тел: +420 2 2112 2397 Skype: assadrskype
Email: sadriddin61@gmail.com Facebook: Sadriddin Ashurov
Озодликнинг навбатдаги Баҳс майдонида Ўзбекистонда яқинда бошланадиган пахта терими мавсумида расмийлар турли чекловларни жорий қилишга қанчалик ҳақли экани тўғрисида мунозара юритилди.
“Ўзбекнаво” эстрада бирлашмаси мамлакат фуқароларини лицензиясиз хонандалар ҳақида маълумотга эга бўлса, эстрада бирлашмасига етказишга чақирган. Бу ҳақда “Даракчи” газетасига гапирган Ўзбекнаво раҳбари ўринбосарига кўра, санъаткорлар “Ўзбекистонда хизмат кўрсатган артист унвони билан тақдирланганига қарамай фуқаролик мажбуриятларини англаб етмаяпти”.
24 июл куни Зарафшон шаҳар ҳокими Илҳом Эшмирзаев Миллий хавфсизлик хизмати ходимлари томонидан ҳибсга олинди. Собиқ ҳоким ўз мансаб ваколатини суиистеъмол қилиб, катта миқдордаги давлат маблағини ўзлаштирганликда айбланмоқда. Шунингдек, Эшмирзаевнинг педофилияда гумонланаётгани иддао қилинмоқда.
Озодликнинг навбатдаги Баҳс майдонида ўзбекистонлик муҳожирларнинг сиёсий фаоллиги, бугун ўзбек жамиятидаги воқеаларга уларнинг қандай муносабатда бўлаётгани ҳақида баҳс бўлди.
Биринчи августга ўтар кечаси Тошкентнинг Олмазор туманидаги “Исломобод” жоме масжидига ниқобли номаълум шахслар бостириб кириб, масжид қоровулига оғир тан жароҳати етказган. Босқинчилар масжиддан “Эҳсон қути”сидаги пулларни ва бир қанча ашёларни ўғирлаб кетган.
Тожикистонда 20-21 август кунлари ўтказиладиган сув ҳамкорлиги бўйича Халқаро конференцияда Ўзбекистон иштирок этиш истагини билдирганича йўқ. Бу ҳақда Тожикистон Ташқи ишлар вазирлиги расмийси жума куни журналистлар билан ўтказилган брифингда эълон қилди.
Ўзбекистонда кичик бизнес ва хусусий тадбиркорлик субъектлари ва фермер хўжаликлари экспортини қўллаб-қувватлаш борасидаги ҳукумат қарори қабул қилинди. Ўзбекистон президенти имзолаган қарорга кўра, ҳукумат энди хорижга ўз маҳсулотларини экспорт қилмоқчи бўлган хусусий тадбиркорлар ва фермерларга ҳар томонлама ёрдам беради.
Ҳуқуқ фаоллари журналист Солижон Абдураҳмоновнинг "тўқима айбловлар" билан0 қамоққа ташланиши учун масъул расмийлар рўйхатини АҚШ ва Европа ҳукуматларига тақдим қилиб, уларга нисбатан санкция жорий қилинишига эришиш ниятида эканликларини айтмоқда.
Озодликнинг Тошкентдаги ҳамкорларига кўра, харидорлар компания салонларини 7 август куни эрталабдан “ишғол” қила бошлаган. Келаси йили ишлаб чиқариладиган автомашиналар савдоси бошлангани тўғрисидаги маълумотни Озодлик мухбири “GM Uzbekistan” масъул ходимидан олди.
Бу мавзуни Баҳс майдонига олиб чиқишимизга Озодликнинг Эркин микрофонида ногиронларнинг йўқчиликдан тиланчилик қилишлари ҳақида гапирган самарқандлик ва сурхондарёлик тингловчиларнинг айтганлари ва уларга қарши гапирган хоразмлик ногироннинг фикрлари сабаб бўлди.
