АҚШ сенаторлари Фейсбук ва бошқа етакчи ижтимоий тармоқ компанияларини кескин танқид қилиб чиқди. Бунга ўтган йили президент сайлови кампанияси вақтида россиялик операторларнинг айни тармоқлардан ноқонуний тарзда фойдаланиши олдини ола билмагани сабаб бўлди.
Россияда "қочқинлик сўровчи" мақомида юрган андижонлик Ҳавасбек Алижонов 1 ноябрь куни Москванинг Фрунзенская метроси яқинида номаълум шахслар томонидан ушланди. Бу ҳақда Озодликка ҳодиса жойидан Алижоновнинг турмуш ўртоғи хабар қилди. Унинг айтишича, қора кийим кийган, миллати ўзбек уч шахс унга Ўзбекистон махфий хизмати ҳужжатларини кўрсатган.
АҚШ президенти Дональд Трамп Нью-Йоркда пикап автоулови билан 8 одамни босиб ўлдирганликда гумонланиб 29 ёшли Ўзбекистон ватандоши Сайфулло Ҳабибуллаевич Соипов қўлга олингани ортидан "экстремистликка мойил иммигрантларни" қатъийроқ текшириш тўғрисида кўрсатма берди. 31 октябрда Қуйи Манҳеттен минтақасида содир этилган мазкур террор ҳаракати оқибатида ўндан ортиқ одам ҳам жароҳатланган.
Россиянинг давлатга қарашли омамвий ахборот воситалари (ОАВ) билан анча-мунча таъсир кучига эга “Эхо Москви” радиостанцияси ўртасида даҳанаки жанг қизигандан-қизиб бормоқда. Бунга радиостанция журналистларидан бирининг бўйнидан пичоқ егани сабаб бўлди. Сал олдин давлат телевидениеси дастурида ўша журналист аёл "Ғарбнинг пасткаш агенти", деб аталгандан сўнг бир киши унга иш жойига келиб, ҳужум қилди.
Қирғизистонда 7 ноябрда Улуғ Октябрь революцияси кунини байрам қилиш ўрнига Россия империясига қарши қўзғолон куни нишонланиши борасидаги президент фармони эълон қилингани ортидан Россия Давлат думасига муҳожир қирғиз ватандошларининг ҳайдовчилик гувоҳномаларини бекор қилиш тўғрисидаги қонун лойиҳаси муҳокама учун тақдим этилди.
Саратов вилоятида ФСБ томонидан қўлга олинган 24 яшар ўзбекистонлик “Исломий давлат” гуруҳига одам ёллаганликда айбланмоқда. Махфий хизматлар у Интернет орқали одамларни ёллаб, ўзи ҳам Сурияга чиқиб кетишга уринганлигини иддао қилмоқда.
Бугун Остонада Сурия бўйича тинчлик музокараларининг навбатдаги раунди ўз ишини бошлайди. Қозоғистон Ташқи ишлар вазирлиги тарқатган маълумотларга кўра, музокараларда қатнашувчи барча томонлар, жумладан Сурия ҳукумати ва Сурия қуролли муҳолифатининг вакиллари иштирок этишларини тасдиқлаган.
Каталония пойтахти Барселона шаҳрида юзлаб кишилар норозилик намойишига чиқди. 29 октябр кунги митинг Мадриддаги марказий ҳукумат Каталониянинг мухторият мақомини бекор қилингач, икки кундан сўнг ўтказилмоқда. Ундан олдин вилоят парламенти мустақиллик эълон қилган эди.
Бирлашган Миллатлар Ташкилотининг атом энергетикаси бўйича назоратчиси Эрон раҳбарлари билан музокара ўтказиш учун Теҳронга ташриф буюрди. Сабаби, Қўшма Штатларнинг бунга қарши чиқаётган ҳукумат вакиллари ушбу мамлакатнинг ядро дастурини чекловчи халқаро битимдан чиқиш билан таҳдид қилмоқда.
Хавфсизлик масалаларини ўрганувчи Soufan Group тадқиқот маркази 24 октябрь куни тарқатган ҳисоботда ёзилишича, тожикистонлик 700 дан ошиқ жангари ҳали-ҳануз Сурия ва Ироқда қолмоқда. Марказга кўра, тожик жангариларнинг тақдири номаълумдир.
Қирғизистон президенти Алмазбек Атамбоев "Аждодлар хотираси ва тарихи кунларини таъсис қилиш тўғрисида"ги фармонни имзолади. Бу байрамлар ҳар йили 7 ва 8 ноябрь кунлари нишонланади, дея хабар берди давлат раҳбари маъмурияти. Қирғизистон раҳбари фармони эълон қилиниши биланоқ унга Россия давлат думаси вице-спикери муносабат билдирди. Игорь Лебедевнинг фикрича, “қирғизлар Россияга қарши кунни миллий байрам қилмоқчи”.
Ленинград вилоятида ҳужумга учраган 26 яшар ўзбекистонлик муҳожирнинг аҳволи¸ врачларга кўра¸ ҳозирда барқарор. Ички ишлар ходимларига кўра¸ ҳозирда жиноятни содир қилган шахс қидирувга берилган.
Давомини ўқинг
