БАХТ. “Сирдарё вилояти Бахт шаҳри Улуғ йўл кўчасидан ёзмоқдамиз. Бизнинг уйлар 1984 йилда пахта заводи томонидан ишчилар учун қурилган. Уй етишмовчилигидан 12 та квартира 24 тага бўлинган. Санузел учун жой йўқ эди ва завод маъмурияти санузел ва ошхона қуриш учун жой ажратган. Бу ерда биз 35 йил яшадик. 2018 йил августда эса Бахт шаҳри ҳокимияти санузел ва ошхоналар ноқонуний қурилган деб топди ва бузиб ташлади. Айни пайтда газ, ҳожатхона, сув йўқ бўлган шароитда яшаб келаяпмиз. Шаҳар ҳокимияти омбор ўрнида санузел ва ошхона қуришга рухсат берди. Бу ерда яшовчилар эҳтиёжманд, ногирон ва пенсионерлар. Шу боис ҳокимият қурилишда ёрдам ваъда қилганди. Аммо ваъда бажарилмади.
Пенсия пулига қурилиш қилиб бўларканми! Мутасаддилардан ёрдам кутиб қоламиз”.
(Бу хабар Озодликка 3 май куни келди)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagramсаҳифасида кузатинг!
|