Линклар

Шошилинч хабар
19 сентябр 2019, Тошкент вақти: 20:20

Халқаро янгиликлар

Германия канцлери Ангела Меркел Рамаллоҳда Фаластин еткачиси Маҳмуд Аббос билан учрашди.

Учрашув олдиданн Меркел Фаластин парламент сайловларида ғалаба қозонган Ҳамас гуруҳи Исроил давлатининг мажуд бўлиш ҳуқуқини тан олишини кафолатлаш масаласини Фаластин ҳукумати билан муҳокама қилишини билдирди.
Айни пайтда Ҳамас гуруҳи халқаро ҳамжамиятни Фаластинга берилаётган ёрдамни тўхтатмасликка чақирди.
Ҳамаснинг етакчиси Исмоил Ҳания берган баёнотда, адолатли ўтакзилаган сайловларда гуруҳнинг ғалаба қозонгани фаластинликларнинг демократик танлови экани ва бу танлов ҳурмат қилиниши лозимлиги айтилади. У берилажак ёрдам зўравонлик йўлида ишлатилиши мумкин, деган тахминларни инкор этди.
“Халқаро ҳамжамиятни Фаластин халқининг айни босқичдаги устивор мақсадларини тушунишга ҳамда минатқадаги кескин ва танг вазиятга эмас, балки барқарорликка ҳисса қўшиш учун маънавий ва молиявий кўмак беришда давом этишга чақирамиз”, - деди Ҳамас етакчиси.
Қўшма Штатлар Ҳамас етакчилигидаги Фаластин ҳукуматига ёрдам бермаслигини айтмоқда. Исроил ҳам Фаластинга бериладиган тўловларни тўхтатиш билан таҳдид қилмоқда.
Европа Иттифоқи ташқи ишлар вазирларининг Брюсселда ўтаётган ойлик мажлисида бу вазиятни муҳкама қилмоқда. Айтилишича, ЕИ Ҳамас етакчилигидаги ҳукумат Исроил билан тинчлик ўрнатиш ниятида эканини кўрсатган тақдирдагина, Фаластинга кўрсатилаётган ёрдамни давом эттиришга тайёрлигини билдирган.

Ўзбекистонда мухолифат ва инсон ҳуқуқлари фаоллари устидан судловлар давом этмоқда.

Фарғоналик инсон ҳуқуқлари фаоли Мўътабар Тожибоева устидан бошланган судга ҳуқуқ ҳимоячилари киритлмаган.
Айни пайтда Тошкентда “Серқуёш Ўзбекистоним” коалицияси вакили Нодира Хидоятова устидан ҳам суд давом этди.
Шунингдек, “Серқуёш Ўзбекистоним” коалицияси етакчиси Санжар Умаров устидан судлов ўз ишини бошлади, лекин адвокатларга тайёрланиб олиш учун вақт бериш мақсадида жума кунгача танаффус эълон қилинди.
Ҳидоятова ҳам, Умаров ҳам пул ювганлик ва солиқ тўлашдан бўйин товлаганликда айбланмоқда.

“Серқуёш Ўзбекистоним” коалицияси вакиллари бу ишларнинг ортида сиёсий сабаблар борлигини таъкидламоқда.
Лекин Ўзбекистон бош прокуратураси матбуот вакили Светлана Ортиқова Озодликка берган суҳбатида, бундай таъкидларни инкор этди.
“Санжар Умаров ва унинг жиноий гуруҳи сиёсатга ҳеч қандай алоқаси бўлмаган иқтисодий жиноятни содир этган. Шунинг учун улар суд олдида жавоб берадилар. Жамиятга, давлатга ва одамларнинг хусусий манфаатларига келтирилган иқтисодий зиён учун улар албатта жавоб беридилар, деб ўйлайман. Яна бир марта таъкидлаб айтаманки, Санжар Умаров ва унинг жиноий гуруҳининг жиноий фаолияти сиёсатга ҳеч қандай алоқаси йўқ. Булар ғирт иқтисодий жиноятлардир”, - деди Ортиқова.
“Серқуёш Ўзбекистоним” коалицияси 2005 йилнинг апрелида тузилган. Андижон воқеаларидан кейин Ўзбекистон ҳукуматини кескин танқид қилиб келган.

