Линклар

Шошилинч хабар
16 декабр 2019, Тошкент вақти: 08:22

Халқаро хабарлар

Бугун Покистон президенти Парвез Мушарраф минтақавий хавфсизлик конференциясига иштирок этиш учун Қозоғистонга ташриф буюрди.

Мушарраф конференция ҳорижида Ҳиндистон бош вазири Атал Бехарий Важпайи билан шартсиз музокаралар олиб боришга рози эканини айтди. Аммо кеча Алматига келган Важпайи, расмий Исломобод Ҳиндистонга хужум қилаëтган Покистонлик жангариларга қарши кескин чора-тадбирлар кўрмагунига қадар, Мушарраф билан учрашмаслигини таъкидлади. Хабарларга қараганда, Хитой президенти Цианг Цемин ядровий қуролларга эга бўлган Ҳиндистон ва Покистон ўртасидаги кескинликни юмшатиш мақсадида эртага Мушарраф ва Важпайи билан алоҳида учрашувлар ўтказади. Алмати конференциясидан самарали фойдаланиш учун Россия президенти Владимир Путин ҳам Ҳиндистон-Покистон можоросига воситачилик қилишини таклиф этди. Бугун Қозоғистон президенти Нурсултон Назарбоев Важпайи билан музокаралар ўтказганидан кейин, конференция иштирокчилари халқаро терроризм қораланган бир қўшма декларация ишлаб чиқишларини айтди. Важпайининг қайд этишича, у ва Назарбоев терроризм борасидаги бўҳронларни ҳал қилишда қандай чора-тадбирлар кўрилиши кераклиги хақда бир хил фикрдалар, аммо у бу хусусда аниқроқ сўз юритмади.

Жанубий Кареа ва Япония давлатларида футбол бўйича жаҳон чимпионати ўйинлари давом этмоқда.

Бугун Бразилия терма жамоаси Туркияни 2-1 ҳисобда мағлубиятга учратди. Мексиколик футболчилар эса Харватия терма жамоасига қарши майдонда тўп суриб, 1-0 хисобида ғолиб чиқишди. Шу ой охирига қадар Жанубий Кареа ва Японияда давом этадиган футбол мусобақаларида 32 мамлакатнинг терма жамоалари иштирок этади. Чимпионлик ўйини 30 июн куни Японияда ўтказилади.

Бугун Филипин ва АҚШ ҳукуматлари Америка ҳарбий кучларини Филипин аскарлари Усама бин Ладенга алоқаси бўлган жангариларга қарши курашаëтган худудларга яқинлаштириш ҳусусида келишдилар.

Манилада Филипин ҳукумат расмий вакиллари ва АҚШ мудофаа вазир ўринбосари Пол Волфовитз ўртасида олиб борилган музокараларда мамлакатнинг жанубида қўшма ҳарбий машғулотларни кенгайтириш масаласи мухокама этилди аммо хеч қандай қарор қабул қилинмади. Филипин президенти Глория Араë хонимнинг айтишига қараганда, у АҚШ қўшинлари тўқнашув майдонларига яқинлаштирилишига тарафдор, ўшанда Америкаликлар Абу Сайоф жангариларига қарши жанг қилаëтган Филипин аскарларини яхшироқ тайëргарликдан ўтказиш учун қулай имкониятга эга бўладилар. Филипин мудофаа вазири Анжело Рейеснинг айтишига кўра, АҚШ қўшинлари жангларда иштирок этмайди.

Бугун Белорус ҳукумати Европада хавфсизлик ва хамкорлик ташкилотининг Минскдаги миссияси бошлиғи Андрю Карпентерга ярим кечагача мамлакатни тарк этиш тўғрисида буйруқ берди.

Бу билан ташкилотнинг 3 чи расмий вакили мамлакатдан чиқарилмоқда. 1998 йил феврал ойида Европада хавфсизлик ва хамкорлик ташкилоти Белорус ҳукуматига демократик давлат тизимини ташкил қилишга ëрдам бериш учун Минскга миссия жўнатди. Ўтган йилда Белорус расмий амалдорлари миссия фаолиятларидан норози эканликларини ва унинг мандатини ўзгартиришни исташларини айтишганидан кейин ташкилот расмий вакилларини мамлакатдан чиқариб юбориш бошланди. Европада хавфсизлик ва хамкорлик ташкилоти матбуот вакилининг айтишига кўра, хозир Белорусда халқаро ташкилотнинг фақат 2 расмий вакили қолган.