Қорақалпоғистоннинг Хўжайли туманида тарқалган геморрагик безгак касаллиги одамлар ўлимига сабаб бўлмоқда. Озодлик олган маълумотларга кўра, ўнга яқин одам бу касаллик қурбони бўлган. Хўжайлида қорамол гўштидан келиб чиқадиган бу касалликка қарши кураш учун кенг қамровли профилактик ишлар олиб борилмоқда.
Таниқли кулги устаси, Ўзбекистонда хизмат кўрсатган артист Ҳожибой (Ҳожимурод) Тожибоев оламдан ўтганига беш йил бўлди. Озодлик таҳририяти ўзи вафот топган бўлса-да, халқни юракдан кулдирган иборалари оғизма-оғизга кўчиб юрган сўз устасининг хотирасига махсус эшиттириш ҳозирлади.
Ўзбекистон "Маъмурий жавобгарлик тўғрисида"ги Кодексига қўшимчалар киритишни кўзда тутувчи қонун лойиҳаси ишлаб чиқилди. Лойиҳада ўрта ва махсус таълим муассасалари ўқувчиларининг давомати учун маъмурий жавобгарлик тўлиғича ота-она зиммасига юкланди.
Озодликка WhatsApp тармоғидан келган хабарлардан бирида ЎзГазОйлга қарашли АЁҚШларда мижозларга сотиладиган бензиндан уриб қолинаётгани ҳақида ёзилган. Бироқ ширкат масъуллари бу хабарни рад этмоқда.
Жондорлик фермер, “Эзгулик” жамияти Бухоро вилоят бўлими раиси Бобомурод Раззоқовнинг ҳибсга олинишига сабаб бўлган ариза муаллифи Гулшан Каримова фоҳишахона сақлаганлиги учун аввал икки марта судлангани маълум бўлди. Бу ҳақдаги ҳужжатларни қўлга киритган “Эзгулик” жамиятига кўра, Бобомурод Раззоқов тўқима айбловнинг қурбони бўлмоқда.
Озодликнинг навбатдаги Баҳс майдонида "15 августдан бошлаб иш ҳақи, пенсия, стипендия ва нафақа тўловларининг 15 фоизга оширилиши ўзбекистонликлар турмуш тарзини яхшилайдими ёки баттар қиладими?" мавзусида мунозара юритилди. Ҳукуматнинг бу тадбирини қўллаб-қувватловчи ва уни танқид қилувчи муштарийлар баҳслашди.
Ўзбекистон президенти Ислом Каримов "мамлакатда тиланчилар қолмади", деб айтганидан сўнг катта шаҳарлардаги милиция ходимлари барча тиланчиларни ушлаб қамаяпти ёки шаҳардан ташқарига чиқартириб юбораяпти.
Ўзбекистон коллежларида талабаликка қабул қилинишдан олдин, ота-она ўз фарзандининг қишлоқ хўжалик ишларига жалб қилинишига қарши эмаслиги ҳақидаги шартномани имзоламаса¸ ҳужжат қабул қилинмаëтир. Олий ва ўрта махсус таълим вазирлиги масъули Озодлик билан суҳбатда¸ бундай амалиëтдан бехабарлигини билдирди.
Термиздаги ободончилик доирасида мевали ва манзарали дарахтларнинг аёвсиз кесилаётгани ҳақида YouTube порталига яна иккита лавҳа қўйилди. Видеолавҳада уйлари бузилаётганидан шикоят қилган одамлар билан милиция ходимлари ўртасида юзага чиққан можаро ҳам тасвирланади. Бу муаммолар хусусида Интернетда чиқиш қилган 75 ёшли Ўлмас опа Очилдиеванинг яқинлари эса таъқиб қилинмоқда.
11 июлдан бошлаб “Капиталбанк” хориждан келган пул жўнатмаларидан хизмат ҳақи олмайди. Бу ҳақда банкнинг расмий сайтида хабар қилинди. Ўтган ой банк хориждан юборилаётган пул жўнатмаларидан хизмат ҳақи олишни бошлаган ва бу меҳнат муҳожирларининг норозилигига сабаб бўлган эди.
Давомини ўқинг
