Линклар

Шошилинч хабар
20 август 2019, Тошкент вақти: 20:51

Халқаро янгиликлар

Венада БМТ Халқаро атом энергияси агентлиги бошқарув кенгашининг фавқулодда йиғилиши бўлиб ўтмоқда.

35 аъзодан иборат мазкур кенгаш Эроннинг ядровий дастури масаласини БМТ Хавфсизлик кенгаши муҳокамасига қўйиш-қўймаслик юзасидан қарор қабул қилишни кечиктирди. Йиғилиш шанба куни давом этади.
Жума куни эрталаб Хитой Ташқи ишлар вазири Ли Жаоксин Пекин расмийлари Эроннинг ядровий дастури муаммосини хал этишда халқаро ҳамжамият билан бирга ишлашини маълум қилди.
Ли билан музокара олиб борган Европа Иттифоқининг Ташқи сиёсати мутасаддиси Хавиер Солана Эрон масаласи БМТ Хавфсизлик кенгаши муҳокамасига қўйилиши ҳақидаги Европа Иттифоқи позициясини Хитой қўллаб-қувватлашини айтди.

Бортида бир минг 400 одам бўлган Мисрга қарашли йўловчи кема Қизил денгизда сувга ғарқ бўлди.

Расмийларга кўра, кема ўз манзили Мисрнинг Сафага шаҳридан тахминан 90 километр узоқликда сувга чўккан. Фалокатда омон қолган юз йўловчи қутқариб олинган, ўн тўрт одам жасади топилган. Қутқарувчи кемалар ва вертолётлар фалокат юз берган жойга борган. Аммо ёмон об-ҳаво қутқариш ишларига халал бермоқда.

Муҳаммад Пайғамбарни (солаллоҳу алайҳи ва саллам) ҳажв қилувчи карикатуралар атрофида кўтарилган жанжал кучайиб бормоқда.

Бугун Ғарбий Соҳилнинг Наблус шаҳрида уюштирилган норозилик намойишида қатнашган 20 мингга яқин фаластинлик Дания, Норвегия ва Франция ва карикатура суратлар чоп этган бошқа давлатлар байроқларини ёқдилар.
Шунингдек, Покистон, Индонезия, Эрон, Бахрайн, Россиянинг Доғистон республикаси ва Ироқда ҳам мусулмонлар оммавий норозилик намойиши ўтказдилар.
Покистон президенти Парвез Мушарраф ва Иордания Қироли Абдуллоҳ карикатура суратлари чоп этилганини кескин қораладилар.
“Матбуот эркинлиги бошқа халқлар дини, эътиқоли ва маданиятларини ҳақорат қилиш ҳуқуқи, деган гап эмас. На Афғонистонда на Европада ва на бошқа жойда бундай ҳуқуқ йўқ. Матбуот эркинлиги бошқа халқлар дини, маънавияти ва маданиятини ҳурмат қилиш принцплари доирасида бўлиши керак”, – деди Афғонистон президенти Ҳамид Карзай.
Жума куни АҚШ Давлат департаменти Европа газеталарида Муҳаммад Пайғамбарни (солаллоҳу алайҳи ва саллам) ҳажв қилувчи карикатуралар чоп этилганини қоралади.

Дания парламенти Афғонистонга бир минг 400 нафар қўшимча аскар жўнатиш ҳақида қарор қабул қилди.

Мақсад Афғонистонга жойлаштирилган НАТО етакчилигидаги халқаро кучларни мустаҳкамлашдан иборат. Янги куч вазият барқарор бўлмаган Урузгон вилоятига жойлаштирилади.

Афғонистонда толиблар жанггарилари билан Афғонистон ва АҚШ ҳарбийлари ўртасида қуролли тўқнашув содир бўлди.

Афғонистон Ички ишлар вазирлиги матбуот вакили Юсуф Станизай Озодлик радиосига тўқнашув давом этаётганини айтди:
“Полиция кучлари ва душман ўртасида тўқнашув содир бўлди. Отишмалар ҳозиргача давом этмоқда. Биздаги маълумотларга кўра, душманнинг 30 нафар жанггариси ўлдирилган ва уч нафари яраланган. Полиция ходимларидан уч нафари нобуд бўлди, саккиз ёки тўққиз нафари яраланди ”.
Хилманд вилояти ҳоким ўринбосари Мулла Мирга кўра, отишмада толибларнинг тахминан 200 жанггариси қатнашмоқда. Жангларда афғон ҳарбийларини АҚШга қарашли жанговар учқичлар қўллаб-қувватламоқда.