АҚШ ҳарбий кучлари матбуот вакилининг айтишига қараганда, Американинг тахминан 150 аскари Жалолобод шаҳри яқинидаги ғорларни портлатишганидан кейин бугун ўзларининг Афғонистон шарқий худудидаги базасига қайтишган.

Майор Брайн Хилфетрэ ғорлар ичида нима бўлганини айтмади. Кеча АҚШ етакчилигидаги кучлар Покистон билан бўлган шарқий чегарани ëпиб қўйишга қаратилган янги бир амалиëтни бошладилар. Мазкур амалиëт Нангарҳар вилоятида, аниқроқ қилиб айтганда, Жалолобод шаҳрининг шарқий қисмида ўтказилмоқда. Айни пайтда, Британия қўшинлари Афғонистон жанубида шунга ўхшаш чегара амалиëтини давом эттиришмоқда.
Бугун Франция мудофаа вазири Мишел Аллиот-Мари хоним Бишкекга ташриф буюрди ва Қирғизистон президенти Асқар Ақаев билан учрашди. Аммо ҳозирча музокаралар тўғрисида батафсил хабар берилмади. Маълумотларга кўра, Франция делегацияси эртага Афғонистонга сафар қилишидан олдин Франция ва Қирғизистон мудофаа вазирликлари расмийлари учрашадилар. Ҳозир Франция ва АҚШ етакчилигидаги ҳарбий мутахассислар Афғонистон миллий армиясини тузиш ишларида етакчилик қилишмоқда.

Бугун Исроил қўшинлари Қалқилия шаҳар ташқарисидаги текширув нуқталарида 4 фаластинликни хибсга олганидан кейин Ғарбий соҳилнинг бу худудига кириб, қўмондонлик соатини жорий этди.

Бундан олдин Исроил қўшинлари Наблус шаҳрида ва яқин атрофдаги Балата ва Аин Бет-Алма муҳожирлар лагерларида ҳам рейдлар ўтказди. Фаластиннинг Исроил ишғолига қарши қўзғолонида тўқнашувларни тўҳтатиш борасидаги 2001 йил режаси муаллифи, АҚШ Марказий разведка бошқармаси директори Жорж Тенет, бош вазир Ариел Шарон ва бошқа расмий вакиллар билан музокаралар олиб бориш учун бугун Исроилга келади. Кеча Европа иттифоқининг ташқи муносибатлар бўйича расмий вакили Хавиер Солана келаси ойда Яқин Шарқ конференцияси ўтказилиши мумкинлигини айтиб, унда Фаластин давлатини эълон этиш куни тўғрисида келишиб олинишига умид билдирди.

АҚШ Федерал қидирув бюроси директорининг айтишига қараганда, 11 сентябр терактларидан бери Қўшма Штатларда ва ташқи давлатларда террористик хужумларнинг олди олинган.

Роберт Муллер АҚШда амалга оширилишига йўл қўйилмаган хужумлар тўғрисида батафсил маълумот бермади аммо яқинда Сингапур, Париж ва Испанияда режалаштирилган хужумлар олди олинганини шунингдек Париж-Майами маршурити бўйлаб учган учқучда Ричард Реид батинкаси ичида бомба портлатишига йўл қўйилмаганини эслатиб ўтди. Бу воқеаларнинг барчаси олдин ошкор этилган. Буш маъмурияти, жумаладан, Федерал қидирув бюроси разведка маълумотларидан самарали фойдаланмай, 11 сентябр терактлари олдини ололмагани хусусида танқидларга учради.

Хавфсизлик бўйича мутахассисларнинг Сингапурда ўтаëтган йиғинида АҚШ вакиллари террорчилар ядровий қуролларни қўлга киритишлари эҳтимоли мавжудлиги ҳақида огоҳлантиришди.

АҚШ мудофаа вазири Пол Вольфовиц, террорчиларнинг бундай имконларга эга эканликлари, давлатлар орасида ядровий қуроллар тарқалиши таҳликасидан ҳам хавфлироқ эканини айтди.
АҚШ давлат котибининг собиқ ëрдамчиси Роберт Айнхорн, жаҳон мамлакатларини, оммавий қирғин қуроллари таркибига кирувчи ингредиентларнинг чегаралар орқали олиб ўтилиши ҳоларига йўл қўймаслик учун барча турдаги экспорт маҳсулотлари устидан назоратни кучайтиришга чақирди.

