Линклар

Шошилинч хабар
19 август 2019, Тошкент вақти: 02:12

Халқаро янгиликлар

Бош қароргоҳи Нью-Йоркда жойлашган Human Rights Watch ташкилотининг маълум қилишича, Ўзбекистон расмийлари кейинги бир неча ҳафта давомида диссидент муслима аёлларга нисбатан тазйиқларни кучайтириб юборишган.

Ташкилот томонидан тарқатилган баёнотда айтилишича, Ўзбекистон полициячилари ўтган ҳафта пойтаҳт Тошкентда саккиз аёл ва уларнинг фарзандлари, ҳамда Фарғона водийсида камида тўққиз аёлни ҳибсга олишган. Гуруҳнинг таъкидлашича, аёллар, мусулмон диссидентларга қарши таъқибларга норозилик билдириб, исломий муҳолифат билан аълоқаларда айбланган яқинларининг қамоқлардан озод этилишларини талаб қилганлар.
Ўтган ҳафта Тошкент суди таъқиқланган Хизб-ут-Тахрир гуруҳига аъзоликда айбланган тўрт аёл ишини кўриб чиқди. Айни шундай айблар қўйилган яна тўрт аёл устидан суд жараёни давом этмоқда.

Мадрид марказида бугун икки бомба портлади.

Дастлабки маълумотларга кўра, камида беш одам жароҳатланган. Биринчи бомба марказдаги стадионлардан бири яқинда қолдириб кетилган автомашина ичида бўлган. Бир неча соатдан сўнг бу ерда Мадрининг “Реал” ва “Барселона” жамоалари орасида Европа чемпионлари лигасининг яримфинал ўйинлари бошланиши керак эди.
Иккинчи портлаш натижасида марказдаги бинолардан бирида ёнғин бошланди.
Испания радиосининг хабарига кўра, террор акти учун жавобгарликни ўз зиммасига баск-сепаратчиларининг ЕТА гуруҳи олган.

Истанбул суди туркиялик футбол иҳлосманди Али Умит Демирни, Британиялик икки футбол ишқибозини ўлдиргани учун 15 йилга қамоқ жазосига ҳукум қилди.

2002 йил апрел ойида ”Линдс Юнайтед” командаси билан Туркиянинг “Галатасарой” командалари орасидаги учрашув арафасида футбол ишқибозларининг оммавий тўқнашувлари рўй берган.
Тартибсизликларнинг бошқа фаол ишштирокчилари бир неча ойгача қамоқ жазоси ва жарималарга ҳукум қилинган.

Бугун Францияда ўтган ўта сўл кучлар ва уларнинг лидери Жан-Мари Ле Пенга қарши норозилик намойишларида бир миллионга яқин одам қатнашди.

1-май намойишлари бу йил ”Сўлларга йўқ!” шиори остида ўтмоқда. Маълумки, олдинроқ ўтган президентлик сайловларининг биринчи даврасида Ле Пен кутилмаганда жиддий муваффақиятга эришган.
Франция пойтаҳтида бир пайтнинг ўзида беш намойиш бўлиб ўтди. Париж расмийлари Ле Пен тарафдорлари ва муҳолифлари орасида тўқнашувлар бошланишининг олдини олиш учун намойиишларни турли вақтларга бергилашган.
Сўл кучлар тарафдорларининг намойишлари Париж марказида, куннинг биринчи яримида ўтказилди. Расмийларнинг таҳминларига кўра, уларда 10 мингга яқин одам иштирок этган.
Францияликларнинг кўпчилиги сўл кучларни ҳокимиятга келтирмаслик учун 5-майда ўтадиган президентлик сайловларининг иккинчи даврасида мамлакатнинг жорий президенти Жак Ширак учун овоз беришлари кутилмоқда.

АҚШ ва Британия вакиллари бугун Ясир Арафат билан Исроил томонидан фаластин муҳторияти раҳбари бош қароргоҳи блокадасининг ечилиши шартлари устида келишиб олишди.