Президент Жорж Буш маъмурияти Ироқ ва Афғонистондаги ҳарбий амалиётлар учун қўшимча 120 миллиард доллар ажратилишини АҚШ конгрессидан сўрашни режаламоқда.

АҚШ расмийларига кўра, Оқ Уй жорий йилда икки мамлакатда олиб борилаётган ҳарбий амалиётларни молиялаштириш учун 70 миллиард ва 2007 молиявий йил учун 50 миллиард доллар конгресс томонидан ажратилишини хоҳлайди.

Чехия парламенти 120 аскардан иборат терроризмга қарши қисм Афғонистонга жойлаштиришни мақуллади.

Чехия Мудофаа вазирлиги маълумотига кўра, бу кучларни апрел ойигача белгиланган манзилга жойлаштириш учун беш миллион доллар маблағ сарфланиши керак. Ҳозир Афғонистонда Чехиянинг 60 нафар полиция ходими НАТО тинчликпарвар кучлари таркибида хизмат қилмоқда.

Сурия Ироқда янги ҳукумат тузилиши билан икки давлат ўртасида тўлиқ дипломатик алоқалар ўрнатади.

Суриянинг расмий “САНА” ахборот агентлиги хабарига кўра, буни Ташқи ишлар вазири Фаруқ ал-Шара эълон қилган. Эрон-Ироқ урушда Сурия Эрон тарафдори бўлганидан сўнг Ироқ ва Сурия ўртасидаги дипломатик алоқалар совуқлашиб кетган.

Жума куни Япониянинг шимолий минтақаларида Рихтер шкаласи бўйича 5,9 балл куч билан ер силкиниши қайд этилди.

Табиий офат оқибатида талафот ёки зарар кўрилгани тўғрисида маълумот эълон қилингани йўқ. Япония ҳукумати зилзила оқибатида цунами ҳосил бўлиши хавфи йўқлигини маълум қилди.

Атом энергияси бўйича халқаро агентлик раҳбари Муҳаммад Ал Барадей Эроннинг ядровий масаласи атрофидаги жанжал хатарли нуқтага етгани, аммо ҳали ҳам вазиятдан чиқиш имконлари борлигини айтди.

"Вазият критик нуқтага етди, аммо таназзул даражасига етганича йўқ. Бу ерда гап ўзаро ишончни мустаҳкамлаш ҳақида бораётир, муқаррар тахдид ҳақида эмас", - деди Ал Барадей.
Атом Энергияси бўйича халқаро агентлик бошқарув кенгаши айни дамда Эрон масаласини БМТ Хавфсизлик Кенгашига оширишни мухокама этмоқда. Техронга санкциялар жорий этишни назарда тутувчи масала атрофидаги мухокамалар ёпиқ эшиклар ортида ўтмоқда. Эрон масаласини БМТ Хавфсизлик Кенгаши даражасида мухокама этиш таклифини Кенгашнинг барча беш доимий аъзоси – АҚШ, Британия, Франция, Хитой ва Россия мақуллаган. Айни пайтда Теҳрон масала Хавфсизлик Кенгашига оширилгудек бўлса, Атом энергияси бўйича халқаро агентлик билан ҳамкорликни бутунлай тўхтатиб, уранни бойитиш ишларини давом эттириш билан тахдид солмоқда.
Ғарб давлатлари Эроннинг ядровий дастури атом бомбаси яратишга қаратилган, деган шубхада. Аммо Теҳрон буни рад этиб, мамлакат электр эхтиёжини қондириш мақсадида уранни бойитиш ишларини амалга оширишга ҳақли эканини айтиб келмоқда.
Атом энергияси бўйича халқаро агентлик раҳбарига кўра, Эрон ўзининг ядровий дастури тинч мақсадларни кўзлашига халқаро ҳамжамиятни ишонтириши керак ва масала БМТ Хавфсизлик кенгашига оширилган тақдирда ҳам узоғи билан март ойига қадар халқаро ҳамжамиятни ишонтириши учун Техронда имкон бор.
"Агентлик раҳбарияти қандай қарор беришидан қатъий назар, барча томон масаланинг ечими дипломатия йўли билан ҳал бўлиши керак ва музокара борасида якдил манфаатдор томонлар учун вазиятдан чиқишга ҳали ҳам имкон бор", - деди Ал Барадей.
Венадаги бугунги мухокамаларга келсак, ҳозирча Эрон масаласини Хавфсизлик кенгашига ошириш борасида тўла тўкис қарорга келинмаган. Бу юзадан мухокамалар жума куни ҳам давом этади.

Бугун Бағдодда Ироқ собиқ раҳбари Саддам Ҳусайн устидан махкама қайта бошланди.