Швейцарияда абортларни қонунийлаштириш масаласига бағишланган референдум бўлиб ўтди.

Сайловчиларнинг 70 фоизидан кўпи 12 ҳафтагача бўлган ҳомини олдиришга руҳсат бериш учун овоз берганлар.
Мамлакатда жорий этилган қонунларга биноан, ҳомилани сунъий равишда тўҳтатиш таъқиқланган. Бироқ Швейцариянинг турли кантоларида бу қонун турлича талқин этилаëтгани натижасида, мамлакатда йилига ўртача 16 мингтагача аборт қилинади.
Мамлакатдаги протестанлтлар черкови билан хотин –қизларнинг энг йирик ташкилотларидан бири ҳам абортларни қонунийлаштириш таклифини қўллаб-қуватлашган.

Кашмирдаги Ҳиндистон билан Покистон чегарасида вазият ўта кескинлигича қолмоқда.

Бугун Ҳиндистон расмийлари покистонлик ҳарбийлар билан артиллерия отишмалари чоғида бир одам ўлгани ва саккиз одам жароҳатланганини маълум қилишди.
Душанба куни Алматида очилаëтган Марказий ва Жанубий Осиë мамлакатлари саммитида Ҳиндистон билан Покистон орсидаги можарони ҳал этиш йўллари муҳокама этилиши кутилмоқда.
Якшанба куни Алматига Ҳиндистон бош вазири Атал Бихари Важпаи етиб борди. Қозоғистонга учишдан олдин у Покистон президенти Парвез Мушарраф билан юзма-юз учрашиш нияти йўқлигини эълон қилган. Ҳиндистон, бундай музокараларга киришишдан олдин Покистон томонидан ислом экстремистлари ҳужумлари тўҳтатитишни талаб қилмоқда.
Мушарраф бугун Тожикистон пойтаҳти Душанбега борди. Тожикистон раҳбарияти билан мзокаралар ўтказганидан сўнг у Алматига йўл олади.
Осиë саммитида иштирок этаëтган Россия президенти Владимир Путин икки мамлакат орасидаги кескинликни юмшатишга уриниш мақсадида душанба куни Покистон ва Ҳиндистон лидерлари билан алоҳида учрашувлар ўтказади.

Бу йил Афғонисонда 3 минг тонна кўкнор йиғиб олинади.

БМТ вакилларининг сўзларига кўра, бу йилги кўкнор ҳосили олдинги йиллар билан таққослаганда анча кичик бўлиши кутилмоқда. Мисол учун 1999 йилда Афғонистонда 4600 тонна кўкнор йиғиб олинган.
БМТ вакилларининг фикрига кўра, афғонистонлик деҳқонлар, токи тирикчилик қилиш учун муқобил юмуш топмагунларича кўкнор экишни давом эттиришади.

Хотой расмийлари Пекиндаги Таяньаньмэнь майдони фожеасининг 13 йиллиги олдидан диссидентларга қарши чораларни кучайтиришмоқда.

Гонгонгда жойлашган Инсон ҳуқуқлари бўйича марказ маълумотларига кўра, шанба куни Хитой расмийлари мамлакатда таъқиқлаб қўйилган христиан черкови аъзоларидан тўрт кишини ҳибисга олганлар.
1989 йил 4 июнда Тяньаньмэнь майдонида юзлаб, баъзи маълуотларга кўра эса минглаб намойишчилар ўлдирилган. Хитойлик 45 диссидент мамлакат расмийларига, 1989 йил ҳодисаларига янгича баҳо бериш талаби билан, очиқ ҳат йўллашди.

Исроил қўшинлари фаластин территориясидаги Наблус шаҳри, ҳамда Иорданнинг ғарбий соҳилида жойлашган Балата қочқинлар лагерларидаги амалиëтларини давом эттиришмоқда.

Айни пайда ҳалқаро воситачилар Яқин Шарқ тинчлик жараëнини боши берк кўчадан чиқаришга қаратилган уринишларини тўхтатишмаяпди. Яқин Шарқ сафарини давом эттираëтган Европа иттифоқининг ташқи сиëсати учун маъсул Хавьер Солана Исроил ташқи ишлар вазири Шимон Перес билан учрашди. Учрашув якунида Солана Яқин Шарқ бўйича халқаро конференция июль ойининг ўрталарида ўтказилиши мумкинлигини билдирди.
Исорил ва Фаластин мухторияти раҳбарлари билан шунингдек АҚШнинг махсус вакили Уоильям Бернс ҳам музокаралар ўтказмоқда.
АҚШ Марказий разведка бошқармаси директори Жорж Тенет Яқин Шарққа сафарини бошлаш олдидан Миср президенти Ҳусни Муборак билан музокаралар ўтказди. Минтақага сафари давомида Тенет фаластинликларнинг хавфсизлик хизматларини қайта ташкиллаштириш ишларида ëрдам кўрсатади.
Фаластин мухторияти раҳбари Ясир Арафат бугун Рамоллоҳдаги қароргоҳида қўшилмаган етти давлат ташқи ишлар вазирлари билан учрашди. Музокараларга оид тафсилотлар эълон этилмаган.

