Линклар

Шошилинч хабар
23 август 2019, Тошкент вақти: 08:17

Халқаро янгиликлар

Словакия ташқи ишлар вазири Эдуард Кукан Европа Иттифоқини тузилмани олдиндан режалаштирилган муддатларда кенгайтиришга чақиришини эълон қилди.

Европа Иттифоқи раҳбарларининг навбатдаги йиғини келаси ҳафтада Испанияда ўтади.
Янги аъзоларни 2004 йилда қабул қилиш кўзда тутилган.
Куканнинг сўзларига кўра, у муддатларнинг узайтирилиши иттифоқ аъзолигига номзод 10 мамлакат учун салбий оқибалтлар келтириши мумкинлигини билдиришни режалаштирмоқда.
Европа Иттифоқига аъзолик мавзусидаги музокаралар қишлоқ хўжалигига субсидиялар ажратиш масаласи устида тортишувлар юзага келгани муносабати билан боши берк кўчага кириб қолган.
Европа Иттифоқининг режасига кўра, иттифоққа қўшиладиган мамлакатлар дастлабки босқичда, тузилмага ҳозир аъзо бўлган мамлакатларга ажратиладиган субсидиялар миқдорининг тўртдан бир қисмини олишади.

Кашмирнинг Ҳиндистонга қарашли қисмида Покистон ҳудудларидан туриб амалга оширилган зарбалар натижасида тинч аҳолидан камида беш одам ҳалок бўлди. Уч киши оғир тан жароҳатлари олган.

Ҳиндистон ахборот бошқармаларининг маълумотларига кўра, Кашмирдаги Ҳиндистон-Покистон чегарасида Ҳиндистон ҳудудларига ўтишга уринган беш жангари ўлдирилган.
Кеча Сринагар шаҳрида Кашмирнинг Ҳиндистонга қарашли қисми маъмурияти раҳбарига суиқасд амалга оширилди. Террорчилар расмий маросим чоғида икки гранатани портлатишган. Баҳтли тасодифга кўра, ҳеч кимга зиëн етмаган.
Ҳиндистон
ички ишлар вазири Лал Кришна АДВАНИ, токи Покистон сепаратчилар базаларини ëпмагунича Кашмирдаги можарони тинч йўллар билан ҳал қилиш мавзусидаги музокаларлар ўтказилмаслигини эълон қилди.
Вазирнинг сўзларига кўра, Кашмирнинг Покистонга қарашли қисмида террорчилар қайта тайëргарликдан ўтказилаëтган 70 га яқин легар мавжуд.

Пекиндаги университет шаҳарчасида жойлашган интернет қаҳваҳонасида содир бўлган ëнғин натижасида 24 одам ҳалок бўлди.

13 киши жароҳатланган.
Фожеа сабаблари ҳозирча номаълум.
Кунига 24 соат мобайнида ишлайдиган интернет қаҳваҳоналари Ҳитойликлар орасида ўта оммавийдир. Ҳалқаро компютер тармоғидан фойдаланаëтган 34 миллион хитойликларнинг аксари ўз компютерларини ҳарид қилиш
имконларидан маҳрумдирлар.
Расмийлар, сиëсий ва порнографик сайтларни зиëрат қиладиган фойдаланувчиларни топиш мақсадида, бундай қаҳваҳоналарда мунтазам текширишлар ўтказиб туришади.
Фожеадан сўнг Пекин расмийлари шаҳардаги барча интернет қаҳваҳоналарини ëпиб қўйишди.

Босфор бўғозида Россиянинг Камбоджа байроғи остида сузган ”Магиск” юк кемаси Туркиянинг патрул катери билан тўқнашди.

Дастлабки маълумотларга кўра, 15 одам жароҳат олган. Икки одам бедарак йўқолганлар рўйҳатида қолмоқда. Россия экипажидан ҳеч кимга зиëн етмаган.
Туркия катери сувга чўккан.
Украинадан Италияга металл олиб кетаëтган кема яқинда жойлашган портлардан бирига етказилди. Бугун кема капитани туркия полициясида сўроқ қилинади.