АҚШ томонидан таклиф этилган дастурга биноан, Арафат резиденциясида яшириниб олган ва Исроил томонидан терроризмда айбланаётган олти фаластинлик Иерихон шаҳридаги қамоқҳонага етказилишлари керак. Бироқ бу ерда уларни америкалик ва британиялик махсус хизматлар ходимлари қўриқлайдилар. Исроил ана шундай шартлар билан Арафатга сафар қилиш эркилигини қайтаришга рози бўлган.
Энду бу дастурни Исроил расмийлари тасдиқлашлари керак.
Байтулҳамдаги христианлар черкови олдида бугун яна отишмалар рўй берди. Исроил қўшилари томонидан бир ойдан буён қўршовда ушланаётган черковда 200 га яқин қуролли фаластинлик яширинмоқда. Кеча черковни 26 нафар тинч фуқаро тарк этди. Бугун ибодатҳонадан икки полициячи чиқиб кетган.

Европа ва Осиё мамлакатларида бугун 1-май - Халқаро меҳнаткашлар куни кенг нишонланмоқда.

Москва марказида паст маошлар, ифлация ва ишсизликка қарши ўтказилган норозилик намойишларида 100 мингга яқин одам иштирок этди. Намойишлар шунингдек Россиянинг 500 шаҳрида бўлиб ўтди.
Хитой ҳукумати меҳнатда намуна кўрсатганлари учун бир неча ҳусусий тадбиркорни “меҳнат медаллари” билан тақдирлади.
Германиянинг Берлин ва Гамбург шаҳарларида ўтган тунда 1-май байрами муносбати билан 500 га яқин анархист томонидан тартибсизликлар уйиштирилган. Безориларни тарқатиш чоғида 40 га яқин одам ҳибсга олинди.

Туркия АҚШ лари ва аксил-террор коалициясига кирган бошқа иттифоқдош давлатларга мурожаат қилиб, Афғонистондаги халқаро хавфсизлик кучларига етакчилик қилиши учун зарур бўлган ҳарбий техника ва асбоб-ускуналар ажратишни сўради.

Бу ҳақида Си-Эн-Эн телеканалига Туркия қўмондонлиги вакили Ҳусайн Киврокўғли маълум қилди.
Хабарларга кўра, Анқара бронетехникасини олиб ўтиш учун йирик транспорт самолётлари ва сунъий йўлдош алоқси тизимларига муҳтож.
Туркия Афғонистондаги халқаро хавфсизлик кучларига етакчилик ишларини июн ойида бошлаши кутилмоқда.

АҚШ жаҳонда интеллектуал мулк ҳуқуқларини энг кўп поймол этиб келаётган мамлакат Украина эканини эълон қилди.

Савдо вакили департаментининг йиллик ҳисоботида айтилишича, муаллифлик ҳуқуқи билан ҳимояланганига қарамай, Украинада ишлаб чиқарилаётган соҳта компакт дисклар, видеотасмалар ва бошқа турдаги маҳсулотлар АҚШ компанияларига миллионлаб доллар хажмида зарар келтирмоқда.
АҚШ Киевни мамлакатга қарши санкциялар жорий этилиши мумкинлиги ҳақида огоҳлантирган.
Муаллифлик ҳуқуқларини энг кўп бузаётган мамлакарлар рўйҳатига бу йил шунингдек Россия, Миср, Исроил, Хиндистон ва Бразилия кирган.

Покистон президенти Парвез Мушарраф ўз лавозимида яна камида беш йил қолади.

Бу сешанба куни мамалакатда ўтказилган умумхалқ референдум натижасидир.
Покистон ахборот вазирлигининг маълумотларига кўра, овоз бериш жараёнида сайлаш ҳуқуқига эга бўлганларнинг 50 фоизи иштирокм этган. Сайлов варақаларининг учдан икки қисмини ҳисоблаш натижасида покистонликларнинг 98 фоизи ўз овозларини Мушаррафга берганлари аниқланди.
Сайловларни бойкот қилишга чақирган муҳолифат вакиллари ва инсон ҳуқуқларини ҳимоя қилиш фаоллари келтирилаётган рақамлар соҳталаштирилганлигини таъкидлашмоқда.
Мушарраф мамлакатда сиёсий ва иқтисодий ислоҳотларни давом эттириш ҳамда диний экстремизм билан кураш олиб бориш ҳақида ваъда берган.

БМТнинг Нью-Йоркдаги бош қароргоҳида Ироқ вакиллари билан мамлакатга халқаро ҳарбий тафтишчиларни қайтариш масаласида уч кунлик музокаралар бошланмоқда.

