Жорий йилнинг 10 май куни Фарғона вилоятининг Қўқон шаҳрида яшовчи 8-синф ўқувчилари ўртасидаги ўзаро жанжал пичоқбозликка айланиб кетди.
ИИВ Жамоатчилик ва ОАВ билан алоқалар бошқармаси маълумотига кўра, жанжал оқибатида ўқувчилар бир-бирларига пичоқ билан уриб тан жароҳати етказганлар.
Оқибатда иккала ўқувчи ҳам олган жароҳатлари боис шифохонага ётқизилган.
Ушбу воқеа юзасидан жиноят иши қўзғатилиб, тергов ҳаракатлари олиб борилмоқда.
