Суднинг тўртинчи кунида Обид Назаров адвокатининг айбланувчини сўроққа тутиши билан бошланди. Адвокат Умид ва Тиграннинг бир шахс, деб чоршанба куни кўрсатма берган Жуковскийдан бу масалага ойдинлик киритишни сўради. Жуковский Умид ва Тигран аслида бир шахс экани ва унда иккита паспорт борлигини тасдиқлади.. Жуковскийнинг айтишича, улар дўст бўлишган ва бир неча йил муқаддам янги йилни бирга кутиб олишган.
Тигран ва Умид Истанбулда таниқли ўзбек имомининг отиб кетилишига алоқадорлиги айтилган Тигран Қоплон билан бир шахсми, деб сўради.
Тигран Қоплонники экани ишонилган паспорт суратини кўрсатди.
Жуковский унинг умид эканини тасдиқлади.
Жуковскийдан ўз эмейлингиздан фойдаланганмисиз, деб сўралди.
У "ҳа" дея тасдиқлади, аммо эмейл адресларини эслай олмаслиги орадан анча йиллар ўтганини айтди.
Адвокат Жуковскийдан Стокгольмда туфли ва щетка сотиб олганмисиз, деб сўради. Жуковский эслай олмаслигини айтди. Айнан "Экко" дўконидан қишки ботинка сотиб олинганига адвокат эътибор қаратди. Жуковский Стокгольмда айланиб юраркан, дўконга йўл-йўлакай кирган бўлиши мумкинлигини айтди.
Адвокат Истанбулда 2014 йил охирида ўзбек имомини отиб кетишга алақодор асосий гумондорлардан бири сифатида билинган шахс дея бир фотосуратни кўрсатди.
Жуковский бу ҳақда ҳеч нарса билмаслигини ва дўсти билан узоқ пайтдан буён алоқада бўлмаганини айтди.