Ғарбнинг фикрига кўра, Боғдод оммавий қирғин қуролларини яратиш устидаги ишларини тўхтатмаган.
Ироқнинг Нью-Йоркдаги делегациясига ташқи ишлар вазири Нажи Сабри раҳбарлик қилмоқда. Музокараларда БМТ Бош котиби Кофи Аннан ва БМТнинг Ироқни қуролсизлантириш бўйича комиссияси раҳбари Ханс Бликс иштирок этишади.
Кеча АҚШ давлат котиби Колин Пауэлл Вашингтон яқин ораларда Ироқққа қарши ҳарбий амалиётлар ўтказишни режалаштирмаётганини эълон қилди.

Афғонистон шарқида аксил-террор коалицияси кучлари толиблар ва “Ал-Қаида” жангариларининг қаршилик ўчоқларини бостириш бўйича янги амалиётларни бошлаб юборишди.

Юзлаб харбий хизматчилар Гардез шаҳри атрифидаги тоғли районларга жўнатилган. Бундан икки кун олдин қўшни Ҳост вилоятида австралиялик харбийлар билан “Ал-Қаида” жангарилари орасида икки марта отишмалар содир бўлган эди.
Айни пайтда, Афғонистон шимолидаги Мозори-Шариф шаҳри яқинида икки кундан буён маҳаллий гуруҳлар орасида отишмалар давом этмоқда.
Мудофаа вазири ўринбосари Абдурашид Дўстум тарафдорлари таркибида тўрт вилоятни бирлаштирган харбий округ қўмондони Муҳаммад Отта жангчиларига қарши жанг қилишмоқда. Тўқнашувлар, Дўстум тарафдорлари харбий парад ўтказилган аҳоли пунктини тарк этишдан бош тортганлари муносабати билан бошланиб кетди. Ўлганлар ва жароҳатланганлар сони камида 12 одамни ташкил этади.

Бугун БМТнинг билдиришига кўра, Афғонистоннинг ғарбий қисмида сув тошқинлари рўй бергани натижасида икки одам қурбон бўлган, юзлаб уй, дўкон вайрон бўлган ва катта майдондаги экинзорларни сув босган.

БМТ маълумотларига қараганда, кўплаб одамлар, шу жумладан Эрондан қайтаётган муҳожирларнинг кўпчилиги дараксиз йўқолган. Мухожирларни ташиган юк машинаси сув тошқинида пастликка ағанаган. БМТ матбуот вакилининг айтишига кўра, сешанба куни шиддатли ёмғир ёққани оқибатида Кобулдан 550 км нарида жойлашган Қалайи-Нав ва Аб Камарий қишлоқларида тахминан 500 та уй вайрон бўлган. БМТ табиий офат рўй берган Бодғиз вилоятига чодирлар, кўрпа-тўшаклар, кийим-кечаклар ва озиқ-овқат ёрдамларини жўнатмоқда.

Бугун эрталаб Қозоғистоннинг Бойқўнғир космодромидан Россиянинг “Союз” фазо кемаси халқаро фазо станциясига учирилди.

Жанубий африкалик фазо туристи Марк Шатлворт, россиялик экипаж қўмондони Юрий Гидзенко ва италиялик инженер Роберто Витори тушган “Союз” кемаси шанба куни халқаро фазо станциясига етиб боради. Улар станциядаги бир россиялик ва икки америкалик космонавтлар томонидан кутиб олинадилар. 28 ёшли миллионер Марк Шатлворт америкалик ишбилармон Денис Титодан кейин жаҳоннинг иккинчи фазо туристидир. Тито ўтган йили халқаро фазо станциясида экипаж аъзолари билан бир ҳафта бўлиб қайтди. Шатлворт ва экипаж аъзолари 7 кундан кейин, аниқроғи 5 май куни ерга қайтишади.

Қозоғистон президенти Нурсултон Назарбоев сўз эркинлиги ҳурмат қилинишига тарафдор эканини, аммо, мамлакат оммавий ахборот воситалари қонунга амал қилиши ва давлат манфатларини юқори даражада қўйиши кераклигини таъкидлади.

