O‘zbekistonlik taniqli tilshunos olim¸ O‘zbekiston Milliy universiteti (avvalgi ToshDU) dotsenti Baxtiyor Isabekov¸ yo‘q joydan To‘ytepani Nurafshon deb o‘zgartirish haqida qaror chiqargan o‘zbek senatorlarini millat tarixidan bexabarlik¸ unga nisbatan hurmatsizlikda aybladi.
“To‘ytepa nomining etimologik jihatdan to‘yga hech qanday aloqasi yo‘q. Bu so‘z eski turk tilida katta¸ baland qal’a¸ tepaliklar to‘plami¸ degan mazmun tashigan. Bu shaharning nimaga shunday nomlanishini izohlovchi mantiqiy asoslar bor. Qolaversa¸ To‘ytepa nomi Toshkent tarixini tushunishda muhim rol tutadi. Buni Nurafshonga aylantirish kimning xayoliga¸ nimaga keldi¸ tushunmay turibman. Kimgadir Nurafshon so‘zi yoqar ekan¸ yangi joylarga qo‘ysin bu nomni¸ hech kimning e’tirozi yo‘q. Lekin¸ xalqni o‘z tarixidan uzoqlashtirishning kimga¸ nimaga keragi bo‘lib qoldi¸ men ham bilmayapman”¸ deydi OzodNazar mehmoni bo‘lgan tilshunos olim.
Suhbat davomida Baxtiyor Isabekov¸ kiril-lotin tortishuvi¸ qolaversa¸ O‘zbekiston ta’limi sohasida qilinishi lozim islohotlarga ham munosabat bildirdi.
