Қаддафий Триполини бой берди

Ливиялик исёнчилар пойтахт Триполи марказида ғалабани нишонламоқда.

Шаҳарнинг Яшил майдонида исёнчилар осмонга ўқ узиб, хурсандчилик қилмоқда.

Айни пайтда Халқаро жиноят суди матбуот вакили Қаддафийнинг ўғли Сайфул Ислом исёнчилар тарафидан ҳибсга олинганини тасдиқлади.

Аввалроқ исёнчилар Қаддафийнинг икки ўғлини қўлга олганликларини айтишган эди.

Ҳозирча Муаммар Қаддафийнинг қаерда экани номаълумлигича қолмоқда.