емайл: bekievam@rferl.org Facebook: @Mehribon.Bekieva
Ўзбекистон Олий суди ўзбек халқига туҳмат ва ҳақорат қилганликда айбланиб¸ 8000 АҚШ долларига тенг миқдорда жаримага тортилган “Америка овози” радиоси мухбири Абдумалик Бобоев ишини қайта кўриб чиқиш учун Тошкент шаҳар жиноий ишлар судига жўнатди.
Таниқли журналист, футбол шарҳловчиси, диний-маърифий дастурлар муаллифи, айни пайтда олти йиллик қамоқ жазосини ўтаётган Хайрулла Ҳамидовнинг ўтган йили Мустақиллик байрами муносабати билан эълон қилинган амнистияга тушмагани маълум бўлди.
Тошкентлик Ирина Бадриддинова маҳкум ўғли Суҳроб Бадриддиновнинг турмада қийноқларга тутилаётганига норозилик билдириб, қамоқхона назоратчиларини судга берди. Аммо Яккасарой туман суди¸ қамоқхонадаги қийноқлар ҳақидаги шикоятни асоссиз деб топди.
Мисрдаги сиëсий талотўпларга муносабат билдиришда давом этаëтган ўзбекистонликлар¸ бир-бирига қарама-қарши қутбдан туриб бўлса-да¸ Мисрдаги каби халқ норозилигининг Ўзбекистонда юз бериш эҳтимолини инкор қиладилар. Бир томон буни халқнинг тўқлиги билан¸ иккинчи томон эса¸ қўрқоқлиги билан изоҳлайди.
"Бизнинг Тўмарисга ўхшаган қизларимиз бор. Нима учун Тошкентда ўтирган Каримов эшитмайди? Шундай журналистлар ҳозир бизга керакда"¸ дейди Саодат Омонова ва Малоҳат Эшонқуловалар ҳимояси учун Ўзбекистон президенти номига хат ëзиш ташаббусини бошлаган сурхонлик Ўрол ака.
Кейинги пайтларда Ўзбекистонда бир қатор район ҳокимлари бевосита пора олиш чоғида қўлга олиниб¸ жиноий жавобгарликка тортилмоқда. Аммо оддий ўзбекистонликлар фикрича¸ аҳëн-аҳëндаги бундай қурбонлик ҳокимларни халқпарварликка эмас¸ балки Тошкентга қуллуқ ва қулликни янада кучайтиришга ундамоқда.
Қашқадарë Ички ишлар тизими вакиллари Озодлик билан мулоқотда ўзбек-туркман чегарасида туркман чегарачилари томонидан ўлдирилган 48 яшар Ўзбекистон фуқароси Усмон Бобоёров ўлими юзасидан жиноий иш қўзғатилганини маълум қилди.
"Генерал Собир Раҳимов ҳайкалини кўздан панага олиш орқали Ўзбекистондаги расмийлар¸ миллатимиз ичидан чиққан фидокор инсонларни халқ онгидан ўчиришга ҳаракат қилмоқда"¸ дейди Озодликка сим қоққан тошкентлик Анвар Тўрахўжаев.
Президент Каримов Вазирлар маҳкамасидаги сўнгги маърузасида Ўзбекистон аҳолиси 29 миллионга етгани ва яқин орада 30 миллионлик маррани ҳам уриши ҳақида гапирди. Хўш, мамлакат аҳолиси кўпайишда давом этаётган бугунги кунда ўзбек оилалари кўп фарзандлими, улар нечта фарзанд кўришни хоҳлаётир?
"Эркин микрофон" бугунги сонида Қирғизистон жанубида ҳамон ўзбеклар камситилаётганидан гапирган ўшлик ўзбек ва бир пайтлар ўғрилик қилганидан пушаймон бўлиб, ҳозирда ҳалол меҳнат қилаётган тошкентлик йигитнинг ҳикоясини тингланг.
“Бирдамлик” ҳаракати Россияда юрган минглаб ўзбек муҳожирларига ёрдам бериш мақсадида Россияда расман қайддан ўтди. “Бирдамлик”нинг Россия бўлими раҳбари Абдужаббор Исмоил ҳаракат меҳнат муҳожирларига ҳуқуқий кўмак бериш билан биргаликда, уларнинг сиёсий онгини оширишни ҳам ният қилган.
Анвар қори Турсуновга суиқасд қилганлик ва Ички ишлар вазирлиги расмийси Ҳасан Асадовни ўлдирганликда айбланиб, узоқ муддатларга қамалган 14 кишининг жами бир миллиард сўмдан зиёд миқдордаги мол-мулки мусодара қилинмоқда. Бу ҳақда Ўзбекистон мустақил ҳуқуқ ҳимоячилари ташаббус гуруҳи хабар тарқатди.
Тошкент вилояти Чирчиқ шаҳрида жойлашган 64/6- жазони ўташ муассасасида олти нафар маҳкум қамоқхонадаги зўравонликларга норозилик сифатида ўз жонига қасд қилган. Бу ҳақда Озодликка хабар берган тутқунлар яқинларига кўра, улардан бири ўлган, қолганлари оғир жароҳат олган.
11 январ куни Жаслиқ қамоқхонасидан 48 ёшли маҳкум Адулфаттоҳ Раимохуновнинг жасади чиқди. 14 йилдан бери Жаслиқда жазо муддатини ўтаган марҳаматлик Абдулфаттоҳ Раимохунов¸ расмий тиббий хулосага кўра¸ юрак инфарктидан ўлган¸ аммо марҳумнинг танишлари унинг ҳам қамоқхонадаги қийноқ қурбони бўлганини тахмин қилишмоқда.
Тўрт йилдан бери Тошкентга бориб¸ Юридик институт биносига ҳам етолмай¸ мелисалар "оши"га айланиб¸ Сариосиëсига қайтиб кетаëтган 22 яшар Шомурод¸ президентнинг тўнғич қизидан мадад сўрайди...
Озодлик мухлислари тўрткўллик ëлғиз она Зулфия Бегалиева операцияси учун эҳсон йиғишни давом эттирар экан¸ бу жараëнга Ўзбекистон ва Туркманистон Халқ артисти Ортиқ Отажонов ҳам қўшилди.
4 январ куни Навоий қамоқхонасидан тошкентлик 32 ёшли маҳбус Улуғбек Ғофуровнинг жасади чиқди. 11 йилдан буён диний айбловлар билан қамоқ жазосини ўтаб келган Улуғбек Ғофуровнинг қийноқлар натижасида нобуд бўлгани тахмин қилинмоқда.
Етти йилдан буён тўшакка михланиб ётган тўрткўллик 43 ёшли Зулфия Бегалиевага суяк емирилиши билан боғлиқ дард хавф солмоқда. Агар зудлик билан унинг оёғи операция қилинмаса, Зулфия опанинг аҳволи янада оғирлашиши мумкин.
Ўзбекистон бўйлаб электр энергияси¸ ëнилғи ва ëқилғи нархининг муттасил кўтарилиб бориши оқибатида¸ ғалла ҳосили мўл бўлгани иддаосига қарамай¸ мамлакатда ишлаб чиқарилаëтган ун нархи ошмоқда.
Ўзбекистонлик оилалаларнинг 30 фоизи кейинги 12 ой мобайнида турар жой билан боғлиқ муаммога дуч келган. Маркази АҚШда жойлашган Gallup тадқиқот марказининг дунë бўйлаб ўтказган сўрови ана шундай натижа берди.
Давомини ўқинг