Япония билан Жанубий Кореяда ўтаëтган футбол бўйича жаҳон чемпионатида Испания терма жамоаси учу-бир ҳисиб билан Словения жамоасини мағлубиятга учратди.

Англия билан Швеция футболчилари орасидаги ўйин биру бир, дурранг натижаси билан якунлади. Парагвай билан Жанубий Африка орасидаги ўйин ҳам икию-икки дурранг натижаси билан якунланган.
Аргентина терма жамоаси нигериялик футболчиларни биру- ноль ҳисоби билан мағлубиятга учратди.

Афғонистондаги халқаро аксил-террор коалицияси кучлари Покистон билан чегара районидаги тоғларда янги амалиëтларни ўтказишмоқда.

Омон қолган Ал-Қоида жангариларининг Покистон территориясига ўта олмасликларини таъминлаш учун баланд тоғлардан ўтган йўллар кесиб қўйилган.
Афғонистон расмийларнинг маълумотларига кўра, амалиëтлар Исломобод Кашмирдаги вазият кескинлашгани туфайли Афғонситон билан чегарада жойлаштирилган қўшинларининг бир қисмини Ҳиндистон билан чегара районларига ташлаш режаси муносабати билан ўтказилмқода.
Якшанба куни Кобулдаги расмийлар собиқ қирол Мухаммад Зоҳир бетоб бўлиб қолгани муносабати билан Қадаҳор ва Мозор Шарифга сафарини бекор қилганини эълон қилишди.
87 ëшга криган Зоҳир шоҳ 10-июнда ягни муваққат ҳукуматни тузишга киришиши кутилаëтган Лўя Жирғага раислик қилади.

Австрия президенти Томас Клестиль Чехияни, тариҳда “Бенеш декретлари” номи билан қолган ҳужжатни бекор қилишга чақирди.

Иккинчи жаҳон урушидан кейин президент Эдвард Бенеш даврида қабул қилинган қонунлар фашистлар оккупацияси чоғида мавжуд қонунларни бекор қилиб, айни пайтда немс ва венгр милларларига мансуб чехословакия фуқароларини мамлакатдан ҳайдаб чиқаришни ва уларнинг мулкини мусодара қилишни қонунийлаштириган.
Клестильнинг сўзларига кўра, бу масалани у шу йил Чехия президенти Вацлав Хавел билан ўтказадиган узрашуви чоғида муҳокама қилади.

Россия мудофаа вазири Сергей Иванов Пекинга уч кунлик ташрифини якунлади.

Иванов Ташрифи якунида ўтказган матбуот анжуманида Хитой Россиянинг Осиëдаги устувор стратегик ҳамкори эканини таъкидлаб ўтди.
Унинг сўзларига кўра, икки мамлакат истиқболда нафақат хавфсизлик соҳасида, балки барча бошқа соҳаларда муносабатларини кенгайтириш имконларига эга.
Итар-Тасснинг хабар қилишича, Иванов Хитой лидерлари билан халқаро ва минтақавий хавфсизлик билан боғлиқ масалаларни, шунингдек қуроллар устидан назорат, терроризм, сепаратчилик, диний экстремизм ва халқаро жиноятчиликка қарши кураш соҳаларидаги ҳамкорлик масалаларини муҳокама қилган.
Томонлар шунингдек, ҳарбий соҳадаги ҳамкорликка оид қатор ҳужжатларни имзолаганлар.

Исроил кучлари Байтул Ҳам, Тулкарем ва Наблус шаҳарларидаги фаластин қочқинлари лагерларида террорчиларни қидириш ишларини давом эттирмоқда.

