тел: +420 2 2112 2397 Skype: assadrskype
Email: sadriddin61@gmail.com Facebook: Sadriddin Ashurov
Озодликка ана шундай мулоҳазаларини билдирган китоблик муштарий иш жойидан ажралган ўзбекистонлик ўқитувчилар чет элга мардикорликка кетишга мажбур бўлаётганини айтади.
Мустақиллик байрами арафасида Жиззах шаҳри ва Зарбдор туманида милиция ходимларидан ташкил топган махсус гуруҳ фоҳишаларни ва исловотхоналарни аниқлаш операциясини бошлади.
Ўзбекистон Бош вазири Шавкат Мирзиёев 2012 йилги пахта терими мавсумида ўқувчиларни пахта теримига жалб қилмаслик ҳақида Халқ таълими вазирлигига кўрсатма берди.
Жиззахлик инсон ҳуқуқи фаоли Ўктам Пардаев Жиззах вилояти Хорижга чиқиш-кириш ва фуқароликни расмийлаштириш бошқармаси бошлиғини судга берди. 34 ёшли инсон ҳуқуқи ҳимоячиси саккиз ойдан буён хорижга чиқиш визаси ололмаяпти.
26 июл куни Тошкент вилоятининг “Қуёшли” посёлкасидаги канцелярия моллари билан савдо қиладиган улгуржи бозорни кучайтирилган милиция ходимлари ёрдамида солиқчиларнинг “Бозор гуруҳи” босди. Бу гуруҳ бозордан зўрлик билан тадбиркорларнинг бир миллиард сўмлик юкини қоғоз-ҳужжатсиз олиб чиқиб кетгани айтилмоқда.
Ўзбекистон МХХсига қарашли экани айтиладиган “Пресс-уз инфо” Интернет сайтида чоп қилинган мақолада қашқадарёлик инсон ҳуқуқи фаоли Гулшан Қораева ўз уйини “фоҳишахона”га айлантирган, маънавий бузуқ аёл сифатида таърифланади. Гулшан Қораева буни расмийлар томонидан уюштирилган бўҳтон дея атамоқда.
“Бирдамлик” халқ демократик ҳаракати Фарғона вилояти бўлими етакчиси Гулҳаё Бобожонова 5 суткага қамалди. Унинг яқинларига кўра, Гулҳаё Бобожонова милиция ходимини ҳақорат қилганликда айбланган.
Ўзбекистонда тадбиркорларни ўзларига қарашли биноларни қайта таъмирдан чиқариш талаб қилинмоқда. Маҳаллий ҳокимлар бу ишни мустақиллик байрами олдидан қилинаётган ободончилик ишлари билан изоҳлаяпти.
Президент Каримов имзолаган янги фармонга кўра, солиқдан озод этилиш баробарида судяларга уй-жой сотиб олишда имтиёзли ипотека кредитлари¸ уй ижараси учун эса ойлик компенсация бериладиган бўлди. Ўзбекистонда сиëсий ҳокимиятга қарам экани айтиладиган суд тизимини¸ бундай имтиëзлар билан коррупциядан тозалашнинг имконсиз экани айтилмоқда.
Бозор маъмурияти бу ҳолатни СЭС назоратидан ўтмасдан¸ санитария қоидаларига зид равишда сотилаётган гўшт ва гўшт маҳсулотларининг саломатлик учун хавфли эканлиги билан изоҳламоқда.
Ўзбеклар¸ ëши ўтгач¸ анъанавий зеҳниятга кўра¸ ижтимоий муҳофазани давлат эмас¸ ўз бола-чақасидан кутади. Бундай зеҳният давлатнинг ўз фуқаролари олдидаги фундаментал мажбуриятини деярли йўқ ҳолга келтирмадими? Бу мавзу атрофида Яккабоғ ва Ғаллаоролда яшовчи 78 яшар отахонлар баҳслашди.
Аксар аҳолининг ойлик ва нафақалари мажбуран пластик карточкага ўтказилган ва карточкаларнинг аксари VISA Card бўлган Ўзбекистонда бу карточкалар бутунлай ишламай қолди. VISA Cardнинг фаолияти тўхтатилган МТСга боғлаб қўйилгани мамлакатдаги нақд пулсиз олди-бердини қисман фалажлаштириб қўйди.
Тошкентдаги “Чинни бозор” иши бўйича маҳкамага тортилган Тошкент вилоят Солиқ бошқармасининг Бозорлар ва савдо комплексларини назорат қилиш бўлими бошлиғи Рустам Турсунбоев 14 йилга озодликдан маҳрум этилди.
Тошкент шаҳрининг деярли барча туманларидаги хусусий ҳовлилар газ ҳисоблагичларини ўз вақтида давлат стандартидан ўтказмагани учун миллионлаб сўмлик жаримага тортилмоқда.
Қашқадарё вилоятининг Муборак туманидаги “Муборакгаз” ташкилотининг раҳбар ва ходимлари, солиқ инспекцияси инспекторларидан иборат 28 кишилик гуруҳ турли муддатларга озодликдан маҳрум этилди.
МТС-Ўзбекистон мобил алоқаси17 июл куни батамом ўчириб қўйилиши ортидан, компания энди банк амалиётлари ўтказиш ҳуқуқидан ҳам маҳрум бўлди. МТС компаниясининг Москвадаги ваколатхонаси вакили бу ҳолатни Россия инвестициясига қилинган ҳужум дея баҳоламоқда.
Ўзбекистонда жорий йилнинг олти ойи мобайнида 510 мингтадан ортиқ янги иш ўринлари яратилди. Бу иш жойларининг учдан икки қисми қишлоқ ҳудудларига тўғри келади. Бироқ мутахассислар ҳукумат бераётган рақамларнинг реалликдан йироқ эканини айтишади.
Германия жиноят полицияси расмийсининг “Шпигел” журналига берган интервюсига кўра, Германияда ўғирланаётган автомобилларнинг кўп қисми Марказий Осиёга, хусусан Ўзбекистон ва Тожикистонга юборилган.
Қашқадарё вилоятининг Қамаши туманида тўрт киши куйдирги ташхиси билан касалхонага ётқизилди. Куйдирги (сибирская язва) билан хасталанган бу беморлар касалликни мол сўяётганда юқтиргани айтилмоқда.
Сўнгги ҳафталар мобайнида Пастдарғом туманида 15 яшар қиз ва 22 яшар йигит чақмоқ зарбидан нобуд бўлди. Бундай фожианинг Пастдарғомда сўнгги тўрт йил ичида биринчи бор содир бўлгани айтилмоқда.
Давомини ўқинг