Саноати тараққий этган етти давлат лидерлари июнь ойининг оҳирларида Канадада ўтадиган “Катта етти ва Россия” гуруҳи саммитида ривожланган ва ривожланаëтган мамлакатлар орасидаги муносабатларнинг янги тизимини кўриб чиқишади.

Бу ҳақда шанба куни Канаданинг ГАЛИФАКС шаҳрида учрашган катта етти гуруҳига кирувчи давлатлар молия вазирлари эълон қилишди.
Учрашув диққат марказидаги мавзу, молиявий ëрдам дастурларини ислоҳ қилиш масаласи бўлди. Вазирларнинг фикрига кўра, бундай ëрдамни олишга даъвогарлик қилаëтган мамлакатлар ҳукуматлари, ўз давлатларидаги вазиятнинг барқарорлиги учун кўпроқ маъсулият ҳис этишлари керак.
Форумда шунингдек жаҳон иқтисоди муаммолари, ҳамда молиявий инқироз ҳолатига тушган мамлакатлардаги вазият муҳокама этилди.
Галифаксдаги учрашувлар якунига етаëтганида глобаллашув жараëнига қарши чиқаëтган намойишчилар билан полициячилар орасида тўқнашувлар юз берди. Намойишчиларни тарқатиш учун ëш оқизувчи газ қўлланган. Жароҳатланганлар ҳақида маълумотлар тушмаган.

Исроил бош вазири Ариэль Шарон яқин келажакда мустақил фаластин давлатининг тузилиши эҳтимолини инкор этди.

Исроил радиосининг хабарига кўра, Шарон ушбу баëнотини вазирлар маҳкамаси йиғинида қилган.
АҚШ президенти Жорж Буш ҳукумат аъзолари билан Яқин Шарқ можаросини тинч йўллар билан ҳал этишнинг янги дастурини муҳокама қилмоқда. Унда ҳусусан, вақтинчалик чегараларга эга бўлган мустақил фаластин давлатини тузиш кўзда тутилади.
Исроил Иорданниннг ғарбий соҳилидаги чегарада тўсиқлар қуриш ишларини бошлаб юборди. 350 километрлик тўсиқлар мажмуасига бетон деворлар, зовурлар ва электрон кузатиш тизимлари киради. Исроил мудофаа вазири Биньямин Бен-Элиэзер лойиҳадан мақсад фаластин террорчиларининг Исрил ҳудудуларига ўтришларига йўл қўймасликдир.
Кеча Ғазза секторида “Хамас” гуруҳи жангарилари томонидан қилинган ҳужум натижасида исроиллик икки аскар ҳалок бўлди. Яна тўрт ҳарбий хизматчи жароҳатланган.

АҚШ давлат департаментининг юқори мартабали расмийси Тожикистонга ташрифини бошлади.

Давлат котибининг ëрдамчиси Лин Паско Душанбеда президент Имомали Раҳмонов билан учрашиб, минтақавий хавфсизлик, Афғониsтондаги вазият, ҳамда халқаро терроризм билан боғлиқ масалаларни муҳокама қилади.
Душанбега келишдан олдин Паско Тошкентда Ўзбекистон раҳбарияти билан музокаралар ўтказди.

Бугун Францияда парламент сайловларининг иккинчи давраси ўтмоқда.

Франция парламентнинг қуйи палатаси - Миллий кенгашдаги 519 ўринга мингдан зиëд номзод даъвогарлик қилқмода. Бундан бир ҳафта олдин ўтган биринчи давра сайловларда 58 депутат сайланган.
Жак Ширак тарафдорлари сайловларда жиддий ғалабага эришиб, парламентдаги ўринларнинг бешдан тўрт қисмини эгаллашлари кутилмоқда. Сўнгги беш йил давомида Миллий кенгаш депутатларининг аксарияти чап партиялар намоëндалари бўлган.

