AQShda yashayotgan o‘zbekistonlik siyosatchi, "Birdamlik" harakati asoschisi Bahodir Choriev Ozodlik bilan suhbatda Respublikachi nomzod Donald Trampni qo‘llab aksiyalar o‘tkazayotgani, demokratiyaga xavf soluvchi "buzg‘unchilar"ning AQShga kiritmaslik g‘oyasiga qo‘shilishini aytdi. 4 avgust kuni Portland shahrida o‘z tarafdorlarining namoyishida janob Tramp boshqa davlatlardan musulmonlarni Qo‘shma Shtatlarga kirishini taqiqlash g‘oyasini yana bir marta ilgari surgan edi.
Jumladan, respublikachi nomzod Tramp o‘z chiqishida AQShning Aydaxo shtatida terrorchilikni qo‘llaganlikda ayblanib, 25 yilga qamalgan o‘zbekistonlik Fazliddin Qurbonov bilan bog‘liq voqeani esladi.
- “Yubek”, bu nimaligini bilasizlarmi? O‘zbek muhojiri. Qarang, Aydahoda yashovchi o‘zbek muhojiri terrorchi tashkilotni dastaklaganlikda ayblandi. U yuz minglab muhojirlarga terrorchilikdan saboq berganlikda ayblandi va qo‘lga olindi. Bundaylar dunyoning eng xavfli joylaridan kelyapti. Qarang, o‘zbek muhojiri odamlarni terrorchilikka yollab, ularga bombani qanday yasashni o‘rgatyapti, zo‘r-a. Men bundaylarni mamlakatimizda istamayman, - dedi Tramp.
O‘zbekistonlik siyosatchi Bahodir Choriev AQShda prezidentlikka nomzod Donald Trampning bu aytganlarida jon bor, deydi:
Oq uy va boshqa respublikachilar Tramning bunday chaqiriqlarini qoralab keladi.
Vashington ma’muriyati Trampning bunday so‘zlari AQSh qadriyatlari va milliy xavfsizlik manfaatlariga zid ekanini bildirgan.