Линклар

Шошилинч хабар
29 март 2024, Тошкент вақти: 10:23

Туркия Россия билан 2,5 миллиард долларлик ҳарбий келишув имзолади


Россиянинг С-400 ракета комплекси.
Россиянинг С-400 ракета комплекси.

Анқарадан келаётган хабарларга кўра, Россия Туркияни 2,5 миллиард долларга С-400 ракета тизимлари билан таъминлаш бўйича келишув имзолаган.

Бу эса ғарб мамлакатларида хавотирга сабаб бўлмоқда, чунки Туркия НАТО аъзоси бўлиб, рус ракета тизимларини бирлашманинг мудофаа тизимларига интеграция қилиб бўлмайди. Анқаранинг бу ҳаракатини айрим ғарб давлатлари НАТОга бўлган ҳурматслик ўлароқ қабул қилди.

"Ростек" ширкати директори Сергей Чемезов "Коммерсантъ" газетасига берган интервьюсида тўртта С-400 батареяси Туркияга 2020 йилнинг мартида элтиб берилишини таъкидлади.

400 километр радиусни қопловчи С-400 русумидаги ҳаво мудофааси тизими кўпи билан 30 километр баландликдаги мўлжални нишонга олишга қодир. Ҳар бир батерея эса бир пайтнинг ўзида 80 дан ошиқ нишонга зарба бериш салоҳиятига эга.

С-400 ракета комплексларини харид қилиш бўйича музокаралар ҳақида илк бор жорий йилнинг сентябрида Туркия президенти Ражаб Тоййиб Эрдўғон эълон қилган эди.

XS
SM
MD
LG