CАМАРҚАНД. “Жорий йил 18 август соат 06.33 да Самарқанд шаҳрида ЙПХ ходимлари машинамизни тўхтатди. Улар 30 755 VSF рақамли хизмат автомобили ёнида эди. Ҳужжатларимизни текширишди, бари жойида эди, аммо “қизилда ўтдингиз, протокол тузамиз” дейишди. Биз ноҳақ айблашаётганини айтсак, “майли, сариқда ўтдингиз деб ёзаман” деди. Барча тафсилотларни видеотасвирга олаётган эдик. ЙПХ ходими турмуш ўртоғимнинг қўлидан телефонни зўрлик билан тортиб олди. Қўлларига жароҳат ҳам етказди.
Телефонимизни зудлик билан қайтариб беришмади, бизни икки соат давомида бизни ушлаб туришди.
Ушбу ноҳақликлар вояга етмаган фарзандларимиз кўз олдида содир бўлди. Тўнғич қизим волейбол бўйича Ўзбекистон чемпиони, у ҳарбий бўлишни орзу қилади. Форма кийган, президент ишонч билдирган ходимларнинг бундай зўравонлиги ёш авлодга салбий таъсир қилмайдими? Уларнинг ҳарбий бўлишга иштиёқи сўнмайдими?
Яхшики, ўзини ЙПХ ходимларининг бошлиғиман¸ деган одам вазиятга аралашди. Акс ҳолда, билмадик, бу ерда неча соат қолиб кетар эдик.
ИИВ раҳбариятидан бизга нистабан ноҳақлик қилган, ўзини номуносиб тутган ЙПХ ходимларига чора кўришларини сўраймиз”.
(Бу хабар Озодликка 20 август куни келган.)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagramсаҳифасида кузатинг!
|