Россия Президенти Владимир Путин мудофаа вазирлигидан мунозараларга сабаб бўлаётган аскарнинг калтакланишига оид тергов юзасидан ҳарбий прокурорлар билан ҳамкорлик қилишни талаб қилди.

Ҳарбий хизматга чақирилган 19 ёшли оддий аскар Андрей Сичёв янги йил кунлари калтакланиши натижасида бир умрга ногирон бўлиб қолди.
Ҳукумат мажлисида Путин Челябинскдаги Танк билим юртида рўй берган воқеани фожеа ва жиноят, деб атади.
“Мудофаа вазирлигидан бу жиноятни тўла тергов қилишда барча керакли ёрдамни беришини сўрайман. Иккинчидан, мудофаа вазиридан армия ва флотда тарбия ишларини яхшилаш бўйича ҳуқуқий ва ташкилий таклифларни тайёрлашини сўрайман”, - деди Россия президенти.
Путин шунингдек, Сичевнинг оиласига молиявий ёрдам кўрсатиш бўйича Мудофаа вазирлигига топшириқ берди.
Путин мазкур воқеа бўйича биринчи марта очиқ баёнот берди.
Ҳарбий прокурорларга кўра, аскарнинг калатакланишида айбланиб 12 ҳарбий ҳисбга олинганини айтмоқда.
Сичевнинг оиласи, жавобгарларни, жумладан Мудофаа вазирлигини судга беришини айтмоқда.

Беларус сайлов комиссиясининг маълум қилишича, тўрт нафар номзод яқинлашаётган президентлик сайловларда қатнашиш учун талаб этилган 100 минг имзони тўплай олган.

Марказий сайлов комиссияси котиби Микалай Лазавик Минскда ўтказилган мтбуот анжуманида, иқтидордаги президент Александр Лукашенка икки миллионга яқин имзо тўплагани, унинг асосий рақиби бўлган мухолифат номзоди Александр Милинкевич эса, 200 мингга яқин имзо йиққанини маълум қилди.
Лазавикка кўра, талаб этилган 100 минг имзони шунингдек, социал демокрталар партияси етакчиси Александр Казулин ҳамда либерал демократлар номзоди Сергей Ҳайдукевичлар тўплай олганини айтди.

Европа Иттифоқига аъзо давлатлар Эронни ўзининг уранни бойитиш ишларини тўхтатишга чақириб, қўшма баёнот қабул қилишни режалаштирмоқда.

Акс ҳолда ЕИ бу масалани БМТ Хавфсизлик кенгашига оширишдан огоҳлантирмоқда.
Мазкур огоҳлантирув ЕИ ташқи ишлар вазирларининг ойлик мажлисида кўриб чиқилган баёнот лойиҳасида келтирилган. Бу баёнотнинг бугун қабул қилиниши кутилмоқда.
Айни пайтда, Россия ташқи ишлар вазири Сергей Лавров Эрон уранни бойитиш ишларини вақтинча тўхтатиши лозимлиги ҳақида баёнот берди.
Лавров Эрон ядровий дастури бўйича бугун Лондонда бўлиб ўтадиган музокараларда қатнашади. Мазкур учрашувда АҚШ давлат котиби кондолиза Райс ҳамда Британия, Франция, Германия ва Хитой ташқи ишлар вазирлари ҳам иштирок этади.
Сафар олдидан Лавров мазкур учрашувда Теҳронни уранни бойитиш ишларини тўхтатишга кўндириш йўллари муҳокама қилинишини айтди.
Германия, Франция, Британия ва Қўшма Штатлар Эрон масаласини БМТ Хавфсизлик кенгашига ошириш лозимлигини айтмоқда. Бу Теҳронга нисбатан санкциялар қўлланишига олиб келиши мумкин. Хитой ва Россия бундай чорани ҳозирча қўллабқувватлагани йўқ.
Европа Иттифоқи Эрон учун уранни ўз ҳудудида бойитиб беришга оид Россиянинг таклифи бўҳронда чиқиш чораси бўлиши мумкинлигини айтмоқда.
Россия ташқи ишлар вазирлиги матубот вакили Михаил Каминин Москва мазкур лойиҳада Хитойнинг иштирок этиш имкониятларини кўриб чиқаётганини маълум қилди.