АҚШ ларида ракеталарга қарши милий мудофаа тизимини яратиш дастури доирасида ерда жойлаштириладиган ракеталарни учириш мосламаларини қуриш ишлари бошлаб юборилди.

Таркибига олти учириш шахтаси кирган мослама Аляска штатидаги Форт-Грилида жойлаштирилади.
Қурилиш ишларини 2004 йил сентябрга қадар якунлаш режалаштирилмоқда. Шу ҳафта АҚШ 1972 йилда имзоланган ракеталарга қарши тизимларни ривожлантиришни чекловчи шартмомадан чиққанини расман эълон қилган.

Қобулда умумафғон оқсоқоллари кенгаши - Лўя Жирга

Бугун делегатлар Лўя Жирга томонидан сайланадиган ўтиш даври ҳукуматидаги 111 ўринга номзодларни танлаш тизимини муҳокама қилишмоқда.
Тушган уч таклифдан бирига кўра, делегатлар Афғонистондаги 32 вилоятнинг ҳар биридан икки нафардан номзодни илгари суришлари керак. Мандатларнинг қолган қисми жамоа ташкилотлари, университетлар ва бошқа тузилмалар орасида тақсимланади.
Ўз навбатида муваққат парламент ўтиш даври ҳукумати таркиби ва стурктурасини белгилайди. Муваққат парламент раҳбарилигига Афғонистоннинг собиқ президенти Бурҳониддин Раббонийнинг номзоди қўйилган.
Лўя Жирга йиғинлари душанба куни якунланиши кутилмоқда.

Бугун эрта саҳардан Исроил кучлари яна Иордан дарёси ғарбий соҳилидаги Жинин шаҳрига қайтадан киритилди.

Ҳозирда шаҳар бўйлаб комендантлик соати жорий этилган. Жининда исроил харбийлари террорчиларни қидириш ишларини давом эттирмоқда. Исроил разведка хизмати баён қилишича, фаластинлик қуролли гуруҳлар янги террорчилик ҳужумларига ҳозирлик кўрмоқда экан. Ҳозирча қамоққа олинганлар ҳақида маълумотлар йўқ.
Кеча АҚШ Давлат котиби Колин Пауэл Вашингтонда Исроил армияси бош штаби раҳбари Шоул Мофаз, Фаластин мухторияти вакили Набил Шаат ҳамда Саудия Арабистони ташқи ишлар вазири шайхзода Соуд ал-Файсал билан музокаралар олиб борди. Унгача эса АҚШ Давлат департаментида Америка, Россия, Европа Иттифоқи ва Бирлашган Миллатлар Ташкилоти вакилларининг учрашуви ўтган. Учрашув иштирокчилари Яқин Шарқ бўйича халқаро анжуманга тайёргарлик ишларини муҳокама этганлар. Келгуси ҳафтада АҚШ Президенти Жорж Буш томонидан Яқин Шарқда тинчлик ўрнатиш бўйича янги таклиф ўртага ташланиши кутилмоқда.

АҚШ президенти Жорж Буш кеча Покистонда Америка консулхонаси ёнида содир этилган портлашларни қоралар экан, уни уюштирган "жирканч қотилларга" қарши кураш бундан буён ҳам давом этишини баён қилди.