Бугун Алматида Евроосиё матбуот анжуманини кириш сўзи билан очган Назарбоев, оммавий ахборот воситалари яна турли миллатлар ва динлар орасида, бой ва камбағал мамлакатлар ўртасида барқарорликни ва тинч-тотув ҳаётни мустаҳкамлаш йўлида хизмат қилиши керак. Назарбоев Қозоғистонда матбоут эркинлигини бўғиб қўйганида айблаб келинмоқда. Ўтган ойда Қозоғистон ҳукуматини танқид қилган бир маҳаллий телеканал лецензияси бекор қилинди ва бошқа миллий мустақил телеканалнинг кўрсатувлари бир неча кун тўхтатиб қўйилди. Якшанба куни тамом бўладиган Евроосиё матбуот анжуманида 63 мамлакатнинг матбуот вакиллари иштирок этишмоқда.

АҚШ давлат департаменти Форс кўрфази ва Арабистон ярим ороли минтақаларида Америка фуқароларига ва АҚШ ташкилотларига қарши террористик ҳужумлар содир қилиниши эҳтимоли хақида огоҳлантирди.

Давлат департаменти бундай ҳужумлар қаерда ёки қачон рўй бериши мумкинлиги тўғрисида маълумот бермади, аммо, минтақадаги Америка фуқароларига эҳтиёт бўлишни маслаҳат қилди. Федерал қидирув бюроси ҳам АҚШ ичидаги савдо марказлари ва супермаркетларда террористик ҳужумлар содир қилиниши мумкинлиги тўғрисида огоҳлантирди. Бироқ АҚШ хуқуқ тартибот органлари расмийларининг айтишларича, эҳтимолдаги мазкур хужумлар хақдаги маълумотлар аниқ эмас. АҚШ расмийлари 11 сентябр воқеаларидан бери эҳтимолий терроризм хусусида кўплаб хавфсизлик огоҳлантиришлари эълон қилишмоқда.

Бугун эрталаб Эронда бир неча бор ер қимирлагани натижасида бир одам қурбон бўлди ва қирқ киши жароҳатланди.

Эрон расмий ахборот бошқармаси - ИРНАнинг хабар беришича, кеча ярим кечадан кейин Керманшоҳ вилоятидаги Динвар шаҳри атрофида 15 дақиқа давомида бир неча марта ер қимирлаган. Вилоят расмий вакили Султон Мурод Салимийнинг айтишига қараганда, табиий офатлар оқибатида катта хажмда моддий зарар кўрилган. Зилзилалар Рихтер шкаласида 4.8, 4.9 ва 3.6 балларни ташкил қилган.

Бугун Исроил бош вазири Ариел Шарон октябр ойида Исроил туризм вазири Рехавам Зевини ўлдирганида айбланган тўрт нафар фаластинлик Фаластин ҳарбий суди томонидан жавобгарликка тортилганини қабул қилмади.

Шароннинг айтишича, Исроилнинг ўзи бу тўрт фаластинликни суд қилишни истайди. Аммо 1993 йилги муваққат тинчлик шартномалари шартларига кўра, Исроил Фаластин қамоқхоналарида муддатини ўтаётган фаластинликларни ўзига топширилишини талаб қилолмайди. Фаластинни озод қилиш халқ жабҳаси ўзининг кўплаб аъзолари Исроил кучлари томонидан ўлдирилгани сабабли туризм вазири Зевининг жонига суиқасд қилганини билдирди. Бугун Фаластин ҳарбий суди мазкур радикал гуруҳнинг 4 аъзосини суиқасда айблаб 1 йилдан 18 йилгача озодликдан маҳрум қилди. Хабарларга қараганда, Исроил кучлари кеча тунда ва бугун эрталаб Ғарбий соҳил ва Ғазо худудларида содир бўлган тўқнашувларда камида 10 нафар фаластинликни отиб ўлдирган.

Бугун Ҳиндистон мудофаа вазири Жорж Фернандес ҳарбий соҳада ва терроризмга қарши курашда ҳамкорлик масалаларини муҳокама қилиш учун пойтахт Душанбега ташриф буюрди.