Бугунги суд мажлисида икки гувоҳ кўрсатмалари тингланди.Аммо, эшитувлар Саддам Хусайн ва у билан бирга судланаётган етти нафар собиқ Ироқ расмийси иштирокисиз бўлди. Улар 29 янавардан бери маҳкамани бойкот қилишаётган эди. Улар тарафдорлари судяни нохолисликда айблаб, унинг алмаштирилишини талаб этишган. Бугун маҳкама ҳайъати гувоҳлар кўрсатмаларини тинглаб бўлгач, 13 февралга қадар танаффус эълон қилди. Саддам Ҳусайн ва Ироқнинг етти нафар собиқ расмийси инсониятга қарши жиноятлар содир этганликда айбланмоқда.
Айни пайтда Бағдоднинг шиалар яшовчи мавзесида бугун маҳаллий исёнчилар ва америкалик аскарлар ўртасида қуролли тўқнашувлар бўлиб ўтди. Бир аёл ҳалок бўлгани ҳақида хабар қилинмоқда. Шунингдек, бугуннинг ўзида Бағдодда икки ироқлик журналист олиб қочилган. Бу ҳақда хозирча бошқа маълумот йўқ.

Муҳаммад Пайғамбар карикатураси Европанинг бошқа нашрларида қайта босилиши айрим мусулмон давлатларида норозиликларни янада кучайтирди.

Бугун Фаластинда қуролланган одамлар Ғазодаги Европа Иттифоқи идораси олдига тўпланиб, газеталарда босилаётган карикатуралар мусулмонлар учун ҳақорат, дея норозилик билдиришди.
"Бундай ҳақоратномус харакатлар Европа тузилмалари ва унинг Ғазодаги черковларини ҳужумларимиз нишонига айлантиради", - деди намоишчилардан бири.
Покистонда эса юзлаб талаба "Данияга ўлим", "Францияга ўлим" дея кўча юриши қилди. Аввалроқ Данияда чиқадиган икки газета Муҳаммад Пайғамбар карикатурасини ўз сахифасида босган. Бунинг ортидан Саудия Арабистони Копенгагендан ўз элчисини чақириб олди. Ливия эса умуман элчихонасини ёпди. Фаластинда Дания байроғи ёқилиб, бу мамлакат маҳсулотларини бойкот қилиш чақириқлари янграган. Бир кун ўтиб эса бу суратларни Франция, Норвегия, Германия, Италия ва Испания газеталари кўчириб босди.
Сўнгги маълумотларга кўра, карикатурани кўчириб босган Франциядаги "Франс суар" газетаси бош мухаррири лавозимидан четлатилган. "Франс суар" бош мухаррири матбуот эркинлиги тамоили нуқтаи назаридан карикатурани ўз газетаси сахифасида босганини айтган.

Афғонистон президенти Хамид Карзай Қирғизистон президенти Қурмонбек Бакиевни расмий ташриф билан Кобулга таклиф этган.

Бу ҳақда Лондонда Афғонистон бўйича халқаро конференцияда қатнашган Қирғизистон Ташқи ишлар вазирлиги Аликбек Жекшенкулов "Озодлик" радиосига маълум қилди.
"Кеча Афғонистон президенти Хамид Карзай билан давлатларимиз ўртасидаги сиёсий, иқтисодий ва инсонпарварлик соҳаларида ҳамкорликни ривожлантириш масалаларини мухокама этдик. Учрашув чоғи Президент Карзай Курмонбек Солиевични Кобулга мехмонга таклиф этиш нияти борлигини айтди", - деди Қирғизистон ташқи ишлар вазири Аликбек Жекшенкулов.
Кечаги анжуманда Жекшенкулов нутқ сўзлаб, Қирғизистон Афғонистонга экстремизм ва наркотиклар ноқонуний савдосига қарши курашда ёрдам беришини таъкидлади.

Қирғизистон президенти Қурмонбек Бакиев мамлакатдаги ноҳукумат ташкилотлари ролини юқори баҳолади ва АҚШ хукуматига бу борадаги молиявий кўмаки учун миннатдорчилик билдирди.

Бир кун аввал Қирғизистондаги юздан ортиқ нохукумат ташкилоти Бакиевга мактуб йўллаб, мамлакат Адлия вазирлигининг хорижий нохукумат ташкилотлари устидан назорат ўрнатишга уриняпти, дея норозилик изхор этган эди. Эслатиб ўтамиз, 24 январ куни Қирғизистон Адлия вазири Марат Каипов чет эл нохукумат ташкилотлари мамлакат миллий хавфсизлигига тахдиди бор-йўқлигини тегишли идоралар билиши керак деб айтган.

