Amerika kinoakademiyasi “Oskar” mukofotini topshiruvchi qo‘mita tarkibini o‘zgartirishini bildirdi.
Kinoakademiya mukofot berish jarayonida irqiy kamsitishlarga yo‘l qo‘yilayotgani, jumladan bu yilgi “Oskar” nomzodlari orasida biron qora tanli aktyorlarning yo‘qligi bilan bog‘liq noroziliklar ortidan bu ishga qo‘l urmoqda.
Kinoakademiya boshqaruvi kengashi hakamlar tarkibi kelajakda jinsiy va irqiy jihatdan xilma xil bo‘lishini ma’lum qildi.
Ayni choralar doirasida akademiyada ayollar va irqiy ozchilik vakillari soni 2020 yilgacha ikki baravar ko‘paytirilishi ko‘zda tutilmoqda.