Эрон Хоманаий учун кенг қамровли дафн маросимларига тайёрланмоқда.
Февраль ойида АҚШ ва Исроил зарбалари оқибатида ҳалок бўлган олий раҳбар Али Хоманаий дафн маросими бир неча кун давом этиши айтилган.
Эрон давлат телевидениеси хабар қилишича, 3 июль куни айрим хорижий давлатлар вакиллари маросимда иштирок этиш учун Теҳронга етиб борган.
Давлат телевидениеси тарқатган кадрларда Хитой, Беларус, Ироқ ва Туркманистон делегацияларининг Теҳронга боргани намойиш этилди.
Шунингдек, Эрон расмий телевидениеси Ўзбекистон делегацияси - Олий Мажлис Қонунчилик палатаси Спикери Нуриддин Исмоилов бошчилигидаги делегация Эронга боргани намойиш қилинди.
Расмий ОАВда кўрсатилган кадрларда, Хоманаийнинг тобути пойтахтдаги йирик - Буюк Мусалла масжиди марказида қўйилган ҳолда акс эттирилди.
Бундан ташқари, Эрон давлат ОАВ тарқатган тасвирларда, Ислом инқилоби посбонлари корпуси бош қўмондони Аҳмад Ваҳидий, АҚШ ва Исроил ўртасидаги Эронга қарши уруш бошланганидан бери, биринчи марта жамоатчиликка кўриниш берди.
Расмий хабарга кўра, 3 июль куни у Теҳронда Али Хоманаийнинг тобути олдига келиб, марҳумга ҳурмат бажо келтирган.
Қарийб бир ҳафта давом этадиган маросимлар дастлаб Теҳронда ўтказилади. Кейин тадбирлар Қум шаҳри ва Ироқда давом этиб, 9 июль куни Хоманаийнинг туғилган шаҳри Машҳадда жойлашган Имом Ризо мақбарасидаги дафн билан якунланади.