4 сентябрь куни Ўзбекистондаги барча олий, ўрта махсус ва ўрта умумтаълим мактабларида очилган янги 2016-17 ўқув йилида машғулотлар “Хотира дарслари” билан бошланди.
Мотам ичидаги таълим даргоҳларида машғулотлардан аввал шу йилнинг 2 сентябрида оламдан ўтган мамлакатнинг биринчи президенти Ислом Каримов хотирланди.
Бу ҳақда “Озодлик”ка маълум қилган таълим тизими мутасаддиларига кўра, Ўзбекистон Халқ таълими вазирлиги томонидан жўнатилган маъруза матни ва мультимедиа дастури ўқувчилар эътиборига ҳавола этилди.
Ўзбекистон Халқ таълими вазирлигига кўра, ўқув йили бошланган кун шу пайтга қадар анъанавий тарзда “Билимлар куни” деб юритиб келинган ва мамлакатдаги 9692 та умумтаълим мактабларида илк машғулотлар “Мустақиллик дарслари” бўлган.
Бу йил эса президент Ислом Каримовнинг вафоти муносабати билан мазкур анъана ўзгарди.