Карачида содир этилган террорчилик ҳаракати оқибатида 11 киши нобуд бўлди, 45 га яқини оғир жароҳат олди. Ҳалок бўлганлар орасида 5 нафар покистон полициячиси ҳам бор. Мазкур портлашларга жавобгарликни "Ал-Қонун" ташкилоти зиммасига олди. Ташкилот кечаги террорчилик ҳаракатлари АҚШ ва Покистон ҳукуматига қарши "муқаддас уруш"нинг бошланиши, дея баён қилган. Қарачидаги фожеалардан сўнг Покистондаги АҚШ ваколатхоналари бир неча кунга ёпиб қўйилди. Олдинроқ эса мамлакатдаги америка дипломатларининг кўпгина қисми оила аъзолари билан бирга эвакуация қилинган эди. Шунга қарамай, АҚШ Давлат котиби Колин Пауэл Покистон президенти Парвез Мушаррафга Вашингтон бундан буён ҳам Исломобод билан террорчиликка қарши курашда яқин ҳамкорлик олиб боришини маълум қилди.

Бугун Қобулда афғон қавмлари оқсоқоллар кенгаши Лўя Жирга мажлиси ўз ишини давом эттирди.

Лўя Жирга Афғонистон ўтиш даври ҳукумати таркибини сайлаши керак. Афғонистон муваққат идораси раҳбари бўлиб келган Ҳамид Карзай пайшанба куни Афғонистон ўтиш даври ҳукумати бошлиғи этиб сайланган эди. Карзай ўз чиқишида сайланадиган янги ҳукумат Афғон халқи манфаатлари йўлида, уларнинг турмушини, тинч-тотувлигини таъминлаш борасида иш олиб боражагини маълум қилди. Янги тузилажак ўтиш даври ҳукумати Афғонистонни бир ярим йил мобайнида, яъни 2004 йилда бўладиган умумхалқ сайловларига қадар идора этади.

Ҳиндистон ва Покистон ўртасидаги Қашмир минтақасида ракета-артиллерия отишмалари тинмаяпти.

Улар оқибатида бугуннинг ўзида уч киши нобуд бўлди, йигирмага яқини жароҳат олди. Ушбу хафта тинчлик миссияси билан Яқин Шарққа ташриф буюрган АҚШ Мудофаа вазири Дональд Рамсфелд томонларни ўт очишни тўхтатиб, музокара бошлашга даъват этган эди. Кеча Покистон Араб денгизидаги ўз харбий ва сувости кемаларини олдинги позициясига қайтариш бўйича фармоиш берди.

АҚШ расмийларининг маълум қилишларича, ҳозирда американинг Кубадаги Гуантанамо харбий базасида 502 нафар толибон ва Ал-Қаида махбуси сақланмоқда.

Жума куни эса Афғонистондан яна 34 нафар махбус Гуантанамога олиб ўтилган. Уларнинг бари Афғонистонда олиб борилган аксил-террор амалиётлари давомида қўлга олинганлар.Шунингдек, 150дан зиёд террорчи-махбуслар Афғонистоннинг ўзида сақланмоқда. Ҳозирча уларнинг тақдири ноаниқлигича қолмоқда. Гарчи АҚШ Президенти Жорж Буш харбий трибуналларга махбусларни суд қилишлари учун рухсат берган бўлсада, қамоқдагиларнинг ҳеч бирига айблов жазоси белгиланмади.

Бугун Чехияда парламент сайловлари ниҳоясига етди.

Овоз бериш жараёни икки кун давом этди. Таҳминларга кўра, тадбирда сайловчиларнинг 70 фоизи иштирок этган. Сайловнинг дастлабки натижаларига мувофиқ иқтидордаги социал-демократлар ва мухолифатдаги Фуқаролар демократик партиялари Парламентдан кўпроқ жой эгаллашлари таҳмин этилмоқда. Ҳар икки партия ҳам Чехиянинг Европа иттифоқига қўшилиш тарафдори.

Бугун Қирғизистонда МДҲ коллектив тезкор кучлари харбий ўқув машқлари бошланди.

Унда Россия, Қозоғистон, Қирғизистон ва Тожикистон қўшинлари иштирок этяпти. Кеча Қирғизистоннинг Чўлпон ота шаҳрида ҳамдўстликка аъзо мамлакатлар мудофаа вазирлари минтақавий хавфсизлик ҳамда ўзаро ҳарбий ҳамкорлик масалаларини муҳокама этган эдилар. Россия мудофаа вазири Сергей Иванов раислигида ўтаётган мазкур йиғинда МДҲ давлатлари ўртасида маълумотлар алмашинуви бўйича махсус дастур қабул қилинган.

