Линклар

Шошилинч хабар
28 март 2024, Тошкент вақти: 16:15

БМТнинг Сурия бўйича махсус вакили истеъфо берди


Стаффан де Мистура (суратда) БМТнинг Сурия бўйича махсус вакили лавозимидан истеъфога чиқди.
Стаффан де Мистура (суратда) БМТнинг Сурия бўйича махсус вакили лавозимидан истеъфога чиқди.

БМТнинг Сурия бўйича махсус вакили Стаффан де Мистура жорий йилда Сурия, Россия ҳамда Эрон кучлари мамлакатнинг катта қисмини қайта қўлга олишга муваффақ бўлиши ортидан истеъфога чиқишга қарор қилди.

17 октябрь куни де Мистура “шахсий сабабларга кўра” истеъфога чиқаётганини, Сурия президенти Башар Асад ўз ютуқларига қарамасдан, БМТ қўллаган тинчлик келишувига рози бўлсагина мамлакатда узоқ муддатли тинчлик ўрнатилишини айтди.

Де Мистура БМТнинг Сурия бўйича учинчи махсус вакили бўлиб, у тўрт йил олдин ушбу лавозимга тайинланган эди.

Аввалги вакиллар - Кофи Аннан ва Лахдар Браҳимийлар Суриядаги урушни тўхтатишга глобал ҳамжамият лоқайдлик билан қараётганини айтиб, истеъфо берган эди.

Мутахассисларнинг фикрича, эндиликда Суриядаги урушга барҳам беришнинг БМТ қўллаши мумкин бўлган ягона йўли Асадни ҳамкорлик қилишга ундаш учун мамлакатни қайта қуриш учун зарур бўлган молия билан таъминлай туришликдир.

XS
SM
MD
LG