ЖОМБОЙ. “Мен – Зулфизар Тухватуллина, Самарқанд вилояти Жомбой тумани Тошкент маҳалласи 2-уй 1-хонадонда истиқомат қиламан. Президент порталига кўп қаватли уйларни қайта таъмирлаш масаласи бўйича мурожаат қилган эдим. Мурожаатимга Жомбой тумани ҳокимлиги номидан жавоб хати олдим. Мени ҳайрон қолдирган жиҳат, жавоб хати бошқа мавзуда, бошқа шахсга тегишли. Хуллас, мен боғдан келсам, ҳокимият тоғдан келибди. Масъул идоралар фуқаро мурожаатига бундай эътиборсизлик қилар экан, биз қаердан нажот излайлик?! Халқ мурожаатлари учун очилган портал кўзбўямачилик ва хўжакўрсин учун ишлайдими?”
(Бу хабар Озодликка 18 июнь куни келди)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagramсаҳифасида кузатинг!
|