Россия прокуратураси ўтган ой Москвадаги яхудийлар ибодатхонасига ҳужум қилиниши билан боғлиқ холатни ўрганиб чиқди ва ишни судга оширди.

Прокуратура москвалик 20 яшар Александр Коптсевни яхудийлар ибодатхонасига бостириб кириб, пичоқ билан одамларга хамла қилганликда айбламоқда. Бунинг оқибатида саккиз киши тан жарохати олган эди. Москва прокурори Анатолий Зуевга кўра, Коптсев жиноят кодексининг икки моддаси бўйича айбланмоқда.
"Айбланувчи ёнидан экстремизмга оид адабиётлар, миллатлараро низо қўзғотувчи бошқа материаллар топилди. Булар Коптсев жиноятларни диний ва миллий адоват қўзғотиш мақсадида амалга оширганини кўрсатмоқда", - деди Москва прокурори.
Агар Александр Коптсев айби исботланса, у умрбод қамоқ жазосига тортилиши мумкин. Суд куни ҳозирча номаълум.

Афғонистон Ташқи ишлар вазири Абдулло Абдулло Нидерландия парламенти Афғонистонга қўшин юбориш режасини мақуллашига умид билдирди.

Бугун Нидерландия парламентида мамлакатнинг 1400 аскарлик қўшинини Афғонистон жанубига юбориш режаси овозга қўйилиши керак. Бу режа Афғонистонда НАТО миссиясини кенгайтириш режаси доирасида амалга ошмоқда.

Грузия президенти Михаил Саакашвили мамлакатининг НАТОга қабул қилиниши Тбилиси ва Москва ўртасидаги худудий можароларга нуқта қўйишини айтди.

Агар Шимолий Атлантика Ҳарбий Альянси Тбилисининг НАТОга қўшилиш таклифини рад этса, Абхазия ва Жанубий Осетия можароси ҳеч қачон ҳал бўлмайди, деди Саакашвили. Грузия раҳбари бу ҳақда бугун Берлинда матбуот анжуманида таъкидлади. Михаил Саакашвили Германияга расмий ташриф билан борган.

Британия Бош вазири Тони Блэйр халқаро ҳамжамиятни Эронни халқаро мажбуриятларни хурмат қилишга мажбурлар борасида бирдамлик курсатишга чақирди.

Блэйр: “Эрон қилаётган ишлардан келиб чиқсак, нафақат унинг ядровий қуроллар борасида олган мажбуриятларни бузиши, балки минтақа бўйлаб терроризмни экспорт қилиши, инсон ҳуқуқларига муносабати... буларнинг барчаси ҳаммамизни Эронга, “сизлар халқаро мажбуриятларни бажариш йулига қайтишингиз лозим”, - деб айтишга ундайди”
Британия ташқи вазири Жэк Строу эса, Эрон ҳукуматини зиддиятли ядровий дастурларни тугатиш борасида ёғилаётган талабларга совуққонлик билан қарамасликка ва халқаро ҳамжамият билан муносабатлар чоғида тахдид қилмасликка чақирмоқда.
Британия ташқи ишлар вазири Жэк Строу Лондонда ўтказилган музокаралар давомида бу борада эронлик ҳамкасбини огоҳлантирди.
Мулоқотлардан аввал эса Жэк Строу Эрон ўз ядровий мажбуриятларини бажариши очун халқаро ҳамжамият унга сўнгги имконият бераётганини айтди.
Блэйр: "Президент Маҳмуд Аҳмадинажоднинг айтишича, Эрон Ғарб босимига қарши туради ва ўз тинч мақсадга қаратилган ядровий дастурларини давом эттиради".

Аҳмадинажод: “Мен бу қалбаки ва ўзини суперқудратли давлатлар деб ҳисоблайдиганларга айтаяпман: Эрон 27 йил аввал мустақил бўлганини билишингиз керак. Биз атом энергияси Эрон халқининг қонуний ҳаққи деб хисоблаймиз. Биз ушбу халқ учун хизмат қилар эканмиз, унинг ҳақ-ҳуқуқларини таъминлаш йулида қатъий қолаверамиз.”

Британия ташқи ишлар вазири Жэк Строуга кўра, Афгонистоннинг 5 йиллик келажагини аниқлаш борасидаги Лондон конференцияси халқаро ҳамжамиятнинг Афғонистонга ёрдам бериш амалиётини давом эттирилишини кўрсатди.