Тожикистон мудофаа вазирлиги матбуот вакили Заробиддин Сирожевнинг айтишича, Фернандес ва Тожикистон расмийлари минтақавий хавфсизлик масаласини ҳам муҳокама қиладилар. Фернандес ўзининг икки кунлик сафари давомида Тожикистон президенти Имомали Раҳмонов ва мудофаа вазири, генерал Шерали Ҳайруллаев билан учрашади. Эслатиб ўтамиз, Тожикистон ва Ҳиндистон ўтган йили Афғонистонда толибларни ҳокимиятдан четлаштириш давомида этник тожиклар ҳукмрон бўлган Шимол Иттифоқини қўллаб-қувватлади. \

Эрон президенти Муҳаммад Ҳотамийнинг айтишига қараганда, Марказий Осиёда ташқи давлатларнинг қўшинлари туриши минтақадаги халқлар учун ҳақоратдир.

Кеча оқшом Алматида мухбирлар олдида чиқиш қилган Хотамий Марказий Осиёда ташқи кучлар жойлаштирилгани Эроннинг хавотир олишига сабаб бўлаётганини айтди. Хотамийнинг таъкидлашича, терроризмнинг энг хавфли кўриниши давлат терроризмидир ва бу ҳозир Исроилнинг фаластинликларга қарши олиб бораётган хатти-ҳаракатларида кузатилмоқда. АҚШ Эронни терроризм ҳомийси сифатида айблаб келмоқда. Кеча Алматида Ҳотамий Қозоғистон президенти Нурсултон Назарбоев билан учрашди. Президентларнинг айтишларича, улар муштарак ҳурмат, ички ишларга аралашмаслик ва Каспий минтақасида барқарорликни сақлаш тўғрисидаги дўстона муносабатлар декларациясини имзолаганлар.

Ҳиндистоннинг Гужарат штати пойтаҳти Аҳмадобод шаҳрида индуистлар ва мусулмонлар ўртасида юз берган тўқнашувлар пайтида 3 киши нобуд бўлди ва 5 киши

Тартибсизликларни тўхтатиш мақсадида полиция ўт очди. Тўқнашувлар бугун бу ерда ўтказилган диний ярашув юриши арафасида юз берди. Намойишни Ҳиндистон Мудофаа вазири Жорж Фернандес бошқарди. Сўнгги икки ой мобайнида Гужарат штатида индуистлар ва мусулмонлар ўртасида бўлиб ўтган тўқнашувлар оқибатида 800 нафардан зиёд киши қурбон бўлди.

Россия Федерацияси Красноярск ўлкаси губернатори Александр Лебедь бугун Абакан шаҳри яқинида рўй берган авиаҳалокатда олган оғир жароҳатлари туфайли вафот этди.

11 киши, шу жумладан Красноярск ўлкаси губернатори тушган Ми8 вертолети Ольское кўли атрофида қулаб тушган.
Жароҳат олганлар Абакан шаҳри касалхонасига олиб борилган. Аҳволи ўта оғир бўлган Лебедь реанимация бўлимида ҳаётдан кўз юмган.
Россия президенти Владимир Путин ва бош вазир Михаил Касьяновлар Лебедь ва бошқа қурбон бўлганларнинг яқинларига тазия изҳор этдилар.
Президент Путиннинг фармойишига биноан ҳалокат сабабларни ўрганиш учун комиссия тузилди.
Дастлабки тахминларга кўра вертолетнинг парракалари электр симларига илашиб қолган.

Ироқ ташқи ишлар вазири Нажи Сабрий бугун Москвага борди.

Эртага у Россия ташқи ишлар вазири Игорь Иванов билан учрашади. Сўзлашувларда асосан Бағдодга қарши халқаро санкциялар муаммоси муҳокама қилиниши кутилмоқда. Россия Бағдодни Халқаро ҳарбий назоратчиларни Ироққа киритишга розилик беришга кўндирмоқчи. Мана шундагина Ироққа нисбатан жорий этилган халқаро санкциялар бекор қилиниши мумкин.
Март ойида Ироқ ташқи ишлар вазири Бағдод халқаро назоратчиларни мамлакатга киритиши мумкин деб баёнот берган эди. Бироқ шу масала бўйича БМТ раҳбарияти билан апрель ойининг ўрталарида ўтказилиши белгиланган музокаралар амалга ошмади. Нажи Сабрий БМТ бош котиби Кофи Аннан билан ўтказажак сўзлашувлари қачон бўлишини тез орада малум қилиши ҳақида ниҳоясига етган ҳафтада баёнот берди.

