridan OzodMikrofonga qo‘ng‘iroq qilgan Sherali Abdullaev poyafzal ishlab chiqarish korxonasi ochish niyatida shahardagi barcha banklarga kirib chiqqani, ammo banklar uch oydan buyon “resurs qolmagan”, degan bahonada kredit bermayotganidan shikoyat qildi.
Фарғона вилоят, Марғилон шаҳридан OzodMikrofonга қўнғироқ қилган Шерали Абдуллаев пойафзал ишлаб чиқариш корхонаси очиш ниятида шаҳардаги барча банкларга кириб чиққани, аммо банклар уч ойдан буён “ресурс қолмаган”, деган баҳонада кредит бермаётганидан шикоят қилди.
Toshkent shahridan OzodMikrofon ga qo‘ng‘iroq qilgan Rumilya Xalikova 1992 yilda Qozog‘istondan poytaxtga kelin bo‘lib tushgani, lekin oradan shuncha yil o‘tsa ham O‘zbekiston fuqaroligini ololmayotganidan shikoyat qildi.
O‘zbekiston Din ishlari bo‘yicha qo‘mita raisi o‘rinbosarining Milliy matbuot markazida o‘tkazilgan yig‘ilishda ayollar ro‘moli haqidagi savollarga javobi ijtimoiy tarmoqlarda bahsu-munozaralarga sabab bo‘ldi. Ijtimoiy tarmoq foydalanuvchilari mulozimning “ro‘mol – diniy libos emas” degan gapini xushxabar sifatida qabul qilib, o‘z xursandchiligini izhor etmoqdalar. Ammo, Ozodlik suhbatlashgan O‘zbekiston musulmonlari idorasi vakili, bu yig‘ilishda hijob haqida emas, o‘zbek ayollari o‘rab yuradigan oddiy ro‘mol haqida gap borganini aytmoqda.
Тошкент шаҳридан OzodMikrofon га қўнғироқ қилган Румиля Халикова 1992 йилда Қозоғистондан пойтахтга келин бўлиб тушгани, лекин орадан шунча йил ўтса ҳам Ўзбекистон фуқаролигини ололмаётганидан шикоят қилди.
Ўзбекистон Дин ишлари бўйича қўмита раиси ўринбосарининг Миллий матбуот марказида ўтказилган йиғилишда аёллар рўмоли ҳақидаги саволларга жавоби ижтимоий тармоқларда баҳсу-мунозараларга сабаб бўлди. Ижтимоий тармоқ фойдаланувчилари мулозимнинг “рўмол – диний либос эмас” деган гапини хушхабар сифатида қабул қилиб, ўз хурсандчилигини изҳор этмоқдалар. Аммо, Озодлик суҳбатлашган Ўзбекистон мусулмонлари идораси вакили, бу йиғилишда ҳижоб ҳақида эмас, ўзбек аёллари ўраб юрадиган оддий рўмол ҳақида гап борганини айтмоқда.
OzodMikrofonga qo‘ng‘iroq qilgan qo‘qonlik tadbirkor Avazbek Hojimatovning arz qilishicha, dehqon bozori ichidagi do‘koni bundan o‘n yil oldin qayta shunday do‘kon qurib berish yoki tovon puli berish va’dasi bilan hokim tomonidan buzdirilgan. Ammo, tadbirkorning iddao qilishicha, shu paytgacha do‘kon o‘rniga do‘kon ham, tovon puli ham berilmagan.
Samarqand tumanidagi 10-umumta’lim maktabining 9-sinf o‘quvchisi 11 avgust kuni o‘z joniga qasd qildi. Bu suiqasddan to‘rt kun avval ayni tumanning Qo‘ziqo‘rg‘on qishlog‘ida yashagan 22 yashar yigit ham o‘zini osib o‘ldirdi. Ozodlik gaplashgan mahalliy rasmiylar o‘rtahol oilalar farzandi bo‘lgan bu yigitlarning o‘z joniga qasd qilishi sababi mavhumligicha qolayotganini bildirdi.
OzodMikrofonга қўнғироқ қилган қўқонлик тадбиркор Авазбек Ҳожиматовнинг арз қилишича, деҳқон бозори ичидаги дўкони бундан ўн йил олдин қайта шундай дўкон қуриб бериш ёки товон пули бериш ваъдаси билан ҳоким томонидан буздирилган. Аммо, тадбиркорнинг иддао қилишича, шу пайтгача дўкон ўрнига дўкон ҳам, товон пули ҳам берилмаган.
Самарқанд туманидаги 10-умумтаълим мактабининг 9-синф ўқувчиси 11 август куни ўз жонига қасд қилди. Бу суиқасддан тўрт кун аввал айни туманнинг Қўзиқўрғон қишлоғида яшаган 22 яшар йигит ҳам ўзини осиб ўлдирди. Озодлик гаплашган маҳаллий расмийлар ўртаҳол оилалар фарзанди бўлган бу йигитларнинг ўз жонига қасд қилиши сабаби мавҳумлигича қолаëтганини билдирди.
Yaponiyadan Ozodmikrofonga qo‘ng‘iroq qilgan o‘zbekistonlik talaba, ularni chaqirtirib olgan odam ishga joylash uchun pul talab qilayotgani, hali tilni yaxshi o‘rganmagan talabalar kontrakt pulini to‘plash uchun qo‘shimcha ravishda mustaqil ish topa olmayotganidan shikoyat qildi. Talabaning aytishicha, ularning ojizligidan fodalanib, “o‘zimizning o‘zbeklar” ular ustida pul ishlab olmoqchi.
Япониядан Озодмикрофонга қўнғироқ қилган ўзбекистонлик талаба, уларни чақиртириб олган одам ишга жойлаш учун пул талаб қилаётгани, ҳали тилни яхши ўрганмаган талабалар контракт пулини тўплаш учун қўшимча равишда мустақил иш топа олмаётганидан шикоят қилди. Талабанинг айтишича, уларнинг ожизлигидан фодаланиб, “ўзимизнинг ўзбеклар” улар устида пул ишлаб олмоқчи.
Buxoro viloyati maktab o‘qituvchilari bu yilgi paxta terimida qatnashish uchun tilxat yozib berishga majburlanyapti. Bu haqda Ozodlikka xabar bergan o‘qituvchilarning aytishlaricha, barcha maktablar o‘qituvchilari “bu yilgi paxta hosilini nest-nobud qilmay” terib berishga kafolati yozilgan tilxatni terim uchun tashkil qilingan otryadlarning boshliqlariga beryapti. Rasmiylar esa bu yil o‘qituvchilar paxta terimiga chiqarilmasligini aytmoqda.
Бухоро вилояти мактаб ўқитувчилари бу йилги пахта теримида қатнашиш учун тилхат ёзиб беришга мажбурланяпти. Бу ҳақда Озодликка хабар берган ўқитувчиларнинг айтишларича, барча мактаблар ўқитувчилари “бу йилги пахта ҳосилини нест-нобуд қилмай” териб беришга кафолати ёзилган тилхатни терим учун ташкил қилинган отрядларнинг бошлиқларига беряпти. Расмийлар эса бу йил ўқитувчилар пахта теримига чиқарилмаслигини айтмоқда.
Давомини ўқинг
