Москва вилоятининг Подольск шаҳрида "Ҳизб-ут-Таҳрир" ташкилотига аъзоликда айбланиб ҳибсга олинган ўзбекистонлик Фармон Файзиев иши бўйича айблов хулосаси эълон қилинди. Москва вилоят прокуратураси 43 ёшли самарқандлик муҳожирни “москваликларни Россияда тақиқланган террорчилик ташкилотига даъват қилишда” айблади.
2014 йилнинг декабрида АҚШ президенти Барак Обама Вашингтонда бир гуруҳ америкалик ишбилармонлар олдида чиқиш қилар экан, Россияни танқид қилди. Обама Президент Владимир Путиннинг Украинадаги аралашуви ва “ортга тортувчи сиёсати“ халқаро миқёсда Россияни бутунлай яккалатиб қўймоқда”, деди.
Қирғизистон Чегара хизмати 30 декабрь куни Ўзбекистон-Қирғизистон чегарасининг Боткен вилоятидан ўтувчи қисмидаги “11 гектар” деб аталадиган ҳудудда отишма содир этилгани ҳақида билдирди. Маълумотда айтилишича, ўқ Ўзбекистон чегарачилари томонидан отилган.
Якунига етаётган йилда Марказий Осиё мамлакатлари йирик иқтисодий таназзулга йўлиқди. Афғонистон шимолидаги вазиятнинг ёмонлашгани ва Марказий Осиё мамлакатлари ҳукуматлари “Исломий давлат” жангари гуруҳи туғдирадиган хавф ҳақида қайғура бошлагани сабабли ҳудудда хавфсизликка доир хавотирлар кўпайди
Россия оммавий ахборот воситалари янги “душман” излаб топди. Рус пропагандаси Украина ва АҚШни ўз саҳифаларию ток-шоуларида камроқ “танқид” қилаётгани натижа бермоқда, кўринади. “Медиалогия” компанияси сўровига кўра, 2013 йилдан буён руслар ўзларининг асосий душмани сифатида Туркияни танлагани маълум бўлди. Русларнинг туркларга бўлган душманлик кайфияти ҳатто “террорчи ИШИД”дан ҳам ошиб ўтгани қайд этилди. Тадқиқот натижаларини Москвадан мухбиримиз Умидбек ўрганиб кўрди.
Нурсултон Назарбоев апрель ойида ўтган президентлик сайловидан сўнг танганинг долларга нисбатан қиймати ушлаб турилишини ваъда қилганига қарамай, август ойида қозоқ миллий валютаси бир кун ичида 30 фоизга арзонлади. Бу 2015 йилда нафақат қозоғистонликлар, балки ўзбекистонликлар ҳаётига таъсир кўрсатган муҳим воқеалардан бири бўлди.
Россиянинг Украинадаги ҳатти-ҳаракатларини танқид қилгани учун аввал техникумдан ҳайдалиб, кейин махсус хизматлар назоратига тушган 18 ёшли Влад Колесников яқинлари ва тенгқурлари ҳақоратлари боис руҳий босимига бардош бера олмай 25 декабрь куни катта миқдорда ухлатувчи дори ичиб, ўз ҳаётига нуқта қўйди.
Қирғиз парламентига ўтказилган сайловнинг ҳалқаро ҳамжамият томонидан уникал ҳодиса сифатида баҳоланиши, Бишкек марказида ва атрофида бир қатор террор гуруҳлари ва террорчи деб гумонланган одамларнинг жисмонан йўқ қилиниши, мамлакатнинг Евросиё иқтисодий иттифоқига аъзо бўлиши Қирғизистонда 2015 йилнинг энг муҳим воқеалари бўлди.
27 декабрда Австралия қирғоқларига етиб борган британиялик Жон Биден Тинч океанини қайиқда сузиб ўтган ер юзидаги илк инсонга айланди. Жон Биден жаҳон рекордини 209 кун деганда ўрнатди.
Петербурглик аёлни аввал зўрлаб, кейин пичоқлаб ўлдирганликда айбланиб тошкентлик 31 яшар эркак ҳибсга олинди. Жиноят жойидан қочиб, шаҳардан чиқиб кетаётган пайтида ушланган тошкентлик ёнидан марҳум аёлнинг уйидан ўғирланган буюмлар ҳам топилган.
24 декабрда Қирғизистоннинг Жалолобод вилоятида ўтказилган махсус амалиёт чоғида Ўзбекистон ва Қирғизистон фуқароларидан иборат диний-экстремистик гуруҳ қўлга олинди. Гуруҳ аъзолари Ўш шаҳри яқинидаги Қашқарқишлоқда 37 яшар Юнусжон Абдужалиловни отиб ўлдирганликда ва Қорасув шаҳридаги уйлардан бирига бостириб кирганликда гумонланмоқда.
Давомини ўқинг