Грузия Энергия вазири Ника Гилаури охирги 35 йил ичида биринчи марта Эрондан Грузияга газ кела бошлаганини тарихий воқеа, дея олқишлади.

Озарбайжон чегараси яқинидаги Гардабани шаҳарчасидаги газ қувури жумрагини бурар экан Гилаури хоним Эрондан газ кела бошлагани Грузия энергия воситаларига альтернатив имкониятларни қидираётганидан дарак, деб баёнот берди.
Эрондан келаётган газ Грузияда вужудга келган энергия бўҳронидан чиқишга ёрдам бериши кўзда тутилган. Ўтган ҳафта Россиядан газ келадиган газ қувурида портлаш рўй бергани боис, Грузи бир ҳафта эенергетик бўҳрон ичида қолган эди. Кеча Россия Грузияга газ таъминотини қайта тиклади.

Қирғизистон Хавфсизлик кенгаши раиси Мирослав Ниёзов мамлакат хавфсизлик хизмати расмийларига нисбатан босим ошиб бораётгани туфайли истеъфога кетиш ниятида эканини маълум қилди.

“Ростини айтадиган бўлсам, мен ҳам истеъфога кеитш ҳақида аризани ёзиб қўйганман ва президент бу масалани кўриб чиқади, деб ўйлайман”, - дедий Ниёзов бугун Бишкекда ўтказилган матбуот анжуманида.
Ниёзовнинг ёрдамчиси Вячеслав Хан ўтган шанба куни истеъфога чиқиш ҳақида аризасини топширган эди. Хан истеъфога кетиш қарорини изоҳлаб, ўзининг президент маъмурияти ёхуд Хавфсизлик кенгашига босим қилиш воситаси бўлишни истмаслигини айтган эди.
Баъзи депутатлар уни Россия ва Қирғизистон фуқаролиги борлигида айблаган эди.

Қирғизистон Тожикистон билан чегарадош ҳудудларда назоратни кучайтирди.

Бу ҳақда Қирғизистон миллий хавфсизлик хизмати чегара қўшинлари бошлиғи баёнот берди.
Мазкур чорларга ўтган ҳафта Тожкикистон шимолидаги Сўғд вилоятида қамоқхонага қуролли ҳужум уюштирилгани сабаб бўлди.
Қуролланган ҳужумчилар қамоқхона бошлиғи Бобожон Гадибаевни ўлдириб, Ўзбекистон Ислом Ҳаракатига алоқадорликда гумон қилинган махбусни озод қилган эди.
Маҳаллий прокурор Абдуғаффор Қаландаровга кўра, Ўзбекистон Ислом Ҳаракати ўтган йилининг май оида Андижондаги исёндан кейин Тожикистонда фаоллашган.
Ўзбекистон ва ҳориж давлатлари ЎИҲни террорчи ташкилотлар рўйҳатига киритган.

Польша жанубида жойлашган Котовице шаҳридаги кўргазма залида томнинг ўпирилиб тушиши оқибатида ҳалок бўлганларнинг сони 67 нафарга етди.

Шанба куни рўй берган фалокатга қалин ёққан қорнинг оғирлиги сабаб бўлгани айтилмоқда.
Буган воқеада жароҳатланган эркаклардан бири касалхонада вафот этди. Фалокат қурбонларнинг сони ошиши мумкинлиги айтилмоқда.
Қутқарувчилар кеча кечқурун, исковуч итлар ёрдамида топилган барча жасадларни бино вайроналаридан чиқариб олгач, қутқурув ишларини расман якунладилар. Бедарак йўқолганларнинг қариндошлари полицияга мурожаат қилишмоқда.
Бино эгалари томни мунтазам равишда қордан тозалаб турганларини таъкидламоқда. Бироқ воқеани тергов қилаётган комиссия том ўпирилиб тушишидан олдин унинг устида ярим метр қор ва муз бўлганини айтмоқдалар.