Қибрис оролининг юнон ва турк қисмини иккига ажратувчи назорат чизиғида халқаро тинчликни сақловчи кучлар туришини 15 декабрга узайтирилиши борасидаги Бирлашган Миллатлар Ташкилоти Хавфсизлик Кенгаши резолюциясини Туркия қатъиян рад этди.

Туркия ташқи ишлар вазирлиги расмий баёнотида айтилишича, БМТ резолюциясида Шимолий Қибрис Турк Жумҳурияти мутлақо инкор этилган. Туркия – Шимолий Қибрис Турк Жумҳурияти мустақиллигини тан олган ягона давлатдир. Унинг мустақиллиги 1974 йилда Анкаранинг бевосита харбий кўмагида эълон этилган эди.

Бугун Жанубий Кореяда рўй берган авто фалокат оқибатида 13 киши қурбон бўлди.

Ўлганларнинг икки нафари хорижлик фуқаролардир. Пойтахт Сеулни мамлакатнинг шимолий вилоятлари билан боғловчи автотрассада юқори тезликда кетаётган автобус бензин ташувчи юк машинасига бориб урилди. Полиция таҳминларига кўра автофалокат юк машина хайдовчисининг хатоси туфайли рўй берган. Фалокат оқибатида яна 20 киши оғир жароҳат олди. Футбол бўйича жаҳон чемпионати ўтаётган Жанубий Кореяда минглаб хорижлик туристлар борлиги айтилмоқда. Уларнинг аксари футбол томошаларини кўриш учун келишган.

Жанубий Қорея Мудофаа вазирлиги мамлакат футбол жамоаси ўйинчиларини 26 ойлик мажбурий харбий ҳизматдан озод этди.

Кеча Жанубий Корея футболчилари Португалия устидан 1:0 хисобида ғалаба қозониб, жаҳон чемпионатининг навбатдаги даврасига йўлланма олган эди. Мудофаа вазирлигининг бундай имтиёзи Корея футбол жамоасининг ҳали ҳарбий хизматга чақирилмаган 10 аъзосига тегишлидир. Бугун жаҳон чемпионатининг иккинчи давраси мезбон жамоалар Жанубий Қорея ва Япония ўртасидаги ўйин билан бошланади.

ЎЗБЕКИСТОН ГУУАМ АЪЗОЛИГИДАН ЧИҚИШГА ҚАРОР ҚИЛДИ

Ўзбекистон Ташқи ишлар вазири Абдулазиз Комилов Ўзбекистон ГУУАМ ташкилотига аъзоликдан чиққанлигини айтди. Ушбу маълумотни А. Комилов Тошкентда бошланган «Марказий Осиёда низолардан кейинги барқарорлик» анжуманида журналистлар билан учрашув пайти ошкор этди.
Комиловнинг айтишича, ГУУАМ доирасида жиддий иқтисодий режаларни амалга оширишдан аввал бу ташкилот аъзолари ўзаро муносабатларини тартибга келтиришлари ва ўз ички муаммоларини ҳал этишлари лозим. Комиловнинг таъкидлашича, Ўзбекистонинг ГУУАМга аъзо мамлакатлар билан икки томонлама алоқалари яхши.
ГУУАМ- Грузия, Украина, Озарбайжон, Молдова ва Ўзбекистон иштирокида тузилган иқтисодий ва сиёсий ташкилот. У 1997 йилда ташкил этилган. Ўзбекистон ташкилотга 1999 йили қўшилган.

