Санкт-Петербургнинг Пушкинский туман полиция бўлимида 28 январга ўтар кечаси 39 яшар ўзбек муҳожири ўлдирилиши юзасидан жиной иш очилди. Жиноятда бошқа одамни ўлдирганликда айбланиб, полицияга келтирилган рецидивист жиноятчи айбланмоқда.
Президент Дональд Трамп АҚШга еттита мусулмон давлатдан келган одамларнинг АҚШга киришига вақтинча тўсиқ қўйилганини ҳимоялаб, уни “мусулмонларга нисбатан жорий этилган тақиқ" сифатида баҳоламаслик кераклигини таъкидлади. Трампга кўра, кейинги 90 кун ичида иммиграция билан боғлиқ хавфсизлик чоралари ишлаб чиқилиб, улар амалга киритилгач, бу давлатлар фуқароларига виза бериш тартиби қайта тикланади.
Канаданинг Квебек шаҳри полицияси намоз пайтида маҳаллий масжидга ҳужум қилинганини, натижада олти одам ўлганини, саккиз одам жароҳатланганини билдирди. Мамлакат расмийлари бу ҳодисани “мусулмонларга қарши террор ҳужуми” ўлароқ баҳоламоқда.
Ўзбекистоннинг Сўх анклави билан чегарадош бўлган Қирғизистоннинг Бўзадир, Қоратўқўй, Ширеш қишлоқлари қўшни мамлакатдан келувчи каналда сув танқислиги сабабли 20 йилдан бери мув муаммоси билан яшаб келган. Яқинда ўзбек ва қирғиз қишлоқлари аҳолисининг ўзаро муросага келгани ортидан сув муаммоси ҳам барҳам топди.
АҚШ Федерал суди амалдаги виза ва қочқинлик мақоми билан борган шахсларни мамлакатга киритмай, депортация қилиш жараёнини вақтинча тўхтатишга қарор қилди. Айни пайтда, АҚШ аэропортларида аҳолиси аксар қисми мусулмон бўлган 7 давлат фуқароларини киритмаслик ҳақида президент фармонидан норозилар намойиши кучаймоқда.
Инсон ҳуқуқлари бўйича Европа суди ўзбек продюсери Мирсобир Ҳамидқориевни Ўзбекистонга бериб юборган Россия ҳукуматини 19 минг 500 евро жаримага тортди. Суд қарорига кўра, Россияда сиёсий бошпана сўраган тошкентлик Москвадан махсус хизматлар томонидан ўғирланиб, Россия ҳукумати ёрдамида Тошкентга олиб чиқилган.
Қирғизистонда Ўш воқеаларида айбланиб умрбод қамоқ жазосига ҳукм қилинган ҳуқуқ фаоли Азимжон Асқаров 24 январдан бошлаб муддатсиз очлик эълон қилганидан ташвиш билдирган фаоллар “Асқаров ҳаётини сақлаб қолинг” акциясини бошлади.
Москванинг Вихино туманидаги уйлардан биридаги чиқиндихонада топилган жасад 32 ёшли ўзбекистонлик фаррошга тегишли экани аниқланди. Калтаклаб ўлдирилган бу йигит билан бирга ишлаган муҳожирлар қотилликка мигрантларнинг алоқаси бўлиши мумкинлигини тахмин қилмоқда.
“Бир дунё Қирғизистон” ҳуқуқни ҳимоя қилиш маркази Қирғизистон Миллий хавфсизлик қўмитаси ёлғон маълумот тарқатиб, ташкилотни ёмонотлиқ қилганини айтмоқда.
АҚШ матбутоти президент Дональд Трамп 25 январдан бошлаб иммиграцияга қарши чора кўра бошлаши ҳақида хабар тарқатмоқда. Булар орасида муҳожирларнинг АҚШга келишига вақтинча тўсиқ қўйиш ҳамда Сурия, Ироқ, Эрон ва бошқа мусулмон давлатлар фуқароларигага виза беришни тўхтатишни кўзловчи чоралар ҳам бор.
Москвада ўзи энагалик қилаётган қизалоқни ўлдиргани учун судланган ўзбекистонлик Гулчеҳра Бобоқулова суд ҳукми кучга кириши муносабати билан мажбурий руҳий даволанишга психиатрия клиникасига жўнатилди. Гулчеҳра ётқизилган руҳий касалхона Қозон шаҳрида жойлашгани маълум бўлди.
Афғонистон Бош прокуратураси мамлакат вице-президенти Абдурашид Дўстумнинг 9 нафар тансоқчи ва яқинларини ҳибсга олиш ҳақида ордер берди. Прокуратура вакилининг Озодликка айтишича, бу шахслар Жузжон вилояти собиқ ҳокими Аҳмад Ишчини калтаклаб таҳқирлаганликда гумонланмоқда.
Давомини ўқинг
