Прокурор сўзларига кўра, жиноят ортида Ўзбекистон хукумати турган.
Имом режимни таниқли танқидчиларидан ва режим ундан норози кишилардан бўлган.
Жуковский февралда аввалроқ келган пайтида ўзи билан қуроли бўлмаган, қурол билан қўлга тушиб қолиш хавфини олдини олиш бунга сабаб бўлган.
Кейинчалик суиқасдни амалга ошириш учун қуролни Латвия томонга бориб олиб келган. Қуролни мамлакатга олиб кириш учун самолёт ўрнига паромни танлаган, дея хулоса қилади прокурор Кристер Петерссон.
Прокурорга кўра, Жуковский Умид номидан синглиси Нодира Аминовага атаб "совға" келтиргани, аммо бу ҳақда ҳатто Нодира билан гаплашмаганини қайд этди.
Кейин бу ўйинчокнинг қиз боланики эмас ўғил боланики экани, гўёки, Жуковскийга ғалати туюлганига эътибор қаратди..
Прокурор Малмодаги Аминова билан Жуковский ўртасида бўлиб ўтган бир қатор суҳбатлар рўйхатини келтиради. У шунингдек Москва билан бўлган қатор сўзлашувлари рўйхатини кўрсатади. Жуковский Россиядан бошқа жойда бўлмаганини айтади. Аммо, паспортига кўра, Жуковский кўп жойларда бўлган, жумладан Италияга борган.
Прокурор Жуковский амали ортида Ўзбекистон ҳукумати турганини айтди. У айбланувчига бир умрлик қамоқ жазоси берилишини сўради. Танаффус эълон қилинди.