Қашқадарё вилояти Шаҳрисабз шаҳрининг Уйчилик маҳалласида истиқомат қиладиган аҳоли бузилган уйлари учун товон пули ҳам, ер ҳам ололмаётгани ҳақида Озодликка шикоят қилди. Одамларнинг айтишларича, уларнинг уйлари бульдозер солиниб мажбуран бузиб ташланган. Расмийлар бу воқеаларга изоҳ беришдан бош тортаётир.
Одесса вилояти губернатори Михаил Саакашвили олиб бораётган ислоҳотлар, унинг коррупциядан ҳоли ва адолатли жамият қуриш борасидаги ҳаракатлари Ўзбекистон бошқарувидаги тозалашлар билан муқояса қилинмоқда. Қурултойда Ўзбекистондаги тозалашларнинг Саакашивили ислоҳотидан фарқини ўрганишга ҳаракат қилдик.
Ўзбекистонда нақд пул тақчиллиги муаммоси кескинлашиб бораëтгани ортидан Марказий банк июнь ойидан бошлаб пенсияларни нақд пулда беришни тақиқлаб қўйди. Озодликнинг ўзбек банкларидаги манбалари¸ ҳозирча бир ойга деб айтилган бу тақиқнинг узоқ давом этиши кутилаëтганини таъкидладилар.
Самарқанддаги “СамАвто” автомобиль заводининг омборхонаси бошлиғи иш вақтида намоз ўқигани учун ишдан ҳайдалди. Озодлик манбаларига кўра, ушбу заводнинг яна беш нафар ишчисига айни сабаб билан хайфсан берилиб, иш вақтида намоз ўқишса ишидан айрилишлари ҳақида огоҳлантирилган.
Ўзбекистонда абитуриентлар рекорди янгиланди. Тошкентда музқаймоқ қадоғида СССР тарғиб этилмоқда.“Билайн” уяли алоқа оператори хизматларидан норози бўлаётган мижозлар сони ошиб бормоқда. Жорий ҳафта маҳаллий матбуот шу каби воқеалар ҳақида ёзди.
Ўзбекистонлик таниқли тасаввуфшунос, навоийшунос олим, Ўзбекистон Фанлар Академияси илмий ходими, Сайфитддин Рафитдиновнинг фикрича, шайх ҳазратлари асосий эътиборни Ўзбекистон ва Марказий Осиёда асрлар давомида сақланиб келган илмий мерос ҳамда мазҳаб - Ҳанафийлик мазҳаби асосилари бўлган манбаларга қаратган.
Ўзбекистон прокуратура тизимида бир нечта раҳбар мулозим ишдан бўшатилган. Озодликнинг мамлакат бош прокуратурасига яқин манбалари собиқ бош прокурор Рашид Қодиров жорий йил апрелида ишдан олиниши ортидан бу тизимда тозалашлар бошлангани ҳақида хабар қилишмоқда.
21 июль куни эрталаб пойтахтнинг Сергели туманидаги 264-мактаб орқа эшиги яқинида 4 ëшлар чамасидаги қизалоқнинг жасади топилди. Аввалига зўрланиб¸ кейин бўғиб ўлдирилган қизалоқ қотилини қидириш ишига ҳозирда бутун пойтахт милицияси жалб этилган. Озодлик манбаларига кўра¸ ҳозирча на қурбоннинг шахси аниқланган ва на қотил изига тушилган.
Наманган вилояти Норин туманидаги “Ҳусниддин-Зуҳриддин Алишерович” фермер хўжалиги раиси Алишер Матлубов прокурор ҳақоратига ҳақорат билан жавоб қайтаргани учун ҳибсга олинди. Бир ҳафтадан бери Норин тумани ички ишлар бўлимида сақланаётган фермер унга солинган жаримани тўламаганликда айбланмоқда.
Бир ҳафта аввал Тошкентдаги турар ва нотурар жой объектларини текшириш жараёни бошланди. 20 августгача давом этадиган тафтишни милиция, солиқ, коммунал тўловлар каби жами 10 та соҳа вакиллари олиб бормоқда. Тафтишчиларга аҳолининг пропискаси ва коммунал тўловлар бўйича қарздорлигини аниқлаш топширилган.
Ўзбекистон Олий Кенгашнинг собиқ депутати, таниқли инсон ҳуқуқлари фаоли Шовруқ Рўзимуродов ўлганига 14 йил бўлди. 2001 йил июлида Ўзбекистон Ички ишлар вазирлиги тергов изоляторидан унинг жасади чиққанди. Хьюман Райтс Уотч ташкилоти Шовруқ Рўзимуродов ўлимига “шафқатсиз муносабат” сабаб бўлиши мумкин, дея баёнот тарқатганди.
Европа бизнеси ассоциацияси автомбиль ишлаб чиқарувчилар қўмитаси маълумотига кўра, 2015 йилнинг биринчи ярмида Россияда Ўзбекистоннинг Асака шаҳрида ишлаб чиқарилувчи General Motors автомобиллари сотуви 57 фоизга қисқарди. Ўзбекистонда эса автомобиль нархи арзонлашмоқда.
Давомини ўқинг