Грузия фуқаровий авиация расмийлари Россиянинг ҳарбий учқичлари учун ўз ҳаво кенгликларини вақтинча беркитишларини маълум қилди.

Тбилисидан келган маълумотларга кўра, бу қарорга Россия ҳарбийларининг Грузия ҳаво кенгликларидан фойдаланиш учун тўпланиб қолган қарзлари сабаб бўлган. Грузия авиация расмийсига кўра, бу қарор Россиянинг фуқаровий самолётларига тегишли эмас.
Айни пайтда Россия ҳаво кучлари вакили Грузияга ва унинг устидан ўтадиган самолётлар парвозларини давом эттираётганини маълум қилди.

Туркиянинг Адана шаҳрида рўй берган портлашда тўрт киши жароҳатланди.

Портлаш Аданадаги Турк-Америка дўстлик уюшмаси жойлашган бино ичида рўй берди.
Портлаш учун масъулиятни ҳеч ким ўз зиммасига олганича йўқ. Полицияга кўра, жароҳатланганлар ҳаммаси Туркия фуқароси. Улар касалхонага ётқизилган.
Адана шаҳрида Инчирлик ҳаво базаси жойлашган. АҚШ қўшинлари мазкур базадан Ироқ ва Афғонистондаги ҳарбий амалиётларда фойдаланади.

Ўтган ой Покистон билан чегарадош ҳудудларда ўғирлаб кетилган эронлик аскарларнинг етти нафари озод этилди.

Бу ҳақда Эрон ички ишлар вазири Муҳаммад Бағар Золғадр аскарлар қабилалар етакчилари, Эрон хавфсизлик хизмати ходмлари ва Покистон ҳукумати ҳамкорлиги натижаси ўлароқ озод этилганини баён қилди.
Хабарларга кўра, жаъми 9 нафар эронлик аскар ўғирлаб кетилган ва уларнинг бири бундан олдин озод этилган.
Гаровгирлар ўзларини Жундоллаҳ, яъни Оллоҳнинг аскарлари номли сунний жанггари гуруҳидан эканликларини айтган эди.
Лекин Эрон расмийлари уларнинг террорчи гуруҳларга алоқадар наркотик савдогарлари эканини таъкидламоқда.

Польшанинг Котовица шаҳридаги кўргазма залида томнинг ўпирилиб тушиши оқибатида ҳалок бўлганларнинг сони 66 нафарга етди.

Қутқарувчилар қурбонлар сони бундан ҳам кўпроқ бўлишидан хавотиланмоқда. Кечаси ҳаво минус 15 даражага тушиб кетгани боис, бинода қамалиб қолганларнинг тирик қолиши даргумон, дейишмоқда улар.
Қутқарувчилар миллий биргадаси бошлиғи Казимерш Крижовски бугун ўтказилган матубот анжуманида, бино вайроналаридан омон қолганларни топиш имкониятлари нолга тенглигини айтди.
Польша жанубида жойлашган Котовицада шанба куни рўй берган фалокатда камида 140 киши жароҳатлангани хабар қилинмоқда.
Почтачи кабутарлар кўргазмаси ўтказилаётган залда том ўпирилиб тушган пайтда бино ичида 500га яқин одам бўлган.
Фалокатга томда тўпланиб қолган қорнинг оғирлиги сабаб бўлганми, ё бино конструкциясидаги нуқсонми ноаниқ олмоқда.

Ироқда амалга оширирлган зўравонликларда камида 15 киши ҳалок бўлди.

