Туркиянинг Анталья провинциясида 11 нафар турист йўл-транспорт ҳодисаси оқибатида жабрланди.
Туркиянинг Habertürk телеканали хабарига кўра, жароҳатланганлар орасида ўзбекистонлик сайёҳлар ҳам бор.
Хабарда айтилишича, аварияда жами 11 киши жабрланган, улардан 7 нафари ўзбекистонлик ва россиялик сайёҳлардир.
14 июн куни дам олишга келган туристларга хизмат кўрсатаётган автобус қарама-қарши келаётган машинага тўқнашган.
Жабрланганларнинг барчаси касалхона ва госпиталларга олиб борилган. Habertürk телеканали хабарига кўра, уларнинг бир қисми оғир аҳволда.