Исроил радиосининг хабар беришича бугун фаластин жингарилари Ҳеврон яқинидаги ёҳудийлар истиқомат қиладиган Одора шаҳрига ҳужумларни уюштирган.

Унинг оқибатида камида тўрт исроил фуқароси нобуд бўлгани ва 14 га яқини яралангани айтилмоқда. Яраланганлар орасида икки ёш бола ҳам бор. Исроил кеча кечқурун ўз қўшинларини ғарбий соҳилдаги Қалқалия шаҳридан чиқарган эди. Шунга қарамай айрим исроил харбий бўлинмалари шаҳар атрофларида ўз позицияларини ушлаб турибди. Бу хабарни фаластин томони ҳам тасдиқлади. АҚШ Президенти Жорж Буш яна бир бор Исроилдан қўшинларни фаластин худудларидан бутунлай чиқаришни талаб қилди.
2 май куни Америкада Яқин Шарқда тинчлик ўрнатиш бўйича халқаро анжуман бўлиб ўтади. АҚШ давлат департаменти мулозими Ричард Бучернинг таъкидлашича анжуманда Бирлашган Миллатлар ташкилоти, Европа Иттифоқи ҳамда Россиядан вакиллар иштирок этиши кутилмоқда.

Қобулга келган АҚШ мудофаа вазири Дональд Рамсфельд бугун Афғонситон муваққат идораси раҳбари Хомид Карзай билан сўзлашувларда бўлади.

Бугуннинг ўзида Рамсфельд Қобул яқинидаги Бағрам авибазасини бориб кўрди.
Пентагон раҳбарининг айтишича АҚШ кучлари ҳамда уларнинг иттифоқчилари ал-қаида ва толибон жангариларига қарши харбий амалиётларни давом эттирмоқда. Афғонистондаги вазият беш ой олдингига қараганда нисбатан яхшилашган, бироқ, дейди Рамсфельд, бу ерда харбий компания ҳали якунланганича йўқ.
Бугун АҚШ мудофаа вазири Дональд Рамсфельднинг Афғонистонга келишидан олдин Қобул аэропорти ракеталардан ўққа тутилган. Олинган маълумотларга кўра аэропортга келиб тушган учта ракета яқин атрофдаги ёзги майдончаларнинг биридан отилган. Афғон расмийларининг таъкидлашрича ракеталар масофадан туриб бошқариладиган ускуналар орқали отилган.
Рамсфельд Қобулга кела туриб Бишкекда Қирғизистон президенти Аскар Акаев ҳамда ҳукуматнинг бошқа расмийлари билан сўзлашувлар олиб борди. Кеча у Манас аэропортида жойлаштирилган АҚШ қўшинлари вакиллари билан учрашган.
Покистондан олинган хабарларга кўра АҚШ кучлари Покистон армияси билан ҳамкорликда Афғон чегараларида ал-қаида ва толибон гурухлари қолдиқларига қарши амалиётларни бошлаб юборган. Бироқ ҳали бу хабарни расмий манбаалар тасдиқаганича йўқ.
Бугун Афғонистонда коммунистик режим ағдарилганининг 10 йиллигига бағишлаб Қобулда ўтказилган харбий парад давомида МИГ – 21 русумли қирувчи самалёт қулаб тушган. Парадда совет давридан буён эскириб қолган авғон харбий авиацияси қирувчи самалётлари иштирок этган. Афғонистондаги халқаро хавфсизлик кучлари вакилининг айтишича самалётни бошқараётган учувчи нобуд бўлган.

Бугун Афғонистон шарқида қарама-қарши гуруҳлар ўртасида Пактия маркази Гардез учун жанглар бўлиб ўтган.

Афғон ислом ахборот бошқармаси хабарига кўра вилоят собиқ губернатори Шох Задрон жангарилари вилоятни бошқараётган афғон қавмлари кенгаши кучларига ҳужумларни уюштирган. тартибсизликлар давомида камида 15 кишининг халок бўлгани, 70га яқини яралангани айтилади. Январ ойининг оҳирларида ҳам Пактияда қарама-қарши гуруҳлар ўртасида тўқнашувлар юз берган эди. Унинг оқибатида Шох Задрон вилоят губернаторлигидан четлаштирилиб, хокимият маҳалий авғон қавмлари кенгаши қўлига ўтган эди.

Давомини ўқинг

XS
SM
MD
LG