Полицияга кўра, кечаси Искандария шаҳрида амалга оширилган портлашда камида 10 киши ҳалок бўлган ва бир неча киши жароҳатланган.
Тикрит шаҳрида эса, худкуш бомбачи амалга оширган портлашда ироқлик тўрт аскар нобуд бўлгани хабар қилинмоқда.
Айни пайтда, АҚШ ҳарбийларининг маълум қилишича, Бағдоддаги портлашда америкалик бир аскар ҳалок бўлган.
Бошқа хабарларга кўра, Американинг ЭйБиСи телеканали мухбири Боб Удрафф ва оператори Даг Вогт Ироқнинг Тажи шаҳрчаси яқинида жиддий жароҳат олган.
Маълум бўлишича, журналистлар Ироқ армиясига тегишли автомашинада кетаётган пайтда портлаш содир бўлган.
ЭйБиСи телеканали вакилларига кўра, жароҳатланганларининг аҳволи ўта жиддий ва ҳозирда улар Америка ҳарбий базасидаги шифохонада даволанмоқда.

Бугун Ироқнинг собиқ етакчиси Саддам Ҳусайн унинг устидан суд олиб борилаётган суд залидан чиқариб юборилди.

Саддам билан қора курсида ўтирганлардан бири судни ҳақорат қилгани учун суд залидан чиқариб юборилганидан кейин, собиқ диктатор судни Америка суди деб атади. Айбланувчилардан бири залдан чиқариб юборилгач, адвокатлар ҳам мажлисда иштирок этишдан бош тортди.
Суд раиси айбланувчиларни ҳимоя қилиш учун бошқа адвокатларни тайинлади, бироқ Саддам билан бирга қора курсида ўтирганларнинг икки нафари, жумладан собиқ вице-президент Таҳа Ясин маҳкамага ўз норозиликларини билдирганидан кейин, судья уларни ҳам олиб чиқишни буюрди.
Судда келаси чоршанба кунгача танаффус эълон қилинди.
Саддам ва унинг етти собиқ ёрдамси 1982 йилда Дужайл қишлоғида 148 кишини ўлдирганликда айбланмоқда.

Айни пайтда, Ҳамид Ризо Осифий берган яна бир баёнотда, Эрон келаси баҳорда Холокостга бағишланган конференция ўтказиш ниаятида экани айтилади.

Осифий Хjлокостнинг асл кўламини аниқлашга бағишланган ва Эрон ҳукумати “илмий семинар”, деб атаётган анжуманга Британия Бош вазири Тони Блэйрни ҳам таклиф этди.
Блэйрнинг ўзи Теҳрон режалаштираётган анжуманга муносабат билдирар экан, уни “даҳшатли, кулгили ва аҳмоқона”, дея баҳолади. Маҳмуд Аҳмадийнажод Европага келиб, Холокостнинг асл кўламлари қандай бўлганини ўз кўзи билан кўриши лозим, деб қўшимча қилди Блэйр.
Ахмадийнажоднинг Исроилни йўқ қилиш, Холокстнинг афсона экани, ва Исроил давлатини Европага кўчиришга оид ўтган йилги баёнотлари халқаро ҳамжамият томонидан танқид қилинган эди.
Холокост атамаси Иккинчи Жаҳон уруши даврида нацистлар босиб олган Европада олти миллионга яқин яҳудийларнинг ўлдирилишига нисбатан ишлатилади.

Эрон ўзининг мунозарали ядровий дастури бўйича Британия, Франция ва Германия билан бўлажак музокараларда қатнашиш учун душанба куни Брюсселга делегация юборажагини маълум қилди.

Теҳрон ўзининг ядровий дастурини қайта бошлаганидан сўнг Британия, Франция, Германия ва Қўшма Штатлар бу масалани БМТ Хавфсизлик кенгашига ошириш бўйича ҳаракатларни бошлаб юбордилар.
Эрон ядроивй дастурини Хавфсизлик кенгашига ошириш ёки оширмаслик масаласини муҳокма этиши учун 2 феарл куни Венада Халқаро атом энергияси агентлигининг мажлиси бошланади.
Эрон ташқи ишлар вазирлиги матбуот котиби Ҳамид Ризо Осифий Европа Иттифоқини бу масалада шошма-шашарлик қилмасликка чиқариб, фақатгина музокаралар орқалди муроса қилиш мумкилигини айтди.
Осифий Эрон масаласини Хавфсизилк кенгашига ошириш муаммо ечими бўлмаслигини таъкидлади.