Тулкарем ва Наблусда комендантлик соати жорий этилган. Юзлаб фаластинли хибсга олинди. Исроил харбийларининг таъкидлашларича фаластин худудларида олиб борилаётган амалиётлар превентив хусусиятга эга. Исроил шаҳарларида портлашларни содир этган террорчи-камикадзелар айнан ана шу худудларда яшагани таҳмин этилмоқда.
Бугун Рамаллоҳда Европа Иттифоқининг юқори мартабали вакили Хавьер Солана Фаластин мухторияти раҳбари Ясир Арафат билан сўзлашувлар олиб боради. Улар исроил-фаластин тинчлик музокараларини бошлаш имкониятларини муҳокама этадилар. Жума куни Рамаллоҳга келатуриб Солана июн ойининг оҳирларида Яқин Шарқ тинчлик халқаро анжумани ўтказилиши кераклигини баён этган. Эртага Ховьер Солана Исроил Бош вазири Ариэль Шарон билан учрашади.

Афғонистондаги АҚШ кучлари қўмондонлиги вакилининг айтишича жума куни Гардез яқинида отиб ўлдирилган уч нафар афғон жангчиси, янги ҳукуматни қўллаб қувватловчи гуруҳлардан бўлган.

Полковник Рожжер Кинг уларда душманга хос белгилар бўлгани боис америка солдатларининг ўт очишдан бошқа иложи бўлмаганини таъкидлади.
Хабарларга кўра бугун Афғонистон ғарбидаги Нимроз вилоятида янги муваққат ҳукуматга қарши гуруҳлар ўртасида бўлиб ўтган тўқнашувларда 16 киши халок бўлган. Кеча Афғонистоннинг Қандахор шаҳрида содир этилган портлаш оқибатида эса бир киши оғир жароҳат олди. Бомба вилоят губернатори қароргоҳи яқинига яшириб қўйилган экан. Портлаш оқибтида бинога жиддий зарар етди. Қандахор губернатори вакили портлашларда янги афғон раҳбарияти душманларини айблади. Унинг таъкидлашича, айрим гуруҳлар афғон қавмлари оқсоқоллар кенгаши "Лоя Жирга" сайловларига халақит беришга уринмоқда. "Лоя жирга"нинг биринчи мажлиси 10 июн куни Қобулда очилиши керак.

Бугун Бирлашган Миллатлар Ташкилоти Ҳиндистон ва Покистондаги ваколатхонаси ходимлари ҳамда уларнинг оила аъзоларини эвакуация қилиш бўйича кўрсатма берди.

Унгача эса АҚШ, Буюк Британия ва бошқа ғарб давлатлари Ҳиндистон ва Покистонда яшаётган фуқароларини дарҳол бу мамлакатларни тарк этишларини сўраган. Улар Қашмир минтақасида уруш бошланишидан ҳавотирланиб ана шундай даъват билан чиқишди. Бугун Ҳиндистон мудофаа вазири Жорж Фернандес Ҳиндистон ва Покистон ўртасидаги можаронинг тинч якун топиши даргумон. Шунга қарамай минтақада уруш бошланиш хавфи йўқ деб таъкидлади. Ҳиндистон полициясининг таъкилашича, Жамму ва Қашмир штати маркази Шринагар шаҳрида Қашмир айирмачилари томонидан содир этилган ҳужумлар оқибатида бир киши ўлган, 13га яқини яраланган. Покистон ва Ҳиндистон чегараларида отишмалар тинмаяпти. Ҳозирда Қашмир минтақаси назорат чизиғининг ҳар икки тарафига миллионга яқин қўшин жалб этилган. Келгуси ҳафтада томонларни муросага чақириш мақсадида Жанубий Осиё минтақасига АҚШ мудофаа вазири Дональд Рамсфелд ва Давлат котиби ўринбосари Ричард Армитежларнинг келиши кутилмоқда.

Қирғизистон раҳбари Аскар Акаев 2005 йилда ўзининг президентлик муддати тугаши билан, қайта бўладиган сайловларда номзодини қўйиш нияти йўқ эканини маълум қилди.

Акаевга кўра Қирғизистонда президентликка муносиб номзодлар анчагина. Келгуси президентлик сайловларида фақат халқ сайлаган номзод президент бўлади, деб таъкидлади Аскар Акаев. Гарчи қирғиз президенти сайловларда бошқа номзодини қўймаслиги сабабларини айтмасада, кузатувчилар Қирғизистондаги ҳукуматга қарши норозилик намойишлари бунга туртки бўлган бўлиши мумкинлигини тахмин этишмоқда. Мамлакат жанубидаги Жалолобод вилоятида ўтган ғалаёнларда 6 киши ўлдирилганди. Акаев 2000 йилда президетликка қайта сайланди. Ўшанда Европада Хавфсизлик ва Ҳамкорлик ташкилоти сайловларда айрим соҳталикларга йўл қўйилганини танқид остига олган эди.