Строу: “Баҳсу мунозараларнинг кенг қамровлиги халқаро ҳамжамиятнинг афғон халқини қўллаб-қувватлаш борасида қатъий қолаётганини кўрсатмоқда”.
Америка Қўшма Штатлари ва Британия Афғонистон учун қўшимча 2 миллиард АҚШ доллари миқдорда молиявий ёрдам беришни ваъда қилди.
Афғонистон президенти Ҳамид Карзайга кўра, 60 донор давлатининг умумий молиявий ёрдам ваъдаси 5 миллиард АҚШ долларига етиши мумкин. Лондондаги анжуман сўнггида Афғонистон ва халқаро жамоатчилик ўртасидаги муносабатларни белгилаб берадиган 15 саҳифалик Лондон Шартномасининг имзоланиши кутилмоқда.

Миср расмийсига кўра, қуролли Ҳамас гуруҳи зўравонликдан воз кечиб, Исроилни тан олган тақдирдагина, Фаластин раҳбари Маҳмуд Аббос уларга ҳукумат тузишни таклиф қилиши мумкин.

Қоҳирада Маҳмуд Аббос билан учрушувдан сўнг Миср махсус хизмати раҳбари Умар Сулаймон ана шундай баёнот билан чиқди.
Маҳмуд Аббоснинг ўзи эса, бу борада ҳеч қандай баёнот бермади. Аббос Фаластинда янги ҳукумат ташкил этиш масаласини мухокама қилиш учун Ҳамас раҳбари билан 3 феврал куни учрашишни режалаштирган.
Исроил давлатини тан олишни истамаётган Ҳамас қуролли гуруҳи ўтган ҳафта мамлакатдаги демократик сайловларда ғалаба қозонди. Айни пайтда, гуруҳ ўз сиёсатини ўзгартиш ниятида эмаслигини билдирмоқда.
Яқин Шарқдаги тинчлик жараёнининг асосий қатнашчилари АҚШ ва Европа Иттифоқи Ҳамас гуруҳи зўравонликдан воз кечиб, Исроил давлатини тан олмаса, Фаластинга бериладиган ёрдам пулини қисқартириш билан таҳдид солишмоқда.

Тожикистон фавқулотда вазиятлар вазирлигининг хабар беришича, Тожикистон Ғарбида содир бўлган қор кўчкиси оқибатида 20 нафар фуқаро нобуд бўлди.

31 январ куни Жирғитол вилоятидаги қишлоқлардан бири қор қўчкиси остида қолди.

Россия жанубидаги Ингушетия республикасининг Олий суди икки йил аввал қонли босқинчилик амалиётини содир этганликда айбланган 4 нафар чечен миллатига мансуб фуқарони 17 йиллик қамоқ жазосига ҳукм этди.

Тўртала судланувчи ҳам 2004 йилда Шамил Басаев бошчилигида қуролланган чечен бўлгинчилари таркибида, Ингушетия маъмурияти биносига, милиция бўлимига ҳужум қилганликда айбдор деб топилди. Мазкур босқинчилик амалиётлари оқибатида 79 кини ўлдирилган, 104 нафар фуқаро яраланган эди.

Россия президенти Владимир Путин бугун Кремлда катта матбуот анжумани ўтказди.

Журналистларнинг турли саволларига жавоб берар экан Путин жумладан Андижон ваоқелари юзасидан ҳам фикр билдирди.

“Биз Андижонда нима содир бўлганини сиздан кўра яхшироқ биламиз. Биз Андижонда юз берган ҳунрезликлар сабабчиларни ким¸ улар қачон¸ қаерда ва қай миқдорда тайëрлаганидан ҳам хабардормиз. Бу билан Ўзбекистонда муаммолар борлигини инкор этмаяпмиз. Лекин айни пайтда Россия Ўзбекистонда муаммолар кўплигидан ўзи учун фойдаланишни истисно қилади “, - деди Путин.

Бағдоднинг турли нуқталарида номаълум тарзда ўлдирилган 15 кишининг жасади топилди.

Ироқ полициясига кўра¸ ўлдирилганларнинг ўн бир нафари ëш йигитлар бўлган.
Улар танасида қийноқ ва ўқ излари борлиги маълум бўлди.
Полицияга кўра¸ жасадлар юк машинаси ичидан топилган.
Айни вақтда¸ Ироқ пойтахтида бир полициячи ҳам ўлдирилди.

АҚШ киноакадемиясининг Оскар мукофотига номзодлар аниқланди.

Энг яхши бадиий филм номинациясида "Букри тоғ"¸ "Капоте"¸ "Тўқнашув"¸ "Мюнҳен"¸ "Ҳайрли тун¸ омад сизга "филмлари рақобатлашади.
"Букри тоғ" филми бирданига саккиз номинация бўйича номзод бўлди.

Давомини ўқинг

XS
SM
MD
LG