Россия Грузия ва Арманистонга газни етказиб бериш қайта тикланганини маълум қилди.

Эслатиб ўтамиз, Россиядан газ оқиб келадиган қувурда портлаш рўй бергани боис бир ҳафтадан бери бу икки мамлакат газсиз қолаётган эди.
Газ транспортировкаси билан шуғулланадиган Россиянинг Кавказтрансгаз ширкати бошлиғи бугун эрталабдан газ яна Грузия ва Арманистонга оқа бошлаганини маълум қилди.
Грузия миллий газ ширкати матубоут вакилининг Ассошиэйтед Прессга айтишича, газ таъминотини тўла тиклаш учун бир-икки кун вақт керак бўлади.
Ўтган якшанба куни Шимолий Оссетиядан ўтадиган газ қувурларида иккита портлаш рўй берганидан кейин Грузияда энергия бўхрони вужудга келди.
Грузиядаги газ бўхрони Москва ва Тбилиси ўртасидаги шундоқ ҳам совуқ муносабатларини янада кескинлаштирди.
Грузиядаги энергия бўҳрони, мамалкат ғарбида қаттиқ қор ёғиши оқибатида электр тизимидаги муаммолар янада кескинлашди.

Бугун Финляндияда президентлик сайловлари бўлиб ўтмоқда.

Сайловларда иқтидордаги президент Таря Ҳалонен иккинчи марта олти йиллик президентлик муддати учун курашмоқда.
Ҳалонен хонимга собиқ молия вазири Саули Ниинисто рақиблик қилмоқда.
Президент Ҳалолненнинг сайлов олди кампанияси тенгҳуқуқлилик ва мамлакатнинг равнақини сақлаб қолиш ғоясига қурилган бўлса, Ниинисто сайловдан олдин Финляндиянинг равнақини таъминлаш учун иқтисодий ва ижтимоий ислоҳотлар ва янги иш жойларини ташкил этиш ғояларини илгари сурди.
Сайлов участкалари маҳаллий вақт билан кечқурун соат 8да бекилади.

Исроил Ҳамас гуруҳи террорчиликни қораламагунча ва яҳудийлар давлатининг мавжуд бўлиш ҳуқуқини тан олмагунча, бу гуруҳ вакилларини ўз ичига олувчи Фаластин ҳукумати билан муносабат қилмаслигини билдирди.

Исроил бош вазири вазифасини бажарувчи Эҳуд Олмерт Фаластиндаги парламент сайловларида Ҳамас ғалаба қозонганидан кейин макзкур баёнотни берди.
Шунингдек, бугун ўз исмини ошкор этмаган Исроил расмийси Фаластинга тегишли божҳона даромадлари террорчи ташкилотларга ишлатилишига оид шубҳалар пайдо бўладиган тақдирда, бу пуллар фаластинликларга берилмаслигидан огоҳлантирди.
Исроил божхона тўловлари учун компенсация тариқасида Фаластин ҳукуматига ойига 50 миллион АҚШ долларига яқин пул ўтказиб туради.
Айни пайтда, бугун Исроил ва Фаластин ҳудудларига сафар бошлаган Германия канцлери Ангела Меркел ўз сафари давомида Ҳамас билан учрашмаслигини маълум қилди.
Сурия Президенти Башар Ассад халқаро ҳамжамиятни фаластинликлар танловини ҳурмат қилиш ва сайловлар натижаларини тан олишга чақирди.
Ҳамас етакчилари эса, ғарб далватларининг Исроилга қарши курашни бас қилиш, акс ҳолда Фаластин Мухторияти учун муҳим ёрдамни тўхтатишга оид баёнотларини шантаж, дея баҳолади.

Эрон жануби-ғарбидаги Аҳваз шаҳрида портлаш содир бўлди.