Россия мудофаа вазири Сергей Иванов бугун Пекинда ўзининг хитойлик маслакдоши Чи Хаотян билан музокара олиб бормоқда.

Ҳар икки давлат ўртасида харбий ҳамкорликни кучайтириш музокараларнинг бош мавзуси экани айтилмоқда. Иванов шунингдек, Россия-Хитой харбий-техникавий ҳамкорлик бўйича ҳукуматлараро комиссияси кенгашининг мажлисида иштирок этади. Кеча Россия мудофаа вазири Хитой Халқ Республикаси раиси Дзян Дзэмин билан учрашган эди. Учрашув давомида Сергей Иванов Хитой раҳбарини "НАТО-Россия" кенгаши тузилаётгани борасида маълумот берди. Ўз навбатида Дэян Дзэмин бу қарорни қўллаб-қувватлашини айтган. Бир неча кунлардан кейин Россиянинг Санкт-Петербург шаҳрида Шанхай ҳамкорлик ташкилотининг саммити очилади. Унда иштирок этиш учун Хитой ва Россия, шунингдек Марказий Осиёнинг тўрт давлати Қозоғистон, Қирғизистон, Тожикистон ва Ўзбекистон мудофаа вазирлари таклиф этилган.

Европа Иттифоқи давлатлари глобал илиқлашувга қарши кураш тўғрисидаги 1997 йилда қабул қилинган Киото протоколини ратификация қилдилар.

Шундай қилиб, мазкур протоколни жаҳоннинг 70 давлати маъқуллади. Шартнома иштирокчилари келгуси ўн йил мобайнида атмосферага заҳарли газ чиқишини камайтириш ва уни 1990 йилги холатга келтириш бўйича мажбурият олган. Бироқ, протоколни ратификация этган 70 давлатга жаҳон бўйлаб газ чиқиндиларининг 27 фоизи тўғри келади халос. Ҳавони энг кўп ифлослантираётган давлат АҚШ ўтган йили Киото протоколидаги имзосини бекор қилган эди. Ҳозирда жаҳон бўйлаб газ чиқиндилари бўйича АҚШнинг улуши 36 фоизни ташкил этади. Бугунга келиб 41 давлат Киото протоколини имзолаган бўлсада, уни ратификация этгани йўқ.

АҚШ Президенти Жорж Буш келгуси ҳафтада мамлакат Мудофаа вазири Дональд Рамсфелдни Жанубий Осиёга юборишини маълум қилди.

Рамсфелд минтақада вазиятни юмшатиш ва томонларни муросага чақириш мақсадида Покистон ва Ҳинд расмийлари билан музокаралар олиб боради. Президент Жорж Буш Покистон раҳбариятини Қашмирда исломий экстремистларга қарши кескин чораларни кўришга чақирган эди. Бушнинг таъкидлашича, ядро қуролига эга давлатлар - Ҳиндистон ва Покистон ўртасида вазиятнинг кескинлашуви минтақада уруш оловини ёқиши мумкин. Бу эса ҳар икки давлат манфаатига ҳам тўғри келмайди. Кеча Покистон раҳбари Парвез Мушарраф Афғонистон билан чегара ҳудудлардаги қўшинини конфликт ҳудудга олиб ўтилиши борасида фармойиш берди. Ҳозирда Покистон ва Ҳиндистон ўртасидаги Қашмир минтақаси назорат чизиғининг ҳар икки тарафига миллионга яқин қўшин жалб этилган.

АҚШ Давлат департаменти Ҳиндистондаги барча америкаликларни дарҳол мамлакатни тарк этишларини сўраган.

Вашингтон расмийлари Ҳиндистон ва Покистон ўртасида уруш бошланишидан ҳавотирланиб бундай даъват билан чиқди. Шунингдек, Деҳлидаги Америка дипломатлари ва уларнинг оила аъзоларига ҳам мамлакатни тарк этиш тавсия этилган. АҚШнинг Покистондаги элчихонаси ҳодимлари сони аллқачон минимумга қисқартирилди. Буюк Британия ҳам Исломободдаги ўз дипломатларини чақиртириб олган.

Давомини ўқинг

OzodTa'sir

XS
SM
MD
LG