Линклар

Шошилинч хабар
29 март 2024, Тошкент вақти: 19:50

Самаралик фаол тазйиқлардан қутилиш учун оиласи билан Россияни тарк этди


Самаралик инсон ҳуқуқлари фаоли Александр Мулюкин тазйиқлардан қутилиш учун оиласи билан Россияни тарк этганини маълум қилди.

Озодлик билан суҳбатда Мулюкин ҳозирда оиласи билан Европа Иттифоқи давлатида эканлигини, у ерда сиёсий бошпана сўрашганини билдирди.

Фаолнинг айтишича, ўтган йилда пенсия ислоҳотларига қарши норозилик намойишларида иштирок этганидан кейин, расмийлар унга ва оиласига тазйиқ ўтказа бошлаган. Хусусан, қандли диабетдан азият чакаётган Мулюкин ноябрь ойидан бери расмийлар унга инсулин сотилишига тўсқинлик қилиб келаётганини айтди.

- Соғлиқни сақлаш вазирлиги ҳамда прокуратурага мурожаат қилишим ортидан номаълум шахслар телефонда менга таҳдид сола бошлади, - деди фаол.

Мулюкин, шунингдек, унинг яқинларига ва қариндошларига руҳий босим ўтказилаётганини қўшимча қилди.

Мулюкин ҳозирда оиласи билан қайси мамлакатда эканлигини очиқламади.

XS
SM
MD
LG