Айбланувчи Юрий Жуковский
Жуковский суд залига, Озодлик мухбирининг айтишича, "орқа эшикдан" келтирилган.
Мухбиримиз сўзларига кўра, Жуковский кўриниши "сариқдан келган, ўрта бўйли. Сочи калта олинган".
"Юзида эмоция йўқ, хотиржам ўтирибди. Қулоқчин тақиб ўтирибди. Унинг ёнида адвокати ва аёл таржимони," дея хабар беради Озодлик мухбири.
Суд ҳайъати беш кишидан иборат.
Кучайтирилган хавфсизлик чоралари
Остершунд маҳкамасида хавфсизлик чоралари кучайтирилган.
Полиция ходимлари суд залига кирган ҳар бир шахсни изчил текширувдан ўтказмоқда.
Гарчанд суд иши очиқ тарзда ўтиши эълон қилинган эса-да, суд залига видео ва фотокамераларни олиб кириш тақиқланган.
Остершунддаги бошқа маҳкама жараёнлари қолдирилган.
Суд халқаро аҳамиятга эга бўлгани учун хавфсизлик кучайтирилган, дея хабар беради Озодлик мухбири.
Озодлик мухбирининг Остершунддаги суд залидан хабар беришича, суд Швеция вақти билан соат 10:00 да бошланди.
Дастлаб сўзни прокурор Кристер Петерссон олди.
У Обид қори Назаров шахси ва фаолияти ҳақида муфассал маълумот бермоқда.
Кристер Петерссон чиқиши халқаро инсон ҳуқуқлари ташкилотларининг Ўзбекистондаги диний вазият борасидаги ҳисоботларига таянган, дея хабар беради Озодлик мухбири.
Остершундда суд бошланди
23 ноябрь куни эрталаб бошланган маҳкамадан олинган эксклюзив суратлар:
