Туркия яқинида баллистик ракета уриб туширилди
Туркия мудофаа вазирлигининг чоршанба куни маълум қилишича, Эрон томонидан отилган баллистик ракета Сурия ва Ироқ орқали ўтганидан сўнг Туркия осмонига киришидан олдин Шарқий Ўртаер денгизида НАТО мудофаа тизимлари томонидан йўқ қилинган.
Вазирлик ёзма баёнотида, ҳодисада ҳеч ким ўлмагани ва жароҳатланмагани айтилган.
Айни пайтда, Туркия ўзига қарши ҳар қандай душманона ҳаракатга жавоб бериш ҳуқуқига эга эканини эслатди ва томонларни ҳарбий низони кенгайтириши мумкин бўлган қадамлардан сақланишга чақирди.
HRANA: 1100 дан ортиқ одам ўлди, 5 ярим минги жароҳатланди
Human Rights Activists News Agency - HRANA 3 март куни эълон қилган янгиланган маълумотларга кўра, 24 соат ичида Эроннинг 19 вилоятида камида 104 та ҳужум қайд этилган ва натижада 31 киши ўлган.
28 февралдан бери HRANA қарийб 1 минг 100 фуқаро ўлими ва 5 минг 402 кишининг жароҳатлангани, шу жумладан болалар жароҳатланганини ҳужжатлаштирган. Гуруҳ мамлакат бўйлаб ҳарбий база, тиббиёт муассасалари ва турар-жойларнинг зарарланиши ҳақида ҳам хабар берган.
HRANA — АҚШдаги Human Rights Activists in Iran инсон ҳуқуқлари ташкилотининг ахборот агентлиги бўлиб, маҳаллий манбалар ва очиқ манбали текширувлар орқали ҳуқуқ бузилишлари ва можаро таъсирини кузатади.
Исроил Теҳронда F-35 қирувчи самолётини қўллади
Исроил армияси 4 март куни Иранда F-35 учувчи самолёти Эроннинг қирувчи самолётини йўқ қилди.
«Бироз олдин Адир (F-35 учун ибора) қирувчи самолёти Эрон осмонида, Теҳрон осмонида эрон қирувчи самолётини йўқ қилди. Бу дунёда F-35 қирувчи самолёти томонидан инсон бошқарувидаги қирувчи самолётини йўқ қилиш бўйича биринчи ҳодиса», деди Исроил Мудофаа кучлари матбуот котиби Эффи Дефрин.
Дефриннинг айтишича, Исроил АҚШ билан ҳамкорликда Эронга қарши 28 феврал куни бошлаган ҳаво уруши давомида жами 100 соатлик ҳарбий ҳаракатларни амалга оширган ва бу «тартибли жанг режаси»га мувофиқ олиб борилмоқда.
Эронга ҳужумнинг Ўзбекистонга таъсири
Айрим экспертлар хавотирича, Эронга ҳужум Ўзбекистон логистикасига илк кунданоқ таъсирини кўрсата бошлаган.
Маълумки, Эрон порти минтақа ва унга туташ, айниқса, денгизга чиқиш бўлмаган Ўзбекистон каби давлатлар учун муҳим логистика нуқталаридан бири эди.
“Агар минтақа (Эронни ҳам қўшиб ҳисоблаганда) билан савдомиз тўлиқ тўхтаган тақдирда ҳам бу экспортнинг 3 фоиз атрофида, импортнинг эса 2,5 фоиз атрофида секинлашишига олиб келиши мумкин. Бунинг ЯИМга умумий таъсири 0,6 фоиз атрофида бўлади. Савдо 50 фоизга секинлашишининг ЯИМ ўсишига умумий таъсири эса 0,2-0,3 фоиз банд атрофида бўлиши мумкин”, деб ёзади жумладан иқтисодчи Миркомил Холбоев.
Расмий маълумотларга кўра, Марказий Осиё минтақаси ва Эрон билан умумий юк ташиш ҳажсининг 18,9 фоизи Ўзбекистон ҳиссасига тўғри келади. Қўшниларда эса бу кўрсаткич каттароқ: Қозоғистоннинг улуши — 61 фоиз, Туркманистонники — 29 фоиз.
Ўзбекистон Транспорт вазирлилига кўра, Ўзбекистоннинг ташқарига 9 та йўлакдан юк ташийди ва асосий йўналиш Эрон денгиз портлари орқали ўтадиган жанубий йўлакдир.
Экспорт ва импортнинг катта қисми - Туркия ва Европадан келаётган юкларнинг 60 фоизи шу йўлак орқали ташилади. Иқтисодчи Холбоевнинг ёзишича, 2025 йилда Эрондан импорт ҳажми 421 млн долларни ташкил этган. Асосий импорт товарлари Иссиқлик алмашинув қурилмалари ва машиналари (63 млн доллар), этилен полимерлари (42,1 млн доллар), стерол полимерлари (23,2 млн доллар) ҳисобланади.
Шунингдек, олма, беҳи, нок, импорти 15,8 млн долларни ташкил этиб, бу умумий импортнинг 44 фоизига тенг бўлган.