МУҲИМ АНЖУМАН ИШ БОШЛАДИ

14 июнь куни Тошкентда «Марказий Осиёда низолардан кейинги даврдаги барқарорлик» мавзусидаги халқаро конференция ўз ишини бошлади.
Конференция Лондондаги халқаро стратегик тадқиқотлар институти ва Ўзбекистон Республикаси Президенти қошидаги стратегик ва минтақалараро тадқиқотлар институти ҳамкорлигида ўтказилмоқда.
Анжуман иштирокчиларининг фикрича, конференция миллатлараро таҳдидларнинг тарқалишига қаршилик кўрсатишда халқаро ва минтақавий ҳамкорликка янги руҳ беради.
15 июнь куни конференция ўз ишини давом эттиради.

Покистон расмийларининг маълум қилишларича бугун Қарачида АҚШ Консулхонаси ёнида содир этилган портлаш оқибатида ўлганлар сони 11 га етган.

Шаҳар полицияси бошлиғи Комил Шохга кўра ўлганлар орасида тўрт нафар Покистон полициячиси ҳам бор.
Гарчи портлаш оқибатида АҚШ ваколатхонаси ходимлари жароҳат олмаган бўлсада, Консулхона биноси ва унинг яқинида жойлашган меҳмонхонага жиддий шикаст етган. Ҳозирча мазкур портлашларга ҳеч бир ташкилот жавобгарликни олмади. АҚШ Консулхонаси яқинида портлаган машина террорчи –комикадзе томонидан бошқарилгани таҳмин этилмоқда. Покистон президенти Парвез Мушарраф АҚШ ва унинг иттифоқчилари олиб бораётган аксилтеррор компаниясини қўллаб-қувватлаши борасида баёнотлар билан чиққанидан сўнг, мамлакатда экстремистлар анча фаоллашиб қолгани айтилмоқда. Бугун Ҳиндистон ташқи ишлар вазирлиги бўлиб ўтган инцидент юзасидан ташвишланиш изҳор этди.

Пентагон ўзининг ракетага қарши янги мудофаа дастури доирасида навбатдаги синовларни муваффақиятли ўтказди.

Тинч океанидаги АҚШ харбий денгиз қувватларига қарашли кемадан отилган тўсувчи ракета Гавай оролларидан учирилган баллистик ракетани уриб туширди. Кема радарлари ракета йўналишини тўғри аниқлаб, уни 100 миль масофадан туриб аниқ нишонга олган. Кеча Америка Қўшма Штатлари 1972 йилда имзоланган Баллистик ракеталарга қарши мудофаа тўғрисидаги шартномадан расман чиқди. Мазкур шартнома янги синовлар ўтказилишини чеклаб келган эди.

Жанубий Осиё бўйлаб сафарини якунлаган АҚШ Мудофаа вазири Дональд Рамсфелд Қашмир бўйича Ҳиндистон ва Покистон бевосита музокараларни бошлашлари зарурлигини баён қилди.

Ташриф якунида Рамсфелд Покистон Президенти Парвез Мушарраф билан сўзлашувлар олиб борди. АҚШ Мудофаа вазири террорчиликка қарши Покистон раҳбарияти ҳаракатларини ижобий баҳолади. Рамсфелдга кўра, Президент Парвез Мушарраф террорчи-экстремистларнинг Ҳиндистонга ўтишининг олдини олиш бўйича кескин чораларни ваъда қилган. Унгача эса АҚШ мудофаа вазири Қашмир масаласини Ҳинд раҳбарияти билан муҳокама этди. Рамсфелд таклиф этган тинчлик режасига мувофиқ томонлар чегара ҳудудларида артиллерия отишмаларини тўхтатиш бўйича мажбурият олганлар. Шунга қарамай Қашмир минтақасида вазият қалтислигича қолмоқда. Бугун у ерда яна артиллерия отишмалари кузатилган. Отишмалар давомида тўрт кишининг нобуд бўлгани айтилмоқда.

Давомини ўқинг

XS
SM
MD
LG