Украинадаги ўқ-дори омборида портлаш бўлди
Украина Мудофаа вазирлигига қарашли ўқ-дори омборида 9 апрел куни эрталаб содир бўлган портлаш ва ëнғин оқибатида 12 мингга яқин аҳоли эвакуация қилинди. Етказилган зарар ҳақида маълумот йўқ. Мудофаа вазирлиги матбуот хизматига кўра¸ портлашларнинг ҳар хил нуқталарда бўлгани саботаж содир этилган бўлиши мумкинлигига ишора қилмоқда. Украина Давлат хавфсизлик хизмати саботаж эҳтимоллари борасида текширув ўтказилаëтганини айтди. Омборхона Киевдан 176 километр узоқликдаги Чернигов ҳудудида жойлашган.