АНДИЖОН. “Андижон тумани Оқёр қишлоғида яшовчи 6000 дан зиёд аҳоли номидан ёзмоқдамиз. Аҳоли зич жойлашган ҳудудимизда, собиқ автогараж ўрнида 2017 йилдан буён темир-чўян эритиш ва алматура ишлаб чиқариш заводи фаолият юритмоқда. Завод девори паст ва нозик экани сабаб ундан кучли шовқин чиқади. Металл эритиш жараёнида атмосферага чиқарилаётган заҳарли тутун эса аҳоли саломатлиги ва атроф-муҳит тозалигига зарар етказмоқда.
Биз аввал-бошданоқ маҳаллада бундай завод қуриб бўлмаслиги, ундан кўра енгил саноат корхонаси очиш мақсадга мувофиқлигини айтган эдик. Аммо илтимосимиз инобатга олинмади. Энди эса мутасаддилар аризаларимизга жавобан заводни кўчириб бўлмаслигини айтмоқда. Хўш, кўп сонли аҳоли нима қилсин? 24 соат давомида ишлайдиган заводдан чиқаётган заҳарли тутунни ютиб яшайверсинми?”
(Бу хабар Озодликка 17 сентябрь куни келган.)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|