ЗАРАФШОН. “Навоий вилояти Зарафшон шаҳридаги академик лицей ётоқхонасида яшаётган 75 оила номидан ёзмоқдамиз. Ётоқхонада 2006 йилдан буён ижара шартномаси асосида яшаб келамиз. Зарафшон шаҳри ҳокими совуқ кунларда бизни ётоқхонадан ҳайдаб чиқармоқда. Бу ерда аксар ижтимоий ёрдам муҳтож оилалар яшайди. Қаердан бошпана топамиз? Камида бир миллион сўм бўлган ижара пулини қаердан оламиз?
Маҳаллий раҳбарлар муаммони ҳал қилмагач, ноилож президентимизга мурожаат қилмоқдамиз. Шавкат Миромонович, Зарафшон ҳокими сизнинг халқни рози қилиш ҳақидаги талабингизга қарши боряпти. Билишимизча, қўли калта оилалар яшаётган ётоқхонани ноль қийматда танишларга сотишмоқчи. Ҳурматли президент, кўчага ҳайдалаётган фуқароларингизга ёрдам қўлини чўзинг!”
(Бу хабар Озодликка 7 ноябрь куни келган.)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|