ИРНА ахброт агентлигига кўра воқеада талофотлар бўлмаган.
Аҳваз шаҳар ҳокими Муҳаммад Жаффар Сарамий “овоз чиқарувчи бомаба” ярим кечаси порлаганини айтди. Унга кўра, воқеа ўтган ҳафта портлаш амалга оширилган ҳудудда рўй берган.
Аҳвазда 24 январ куни рўй берган портлашда саккиз киши ҳалок бўлган ва 46 киши жароҳатланган эди.
Аҳваз Хузистон вилояти пойтахти бўлиб, бу ерда асосан эронлик араблар истиқомат қилади.

Европада давом этаётган қаттиқ совуқ Германияда яна икки кишининг ҳаётига зомин бўлди.

Германияда қаттиқ совуқда нобуд бўлганларнинг сони тўққиз нафарга етди.
Айни пайтда қаттиқ қор Францияда электр симларининг узилиши, Португалияда автомобил йўлларининг фалаж аҳволга тушиб қолишига сабаб бўлди.
Италиядан олинган хабарларда, Туриндаги қишки олимпия ўйинларининг бошланишига таҳдид солиб келаётган қаттиқ қор ёғиши хавотирлари йўқлиги айтилади. Олимпия ўйинлари 10 феврал куни бошланади.

Европа Комиссияси Қибрисда парранда гриппининг Эйч5Эн1 вируси қайд этилганини маъулм қилди.

Маълум бўлишича, ўлган қушлар текшириб кўрилганда уларнинг Эйч5Эн1 вирусидан нобуд бўлгани аниқланган.
Европа Комиссияси Қибрис Турк жумҳуриятидан тирик ҳайвонлар ёхуд ҳайвон гўшти махсулотларини Европа Иттифоқига олиб кириш ман этилганини маълум қилди.
Қибриснинг халқаро тан олинган жануби ва Қибрис Турк жумҳурияти чегара билан бўлинган.
Эйч5Эн1 вируси Туркияда 4 кишининг ҳаётига зомин бўлди.

Фаластиндаги жанггари “Хамас” гуруҳининг сиёсий қаноти раҳбари армия ташкил этиш учун “Хамас” Фаластиндаги бошқа фракциялар билан бирлашишга тайёрлигини билдирди.

Сурияда фаолият юритаётган Холид Машъал Дамашқ шаҳрида ўтказилган матбуот анжуманида “Хамас”нинг уч мақсади борлигини айтди:
“Уч мақсадни амалга ошириш учун ғалабага эришишни режаладик., Биринчи мақсадимиз, ислоҳот ўтказиш. Яъни, фаластинликлар ҳаётини яхши томонга ўзгартириш. Иккинчи мақсадимиз, қаршиликни ҳимоя қилиш ва фаластинликларни қаршилик атрофида жипслаштириш. Учинчи мақсадимиз, Фаластин парламенти ва Фаластиндаги сиёсий идораларни қайта ташкил этиш. Шунингдек, қарор қабул қилувчи органларни ҳамкорлик асосида қайта тузишдан иборат”.
Машъалга кўра, “Хамас” Фаластин мухторияти ва Исроил ўртасида эришилган шартномаларга амал қилади.

Эрон ва Россия Эроннинг атом станцияси учун уранни бойитиш ишларига бошқа давлатлар ҳам жалб этилиши тўғрисида келишувга эришди.

Эрон Ташқи ишлар вазири Манучехр Муттақий ўз мамлакати учун уранни бойитишда Россияга қайси давлатлар ёрдам беришини айтмади. Маълумотларга кўра, Эрон делегацияси яқинда Хитойга сафар қилиб Эрон учун уранни бойитиш тўғрисидаги Россия томони киритган таклифини муҳокама қилган. Айни пайтда, делегация Эрон ядровий қурол яратиш мақсадида уранни бойитишга ҳаракат қилмаётганига Пекин расмийларини ишонтирган.

Давомини ўқинг

Кўрмай қолган бўлсангиз

XS
SM
MD
LG